2007年3月7日 星期三

學習倉頡好幫手 - 倉頡袖珍字典

見過我打字o既人,都會對我的「摩打手」有點嘩然

   跟住就會講:「點解 ... 點解你 ... 可以打得咁快架!」基本上,我已經可以做到手腦合一,一邊諗一邊打架啦 ...

點解可以咁快?無他,打得多之嘛 !逢親技術性o既野,不嬲都係「工多藝熟」架喇 ~ 呀,唯一可以 share 的「秘訣」,就係一定要識拆倉頡碼,起初係有少少痛苦,係要練架啦  (我攞位份報紙o黎學打字,堅唔堅 )  但掌握左之後,真係快十倍呀!

 

我有一個小工具推薦畀大家 --- 倉頡袖珍字典,o係

倉頡之友會網站可以 download (話時話,佢地個網頁都有其他學習倉頡o既資源分享,不妨睇下!) 可以用以下九種方法查字架!

1.           包含任意一個或多個字根

2.          包含任意字根 + 筆劃

3.          連續字根

4.          連續字根 + 筆劃     

5.          首碼 + 筆劃

6.          尾碼 + 筆劃

7.          首尾碼

8.          筆劃

 

嗱,等我示範一下其中一個查字方法 --- 用首尾碼喇!

【圖一】呢個係 program 起始版面

【圖二】在最底下條 bar 揀選查字方法,今次我揀「首尾碼」,然後鍵入「弓田」

【圖三】噢!原來首尾碼係「弓田」的只得一個「陳」字 (有時會出好多答案架) 咁我就可以知道「陳」字o既全碼係「弓中木田」啦 ~

 

----------------------------------------------------------

後記
笨 B 爸爸就係懶學倉頡碼,所以咁多年o黎打中文仲係痙攣狀態,打成半個鐘先得一段仔

佢唔係唔識拆碼,但佢懶得去鑽研成個字點拆,咪淨係用頭尾碼速成法囉

唉,我有時都睇唔過眼,做佢秘書幫佢打字架
~

希望笨 B 爸爸睇到我呢篇 blog,

會發奮圖強一下喇 

 ~

----------------------------------------------------------

36 則留言:

  1. 我想講, 我姨甥女依家k-3, 都已經要識得拆手尾碼啦~

    回覆刪除
  2. 哈...我同笨b爸爸一樣...打中文都係痙攣狀架..好慢..

    回覆刪除
  3. 亞B,請問你姨甥女讀邊間幼稚園?係咪係九龍塘架?嘩!已經要識得拆手尾碼!!

    回覆刪除
  4. humm, very useful wor, thx

    回覆刪除
  5. 呵呵,我只會拼音,其他要記碼的我都唔願學架,都係懶惰之過,其實拼音因爲好多字要選擇,所以一定比較慢。。。。唔知道幾時可以的起心肝去學呢?

    回覆刪除
  6. 以前讀書時學校就硬性規定要用倉頡, 但出咗黎社會大學之後就懶好多 lu! 用速成, 不過速成都可以「工多藝熟」架!

    回覆刪除
  7. 多謝你的分享, 我大多數也是用速成的. 因此速度不會快得去邊.

    回覆刪除
  8. 我依幾年都學唔到新野 我唔強制自己,我有壓力就會暴食

    回覆刪除
  9. 哈哈.... 我以前用手寫板!! 男友見我咁都睇唔過眼, 叫我學倉頡, 不過我中文唔係好叻所以有時唔識拆碼, 所以都係教我用速成!!! 哈哈哈

    回覆刪除
  10. 我都係識用手寫板炸......

    回覆刪除
  11. 笨b媽媽 我都係用速成喳 很難"啲"起心肝學倉頡呀!

    回覆刪除
  12. 我都係用倉頡, 用慣左之後返而覺得速成又麻煩又慢

    回覆刪除
  13. 我連打字都唔識, 要上網訂個手寫板寫blog

    回覆刪除
  14. 笨B媽咪你好, 我平時都有看你的BLOG架, 今天才回應, 我最近的起心肝學都打倉頡, 雖然好慢, 不過己經快過我用速成果陣時好多。

    回覆刪除
  15. 好犀利呀 英文就可以手腦合一 中文真係有些難度加上我中文又唔係叻 都係手寫板 好

    回覆刪除
  16. 咦~~我打倉頡都好快架.. 都唔洗諗就可以打到出黎~~ 係因為打得多..學校又有教... 嘻嘻~~各位打字唔係咁勁ge blog友.. 要學下野la~~

    回覆刪除
  17. 做過呢幾份工我都係用速成咋 !

    回覆刪除
  18. 我讀書時因為在CALL 台做過SUMMER job,所以可以手口合一,haha 但老公就連學都冇諗過學,只用手寫板

    回覆刪除
  19. 唔…我都好認同"工多藝熟"!有啲得學倉頡既朋友成日話食頡啲碼好難拆,於是我成日同佢地講:"我學倉頡既時候屋企連電腦都無,我都只不過係上當既時候,同埋放學响學做功課時候練"!雖然未至於"手腦合一" (因為經常唔記得個字點寫,嘻嘻~),但都幾快架!(自己讚自己添) ~~每日練習半個鐘 學識倉頡好輕鬆~~

    回覆刪除
  20. 露絲公關手記2007年3月7日 下午6:09

    我都係『痙攣一族』,所以打篇BLOG要成粒鐘,名副其實『粒粒皆辛苦』呀!

    回覆刪除
  21. 我都係用拼音架!

    回覆刪除
  22. 我同笨B爸爸一樣, 懶得去鑽研點拆字,都係用速成咋 我係自從寫blog之後先曉得打咋......初期仲耍請槍 , 我手寫, 個同事得閒幫我打 我巧認同 blog友露絲咁講『粒粒皆辛苦』呀, 琴晚打嗰篇『傳媒威力』打o左成粒幾鐘

    回覆刪除
  23. 哇哈哈 ~ 原來好多朋友同笨 B 爸爸一樣都係「篤手指黨黨員」 我唔會畀佢繼續做架,我一定要諗辦法逼佢學下倉頡先 (否則我成日要做秘書咪好唔得閒 ) P.S. 呢個迷你軟件係我 n 年前 download 的,最近無啦啦醒起,攞出o黎推介一下

    回覆刪除
  24. 哈哈..我係打速成架... 不過有練過打倉頡...記得中學時係拎本中史精讀黎練...一邊背一邊打...唔錯架都.. 但而家都係用速成多...我太懶啦...

    回覆刪除
  25. 我都係『痙攣一族』wo~~~~haha

    回覆刪除
  26. 無蝦米都可以打字很快!

    回覆刪除
  27. 我打中文都好似人哋鬥木噤架

    回覆刪除
  28. 我都係用手寫版, 雖然它比打倉頡慢些, 對於我沒有中文 version 來講, 手寫版係我的好朋友,好幫手 ..

    回覆刪除
  29. 我都係打倉頡 我諗我打中文快過我用支筆寫中文 我諗我打中文會快過打英文添

    回覆刪除
  30. 我依然係拼音die hard fans。雖然有時d廣東字係難溫d。。不過比我d HK朋友仔訓練到我以家打中文都有返甘上下架。。。哈哈哈。。。

    回覆刪除
  31. 哈哈哈.... 好多謝係0既分享呀... 我.....都仲係打緊"速成"..........

    回覆刪除
  32. Thank you so much!I want learn it for a long long long time!It helps me alot!I must start learning how to type chinese from now on!!

    回覆刪除
  33. 哈!因為打速成, 將笨b媽媽打錯左成笨b嫖媽, 真係對不起啊! 笨b媽媽忍唔住開口教我呢個"電腦鈍胎",終於download到袖珍小字典了! thank u very 乜池 啊 !!

    回覆刪除
  34. 可可貓的活板門2007年3月18日 下午10:52

    我都係用笨B爸的速成痙攣拆碼 + yahoo查字典copy & paste, 寫blog有難度! 不過, 多謝你的推介, easter 或者坐定定試用倉頡

    回覆刪除
  35. Petite poupee @安提比2007年3月29日 下午5:46

    can I 學倉頡 through internet??

    回覆刪除
  36. 我都係用倉頡, 又係打得好快... 原因係我大學暑假時曾做過call台暑期工, 當時被迫要學, 日日都打, 唔快都唔得啦... 不過現在覺得好有用

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: