2007年3月28日 星期三

如何在 Yahoo Blog 內加入 Video

有好幾位 blog 友 (包括我的好姊妹山渣) 問過我如何將 Video 加入到 Blog 裏

 ~ 其實 Yahoo Blog 已經介紹得頗詳細,不過 ... 雖則已介紹得幾清楚,我知道山渣係唔會睇得明白o既   因為佢習慣要我「真人發聲」先明架  ~ 所以我製造左個「特備節目」畀佢,順手 share 埋畀大家睇喇

 

笨 B 媽媽小貼士:

   一般用 DC 拍的影片都係 MP3 或 MP4 格式,都已經 ok 架啦。其實 Yahoo Blog 仲可以接受其他格式的 (

必須小於 100 MB 且必須是 WMV, ASF, QT, MOV, MPG, MOD, 3GP, 3GP2 或 AVI 格式及含有音訊的Video)

   由於檔案 size 上限是 100Mb,兼且免得 upload 太耐,大家拍片時可選擇較低像素 (我用開 320x240  30fps,純粹 for blog 用,擺上電視睇應該幾鬆下)

   upload 後的 video 不可以即刻用,要等 thumbnail (預覽圖) 出左先可以用來插入網誌。我的示範影片中有介紹點做。至於幾耐先出到 thumbnail,要視乎你段片的 size。有時幾個字就得,有時等成半日呀 ...

 

【Video 示範 1】如何上載影片


【Video 示範 2】如何將 Video 加入到網誌中


 

【圖一】如何加入影片 - Yahoo Blog 的介紹

【圖二】可以選擇「影像示範」,都係 video 式介紹來的呀!


 

同場加映:

我最近發現 Yahoo Blog 有個新加入的功能幾好,介紹埋畀大家先 ~ 如果大家有o的 blog 唔想全世界都睇到 (e.g. 含有私人相片的) 可以選擇「私人網誌」,然後 define 返係畀「家人」抑或「朋友」睇的。


咁點樣加人地入你個 personal circle 呢?嗱,你可以o係朋友的網誌右上角 click「加入 blog 友名單」

然後 define 番佢係「家人」抑或「朋友」,咁就得架啦!


 

 

37 則留言:

  1. 嘩...好詳細...仲有片教添... 笨B媽係得O既...

    回覆刪除
  2. 斯洛 與 S王子2007年3月28日 上午6:51

    B媽好叻呀...

    回覆刪除
  3. 噢.......太好了 你巧有心機寫出來同我o地分享呀, 唔該晒 相信各位blog友會鍾意睇你篇blog rather than Yahoo 個介紹law

    回覆刪除
  4. 介紹得好details~多謝笨b媽媽o既教學呀!

    回覆刪除
  5. 嗯, 好詳細喲!!!! 好勁呀你!!!!!

    回覆刪除
  6. 我有次想加 Video 都失敗,結果放棄。下次我可以睇住你呢個Video來學喇!辛苦晒!

    回覆刪除
  7. B媽... 你好有心啊... B媽好嘢!!!!!!

    回覆刪除
  8. 苯B媽媽, 你真的很有心

    回覆刪除
  9. 各位:唔駛客氣 ~ 大家o岩用就好勒 本來都想懶,但我的好姊妹山楂前陣子話我知睇唔明 Yahoo 個介紹 我在電話裏又講不通,不如整條親自發聲 video 過佢睇,等佢睇得有親切感o的易明o的喇! (渣:你攪掂條片未啊?!)

    回覆刪除
  10. 但係我成日up咗都有畫無聲.... 點搞先.... 所以迫住用youtube但youtube又冇yahoo咁清喎..

    回覆刪除
  11. Yan Yan:嘩蟹 ~ 你呢o的咁 specific o既問題我就唔識答啦 (因為我係電腦低 B,淨係識得用,唔識解) 呢度有冇高手識答?

    回覆刪除
  12. 呀, 順便借我嚟引用教埋朋友都好喎, 可以嗎???

    回覆刪除
  13. 你果然係我偶像呀.....我問過好多有擺video上blog既人, 佢地都係草草"教"了就算, 我一d頭緒都無, 我都知係邊到睇到教人既message, 不過, 我想我同山渣一樣, 要人step by step真人教授, 今次真係好多謝你咁細心既教導, 好感動呀.....

    回覆刪除
  14. pingu:唔駛客氣 o岩用就攞去用喇!

    回覆刪除
  15. Christina 小魚仔2007年3月29日 上午3:42

    南瓜笨B媽 .... 你好有心 (Thank you for your sharing)

    回覆刪除
  16. 笨b媽媽你樣樣都親力親為,真係有心喇!又肯幫手解決問題,真係唔話得!!

    回覆刪除
  17. 非常詳細呀!謝謝~ 

    回覆刪除
  18. 哇!好詳盡的報導啊 我以前都曾經識過,之後又唔記得點整,而家睇完你又明白晒勒 謝謝 但可能到我整果時又乜都唔記得,你知我有幾超低能架啦

    回覆刪除
  19. Thank you for your detailed teaching

    回覆刪除
  20. 笨B媽﹐真係好! 我都唔識點樣攪法!而家你教我地﹐就真係方便囉! 多謝!!

    回覆刪除


  21. 笨 B 媽媽 多謝報料...我會留意你個「特備節目」啦...

    回覆刪除
  22. 唔該晒 ! 我之前都發現左多左<加入 blog 友名單>呢舊野, 不過, 唔知有咩用, 依家知啦 ! 你

    回覆刪除
  23. Sweet Panda:我雖則有點懶 但我o的求知慾都幾強下,見到有新野都會去八下係乜 八到咪話埋畀大家知咁囉

    回覆刪除
  24. B媽...唔該晒呀...但你知唔知如果多過100MB咁點呀....??

    回覆刪除
  25. 咁即係我無求知慾啦 ! 我都知架啦 ! 依家真係越黎越懶 lu.

    回覆刪除
  26. 有朋友介紹我o黎呢度偷師, 學下點整yahoo video. 好正! 解釋得好清楚! 好羨慕山渣有妳一個甘有心又細心既好姊妹

    回覆刪除
  27. Cola:大過 100Mb 應該 upload 唔到啊 (我好似試過 ... 印象中佢會有句紅色字話你知過左 limit) 好似 youtube o個邊都 upload 唔到咁大的 file 啊,要斬件呢 Sweet Panda:你冇求知慾就唔會睇我o的 blog 喇,我咁鬼長氣 其實我都冇乜耐性睇o個o的 step-by-step instruction,所以咪「真人發聲」整個快版出來囉 哈雷彗星:過獎啦 ... 其實山渣問左我好耐,但我咁耐都未見到佢真身,所以唯有借助網絡傳送呢個真人發聲示範 video 過佢囉

    回覆刪除
  28. 笨b媽媽: 原來真係好複習架!唔睇你介紹, 我諗唔駛旨意自己識post上去, 我明天會寫blog, 引用番你既blog, 做福人群呀!!!^^

    回覆刪除
  29. 進一步想學,點樣cap相 ,即係好似你呢篇咁樣,點樣可以見到電腦個畫面將佢save,跟住放上blog? 因為很多朋友想add我個blog, 佢地嘗試了很多次, 都唔成功, 我想教佢地點add呀!thanks!! 我諗你係時候整個 笨b學堂 , 等我地d" 高科技電子零件超級笨b黨" 學吓野嘛!第一個同你報名!^^

    回覆刪除
  30. 嗚嗚...山楂有你呢個好姊妹真係難能可貴, 我知道佢好努力學架la! haha... 多謝笨b老師!

    回覆刪除
  31. 苯B媽媽: Thank you, 睇黎我要自己拍video時節制下喇...要唔好咁貪心...拍小小夠喇....

    回覆刪除
  32. 有朋友問我點insert video, 我推介左你呢篇blog!! thanks!!

    回覆刪除
  33. 真係教得好詳細呀 激讚喔 而且笨B媽媽的聲音好溫柔呢 我已經成功將短片放在我的BLOG了 多謝你呢

    回覆刪除
  34. 請問如何upload youtube 的video? Thanks.

    回覆刪除
  35. 我想整蒲公英的約定,點整?
    (一入BLOG就有歌個隻)
    IMEEM冇BO

    回覆刪除
  36. 看不明喔..我是一個不聰明的人呢...快教吧,,,好不好....?先謝過...!~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: