2007年3月27日 星期二

西藏蟲草有乜好 Part 2

今日笨 B 爸爸問我:「喂!你上次寫左個蟲草介紹

Part 1,冇左下文嗱?!

嘻 ... 嘻 ... 我記得架 ~ 不過因為呢樣野我唔食o既,所以冇咁 enthusiastic 之嘛 ...   點知屋企有個「訓導老師」會逼我交功課!  費時佢日哦夜哦,等我快快手寫埋佢先 ~

 

重溫一次 Part 1 講過o既 topic 喇 ~

Q1:點解o的蟲草咁貴?平平地o既都要成二千幾蚊一兩?

Q2:蟲草有乜野功用?o岩邊o的人食? 

Q3:西藏蟲草點解貴o的?有乜好?點分辨?

 

好 ~ 繼續我的蟲草 notes ~

Q4:真o既蟲草有咩特徵?

   真蟲草帶有好香o既菇味,如果味道好淡,可能係已經浸煮過 (粹取成份) 然後再曬乾攞o黎賣o既蟲 草,o個o的得番好少功效架

   用口咬碎來試的話,感覺會似食生o既毛豆一樣,好綿好粉,仲會愈o趙愈香,帶點好似雞肉o既香味。假蟲咬落去唔會咁粉,冇肉香味,仲會有o的泥味添!

   真蟲草掐落去會有彈性,有o的蟲草掐落去是硬的,千祈唔好買,因為是浸了鉛水 (重金屬) 用來增加重量的!(笨 B 媽媽按:重金屬中毒好大件事,o個o的真係無良商人 !)

   真蟲草o個條「草」表面係青青黑黑咁色,但搣斷後,個切面是白色的。如果假蟲就冇呢個特徵。另外,真蟲草條草比較靱,但假o既就易斷o的

  真蟲草一共有八對腳,近住個咀有一對、中間四對、近住條草有三對。蟲身會有一節節清晰而對稱o既紋理,假蟲做唔到咁細緻,所以細心o的睇,其實都唔難分辨。

 

Q5:買左蟲草之後,點樣保存?

   蟲草好易發霉,香港又潮濕,所以買返屋企以後,一定要放冰格

 

Q6:蟲草點樣食?

   一般傳統食法都係燉雞、或者同其他補益中藥一齊用,不過因為燉完之後營養都未出得晒,所以最好食埋條蟲,以免浪費

   唔慣食條蟲o既人、或者冇時間燉來吃的,可以考慮將蟲草磨粉 (可同時加入洋蔘或其他藥材),每日食一茶匙,持之以恆,功效都相當唔錯

 

Q7:聽講而家野生蟲草唔可以入口,咁出面o的藥材店點解仲有得賣架?

   上年年底頒佈左個瀕危動植物條例,有一系列o既野生動植物入口香港都受到管制,一定要攞左瀕危證o既商戶先可以入口,並非係人都唔畀入口,否則出面o的蟲草店執晒笠啦

 

Q8:出面o的蟲草咁多 grade,係咪愈貴愈大條愈好架?自己食,買邊o的好o的呀?

   其實而家都有晒科學驗證,大條同細條的冬蟲草成份含量分別不大呀。如果用來送禮,當然大條o的會體面o的喇。但自己食的話,我建議買一兩約 120 條的貨色 (如上圖) 抵食o的。

 

後記:again ~ 呢o的都係我 jot 低再重寫出來的 notes,如有遺漏,請多多包涵

30 則留言:

  1. 笨 b mama: 你真係好有心機呀!!! 不過我唔 唔慣食條蟲嘅人, 係唔敢食條蟲嘅人!

    回覆刪除
  2. 估唔到咁多學問, 不過我一直都想知蟲草係咩黎, 今次多謝你教識我啊, 不過都係無錢買黎試, 實在太貴啦 ~~~

    回覆刪除
  3. Sin Ching mui mui:我都係!我係見到條蟲都已經彈開數十尺o個種! 所以我咁大個女,都未食過蟲草架! 但我試過o的蟲草粉,又真係好香架喎,有少少杏仁味、又有少少肉味咁 ~ Sheena 媽:我都覺得蟲草好貴 ~ 而家後生細女,都應該未駛食住o既 但老人家用來補身,聽講又幾好架喎

    回覆刪除
  4. 好驚食條蟲,但唔食又浪費,唯有迫老公食晒佢

    回覆刪除
  5. 解釋得好詳細...比我睇電視學返黎個D仲清楚 不過太貴啦...

    回覆刪除
  6. 咁洗唔洗入定貨第時食呢? or 叫 sheena爸買比我當係生日禮物咁呢?

    回覆刪除
  7. 小胡子:嘩哈哈 ... 咁你老公咪好補囉 ... See:哈哈,難得見到個老行尊,我o個次問得好詳細架 ~ 淨係整理番o的 notes 都整到傻,不過諗住寫出o黎大家可能有用,我自己第時又可以睇番,就冇所謂喇 Sheena 媽:冰格頂多咪擺到半斤 你想擠爆個雪櫃呀?

    回覆刪除
  8. 無論佢幾有益都好, 我絕對絕對接受唔到食蟲...

    回覆刪除
  9. 笨 B 爸爸好攪野,叫佢自己都開個blog啦!

    回覆刪除
  10. 噹噹:我都係咁話 ... 正如o的人話沙蟲 (福建名菜 --- 土荀凍) 幾咁好味,我都一定唔試呀 不過正如 uncle 所講,磨粉來用都好好架,味道唔錯的 Cindy:嘿 ...!睇見佢打中文個樣,就係想揼佢呀!簡直係阻住地球轉動!

    回覆刪除
  11. 噢......笨B爸爸巧有心咁睇你個blog呀 佢仲提醒你邊d blog 仲未埋尾tim, so good 啦 p.s. 唔想笨B爸爸日哦夜哦 , 唔巧成日寫咁多前、中、後、左、右篇啦....... 俾d心機諗d創意topic, 你得嫁bor......Don't u remember u're genius o羊

    回覆刪除
  12. 笨媽:甘多無良商人,甘我應該去邊度入貨好呢 ?有無推介?想買比體弱多病的媽媽補補。

    回覆刪除
  13. GG:o係笨 B 爸爸o既大力鞭策之下,我簡直係 ... 變左才女咁滯喇! 佢一見我玩電腦,就會叫我做o的正經野架啦! Mrs Kwong:如果你買二三兩來用,可以去o的信譽良好o既大 chain shop 買,雖然貴一點,但至少可以 sure 係正貨嘛 (就算買錯野都有得追究!)。但如果你想買多o的,你話我知喇,我可以幫你向 uncle 問下價 。 提提你,就算去大 chain shop,都要買標明「西藏」o個o的啊。我見有好多其他蟲草的,o的名作到鬼五馬六咁 我一問之下,佢地又答到支支吾吾,令我覺得佢地想混淆我

    回覆刪除
  14. b媽 相片我明天整理後才send俾你 另我為免你的email外洩 已隱藏咗你篇留言喇!

    回覆刪除
  15. 笨b媽媽, 其實我自細都好驚人狗以外所有動物/昆蟲, 所以我係唔會食... 可惜, 因為身體唔好, 所以中醫要我用蟲草製藥丸 不過好彩嘅係, d藥交到我手果陣, 已經係一粒粒黑猛猛嘅小丸子喇~~

    回覆刪除
  16. i don't want to try 蟲草, (so i didn't pay a lot of attention to this blog) but I like to read you comments~~ so funny!! b MAMA and PAPA are very cute couples

    回覆刪除
  17. 宜家dd好貴, 雖然好有藥用價值....但想買都要儲下錢先~~

    回覆刪除
  18. 靚太: MY EMAIL ~ herbertsherry@yahoo.com.hk Thanks!!!

    回覆刪除
  19. 我自細 mom都會用蟲草煲湯 我係果d咩都食既女子 我飲完d湯 就會撈哂d蟲草食哂佢 哈哈 不過大個左 機會就小左lu 媽媽成日留番比自己食

    回覆刪除
  20. 哈哈 ~~ B 媽 B 爸都幾有你心阿 仲會留意你既 blog 無左下文 所以你千企唔好偷懶阿 呢篇都寫得好好阿

    回覆刪除
  21. 多謝你詳細嘅解釋呢~~你好細心呀

    回覆刪除
  22. 笨b媽, 原來笨b爸一直都看住你寫blog.. 有佢幫你follow up, 冇問題啦. 以後可以奉旨唔記得, 等佢提你啦!

    回覆刪除
  23. 笨b媽做嘢有頭無尾,梗要鞭策啦。但係我都聽人講過話食蟲草要成條都食,唔可以淨係食草架,如果唔係d營養吸收唔曬喎,浪費就唔好啦。 除左蟲草之外,我見有個同事中風之後食燕窩補身,都好似好好架喎!

    回覆刪除
  24. 下面o個個家丁笨 B 爸爸: 警告你唔好再趁我煮飯時o係度妖言惑眾啦下! 難為我今晚仲煮勁好味o既青咖喱畀你食,你你你冇良心呀 請留意你o既用詞,「有頭冇尾」同「priortization」係有分別的。我一直記得仲有篇野未寫完,之不過我因應番我手上 topic o既時間性同有趣程度o黎編排佢地o既出場次序o者!

    回覆刪除
  25. 哇~~ 笨B媽 , 我想知"蟲草"ge野好耐ga la~ 不過一直冇去找資料, 今次真係好啦~~ 睇你ge blog 真係掂曬~ 真係咩都有~~ 多謝分享

    回覆刪除
  26. 嘩~笨b爸終於都開咗blog喇 版面仲要寫住"笨b爸最錫笨b媽"好浪漫呀 笨b媽~你好幸福呀

    回覆刪除
  27. b 媽: 嘩...你 18:37 就可以o係屋企煮緊飯喇? 好羨慕呀..... 我今日打咭離開學校係 18:49 但我今朝打咭係 7:43.......... 罰笨 b 爸爸頂榴槤同道歉呀~~

    回覆刪除
  28. 其實蟲草係「蟲」,定係「草」黎架?﹗

    回覆刪除
  29. 你的blog不錯喔.. 無雙遊戲網 - 謝孟媛文法 - 金榜之路 - 魔法24 - 林晟老師數學教學網 - 國中基測試題 - 謝孟媛中級文法 - 陳光數學 - 向補習說再見 - 無印套裝 - 謝孟媛初級文法 - 民視文化 -

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: