2007年4月14日 星期六

【屋仔近況 20070414】等驗樓 + 埋尾-ing

好友 K 小姐今日打電話來追問我間屋仔幾時入伙,因為佢想買部抽濕機送畀我  

,但等o黎等去,等到梅雨天都過埋,都仲未有聲氣    我話 ... 冇計喇,有時工程o的野未必咁準時丫嘛 ... 總之唔駛抽濕機變暖爐就得啦

 

本來我地都唔係太急要搬入去住,但因為之前 J 先生曾說過三月中應該 OK,所以我地都訂落唔少傢俬 ~ 我已經逐一打去o的舖頭度延期送貨架啦,但有o的舖頭唔可以畀我拖咁耐,再拖就要收倉租架勒   所以近來我地都畀左o的壓力 J 先生 ~ 佢話四月底應該交到樓架勒 ~ 希望今次一切順利喇!

 

話說村屋同市區樓唔同之處,就係佢係冇「入伙紙」呢樣野的 。但地政署會派人驗樓,確定建屋位置、樓層數目、樓高、覆蓋面積及用途等都符合建屋牌照的要求,然後會發出一張俗稱「滿意紙」o既文件,以證明該村屋o既合法性以及完工日期。不過,好多人都會o係「滿意紙」發出之前偷雞搬入去住住先架啦 ,不過就一定要有滿意紙才可以完成埋o的買賣手續 & 申請銀行按揭咁喇。

 

據說地政署已派人來驗了兩次樓,已確定基本狀況已合符規定,只等「大 Sir」再來最後覆核一次,就可以出滿意紙架啦   ~

 

而小屋仔工程方面,近來則忙於做埋o的手尾 ~ 今日入去,就見到油漆基本已做好晒,亦剛剛裝好廚房廁所的水龍頭和假天花 ~


 

今日午餐:

上次講起教育路o個間

台灣麵時,vanlily 話次次都會入左去隔離o個間一番日本料理,因為抵食夾大件云云 ~ 所以今日我地就去左試啦!

o的壽司真係超級大件,我諗舊飯有一般壽司o既三倍咁大    但可惜上面件魚生唔大啊   質素不是太突出,不過真係幾抵食o既 ~



沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: