2007年3月6日 星期二

環保有錢分?!

 

未認識笨 B 爸爸以前,我從來唔買報紙o既 (o個時都仲未興起免費報紙),因為覺得報紙實在太大疊了 !尤其係方向報,買o既時候,簡直有點內疚感覺呀!所以,我從來都只係會上網睇新聞的

~

然而,笨 B 爸爸係明報o既忠實擁躉,仲一定要攞住份 hard copy 先高興o個隻 ;由星期一至星期七,每日都要「o倫」過份明報至安樂架!我起初都話佢浪費兼唔環保,但跟佢睇下睇下,又發覺呢份報紙幾好睇,報導手法又比較持平公正,所以我都「o倫」埋一份!

講番正題:一日一份報紙、一星期就有七份,罪惡感依然強烈呀
!加埋每天信箱內收到的、睇都唔睇的傳單,真係訓著都驚半夜畀樹精責

 

我地在市區住緊o既係單棟樓,冇甚麼廢紙回收箱設備 ~ 好在不遠處有間廢物回收廠,所以我地會用大袋儲起一堆堆廢紙,裝滿之後就拿去回收廠畀伯伯架啦 ~ 每次仲可以收番十元八塊添呀 !真係利己利民耶

其實,如果大家唔想自己攞o的廢紙去回收廠、又或者自己住o既大廈冇回收箱時,都可以幫下手,將o的報紙/ 雜誌/ 廢紙整整齊齊地紮好或袋好,方便o的清潔阿姐攞去回收丫嘛!十元八塊對大家o黎講可能唔夠買杯野飲,但對於低下階層o黎講,足以買多塊肉、買多兜魚仔加餸架啦 ~

(有感而發,因為在以前住的大廈,有時見到其他住客將o的舊報紙、舊雜誌整到污污糟糟好似垃圾咁,真係覺得好浪費 ~ 呢o的係可以回收o既物資來架嘛!做多一步,你好我好地球叔叔都好 ~)

 

【上圖】明報唔係太大份,所以通常兩星期先袋滿呢兩個大袋 ~

【上圖】清空晒 ~ 爽!又可以重新「儲」過啦


【上圖】哈哈!竟然有 $10 落袋,可以買雪糕食!yeahhhh

 

----------------------------------------------------------

後記

我用「環保有錢分」呢個標題,只係想吸引大家入來睇下 ~

其實環保唔係一個賺錢途徑來 (除非大家想轉行 ...),

而是一種「惜福」的生活態度 ~

福氣不是必然,

請珍惜。

 共勉之

----------------------------------------------------------- 


 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: