2007年4月1日 星期日

晚晚長龍小炒王 --- 【西環加記】

 

呢間加記飯店,就在我以前的家附近,從開幕的第一天起,我已經好奇怪點解晚晚都排晒長龍 ~ 起初以為是 novelty effect,新開張一定多人貪新鮮幫襯喇!但持續幾年都是這樣好生意,就真的有料到啦!

 

很好笑地,雖然呢間飯店咁好生意,但我是從來未去過的   因為就在屋企附近,我咁住家,一定返左屋企食飯架啦   所以我當年也錯過了不少西環美食,例如火井火鍋啦、大利清湯腩 (反正我不吃牛肉,這間一定沒份) 啦、生記飯店的炭爐煲仔飯啦 ... 等等

 

尋晚終於有機會試了!因為是好姊妹山渣提議的。她較早前試過一次,覺得很美味,便約了我和糖糖和大家的老公們去試了   真係非常唔錯啊!真材實料兼火候十足,仲好抵食添!不過份量很大,我地五個人點四個菜都食唔晒呀!

 

【好味街飯推介 --- 西環加記】

地址:西營盤皇后大道西 438 號真善美大廈地舖

電話:2540-8266 (可以訂位)

每人大約消費:$80

備註:原來佢地星期一至五是不設加一的,星期六日才有,咁真係好抵喎!

 

睇下我地尋晚食左o的乜:

(1) 一人份量的花膠燉嚮螺,好足料,o的湯好鮮甜!

(2) 呢個菜叫「陽光十二菜」,好攪笑啊
  顧名思義,佢係以十二款蔬菜煮成的,可以當餸又可以當湯啊!

上枱時,真畀佢o既「巨型面盤」嚇到跌左落地 ... 我諗足足有一尺直徑啊!6-8 個人飲都夠!
   (如是者我地一人飲左兩大碗湯)

(3) 下面呢個係「啫啫雙蠔煲」,但我其實唔知係邊兩種蠔
  反而覺得佢裏面夾雜的豬膶做得好好味! 

(4) 山渣上次試過後,今次極力推介要點的「黃金蝦拼軟殼蟹」,超正!每只蝦都沾滿鹹蛋黃,甘香鮮美 ~ 雖然o的蝦比較細隻,但好處是連蝦殼也能一併吃下去,好香好好味架 (仲可以吸收磷質 ~ yeah ~
)  軟殼蟹切成小件,好入味呢!超讚!


(5) 因為糖糖喜歡吃雞,所以點了呢個「上湯浸霸王雞」,好有雞味,皮下脂肪不多,很嫰滑,可以食埋皮呀!

(6) 加記的飯是用砵仔蒸的,飯粒分明,很不錯!我覺得用砵仔更方便夾餸送飯呢 ~ (酒樓的飯通常都很大碗,似是兩碗吸成一碗的
  放唔到餸呢!)

P.S. 飯後有甜品送 (紅豆沙) 但忘了影相呀


同場加映:加記的老闆一定是創意澎湃的了,o的菜譜 ... 真係令人忍俊不禁 ....




加記的特色 --- 門口經常站著一堆人,有時還泊左幾架名車添架



沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: