2007年3月14日 星期三

西藏蟲草有乜好 (Part 1)

較早前因為工作關係,搵左好多有關冬蟲夏草o既資料,仲扮顧客走訪左好多蟲草店、甚至上環一帶o既批發店。我發覺 ... 原來好多公司o的 sales 都唔係好 pro  ,畀o的資料都幾似是而非   仲有,我發覺市面好多魚目混珠o既產品,作到o的名天花龍鳳咁,其實對中藥有認識o既人都會知道,唔同產地出產o既藥材,質量和藥效可以好大分別   更令我覺得,買蟲草真係要搵信得過o既店舖 or 識貨o既人幫你買,否則駛左一大筆錢得啖笑

 

最後,我都係搵番一個世叔伯請教 ~ 話晒佢做左燕窩蟲草批發廿幾年,絕對係老行尊 ~ 佢教左我好多有關蟲草o既知識同埋揀選方法,等我寫低 share 畀大家睇喇!

 

以下內容由我 jot notes 再「演繹」出來,希望冇寫漏喇   如果大家有野想問,可以話畀我知,我再問下世伯 ~

 

Q1:點解o的蟲草咁貴?平平地o既都要成二千幾蚊一兩?

   因為畀人炒貴晒囉   (不過確有其事,因為家陣好多人買蟲草,個個搶貨,令價錢不斷上升)

   野生蟲草淨係生長o係

西藏、雲南、四川、青海、寧夏等少數省區,仲要係高海拔空山野地,一來產量少,二來採摘困難,所以來貨價來來已經幾貴下 (而家每公斤可以去到五至八萬蚊
)。當中又以西藏蟲草品質最上乘,所以特別昂貴。
 唔好唔記得,零售商仲要賺你一筆呢。

 

Q2:蟲草有乜野功用?o岩邊o的人食?

   野生蟲草o既補益價值好高,但又好溫和,基本上人人都o岩食。當然,無啦啦又唔駛買o的咁貴o既補品o黎食o既 ~ 但如果抵抗力低、成日咳、容易感冒或者身體虛弱想補一補o既人,蟲草係一個唔錯o既選擇

  蟲草都幾 multi-function ~
可以補肺益腎、補虛損、滋養益氣、調節血脂、調節膽固醇、延緩衰老、提昇免疫力、抗疲勞、改善睡眠質素、溫補提神等 ~

 



Q3:西藏蟲草點解貴o的?有乜好?點分辨?

   頭先提過,野生蟲草主要生長o係西藏、雲南、四川、青海、寧夏等少數省區,而海拔愈高o既地方,就愈難採挖。兼且家陣科技發達,都已經可以用科學方法檢測蟲草當中o既有效成份,西藏蟲草含量係最高架。

  話說野生
蟲草係由蝙蝠蛾蟲被冬蟲夏草菌入侵而演變出來的,從産卵 --> 幼蟲期感染冬蟲夏草菌 --> 轉變成真正的冬蟲夏草,前後大概需要時間6年以上。理論上,如果未夠年期o既蟲草,蟲草菌絲係未完全侵蝕蟲身o既,咁有效成份o既含量就會唔高 (咁咪即是 ... 食蟲
?!恐怖-
ing 

 


   西藏蟲草與其他蟲草的區別方法

1.   西藏蟲草成條望起來比較油潤,聞落有陣好濃o既蘑菇香味。而其他地區o既蟲草香味好淡,甚至只有草味。如果用手「捽」下條蟲草,會乾得好鞋

2.  西藏蟲草由於産地o既土質較肥沃油黑,所以,無論條蟲大定細,都會比較粗圓,條草亦比較粗長 (見上圖) 而其他産地來的貨,通常都比較奀,條草又短又幼 (可能因為土質瘠淺關係) 

3.   西藏蟲草色顏色近似黃褐色,油潤感重o的,不論蟲體大小,色澤都好一致。其他地方來的蟲草,顏色好唔一致,有o的灰白色、有o的紅紅地、有o的啡啡地,同埋 size standard .    

 

Oh!好攰-ing  ... 明天繼續

25 則留言:

  1. 咁點食呢, 有冇食譜參考?

    回覆刪除
  2. 好鍾意你呢d 介紹,我媽媽就係成日病呀,所以我想聼多d呢d 中藥常識,唔好比人坤呀嗎!

    回覆刪除
  3. 笨b媽媽 好勁呀 咁多資料 不過蟲草咁貴 我真係唔捨得食呀 上次買都係因為阿媽做完大手術 買俾佢補身先捨得渣! 自己就唔駛喇 我keep住你啲資料 預備將來有機會時用呀!

    回覆刪除
  4. KT:咁快,有冇「o倫」埋我o的內容先,我打得好辛苦架 皮 2:哈哈!咁我下次考番你啦喎! Mrs Kwong:我都覺得好有用,都想寫低將來可以開番o黎參考呀 小魚兒:我都覺得蟲草好貴 ~ 所以我覺得後生細女都可以唔駛補住o既 不過正如我想講,如有需要時,不妨買番o的o黎補一補,但 provided 一定要係正貨啊 我有乘機問埋 uncle 可唔可以搵佢買架 ... 真係識得抓緊機會 ~

    回覆刪除
  5. HELLO, 笨b媽媽, 我第一次係你個 blog 留言. 你好勁呀, 我又學多咗嘢啦.

    回覆刪除
  6. 嘩...笨b媽, 乜你連中藥都曉呀? 勁呀!

    回覆刪除
  7. 其實真真正正的虫草,中國政府已於早年禁止出口(亦可以上中央網check)

    回覆刪除
  8. 笨B媽媽, 你究竟做咩架? 連蟲草都要做research?!

    回覆刪除
  9. 辛苦你了.....GOOD NIGHT....

    回覆刪除
  10. 冬蟲夏草真係好有用, 我之前身體好虛, 食左好多了. 你影果d冬蟲草好肥, 好靚呀! 題外話, 你真係好勁呀, 識整咁多野, 又有個咁勁既爸爸可以偷師. 我想問下, 你個白蘿蔔魷魚仔湯, d魷魚仔係唔係用來蒸豬肉果d? 我屋企只得果種(大隻過你果d魷魚仔), 宜家湊住2個bb, 好難先出到去唐人地方買野. 你個湯又好似幾好咁, 好想試下! 你得閒過來我個blog度坐下啦

    回覆刪除
  11. 咁似蘇玉華做個集天賜良源既????

    回覆刪除
  12. 請問如果買左D蟲草,應該點樣儲存為之好呢?用個膠盒入住放入雪櫃有無問題?可擺放多久?

    回覆刪除
  13. 笨B媽媽: 你巧勁呀 中藥都識....... p.s .......我呢兩日唔上得網住嫁, e家用第二個人a/c 上住咋 .......因為太miss你lu

    回覆刪除
  14. 冬蟲草最好是用來煲雞/烏雞!!! 唔需要多, 用幾絛都夠喇!!!

    回覆刪除
  15. B 媽 ~~ 你可以做記者拉 都好專業呢 所以 以後你唔只可以考慮出書 又可以出雜誌 ( 因為香港雜誌我這裡可以買到阿 )

    回覆刪除
  16. WA~ 原來個D西藏蟲草咁巴敝!! 真係咩都有得炒, 蟲草都比人炒得咁貴...唔知我D蛋糕會唔會有咁既一日呢?!

    回覆刪除
  17. 好詳盡既解釋呀.可惜食唔起咁貴既補品.都係食下雪耳算啦

    回覆刪除
  18. 個然好pro.唔該介紹一些食用方法呀?

    回覆刪除
  19. 哈哈...呢篇BLOG好有用呀.. 有Q & A ... 好似O的公司網頁咁講出客人O既問題...又有埋答案...嘻

    回覆刪除
  20. 嘩..好深奧呀 總知有錢就買黎食啦 咁...究竟佢係咩味架

    回覆刪除
  21. 係囉, 抄到咁貴, 点食得起喎! madame Pi 舊時細個成日有燕窩冬蟲草雪烚糕食, 但而家貴到咁離譜, 阿媽唔買囉

    回覆刪除
  22. 冬蟲草 <------滋陰補腎 正 !!!!!!!!

    回覆刪除
  23. 各位:我寫完 Part 1 就懶精上身,所以要過多一兩日先寫埋 Part 2 啦 ~ 等我 ~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: