2007年3月8日 星期四

【完全毋須調味料.非常鮮甜】瑤柱魷魚蘿蔔湯



頭先篇 blog 玩野,今次介紹返樣正野畀大家喇



查實我之前都介紹過呢個清熱解毒又好味o既蘿蔔片滾湯 (有咩好?click 番o個篇睇就知 ~),但我今次掌握左個竅門,又香又甜又好味,完全唔駛落調味料啊!以下呢個做法,介紹得過!


 


【材料】2 人份量,一人一大碗


白蘿蔔  半個 (揀肥大、重手的,一個約一斤)


魷魚仔乾  4 隻


瑤柱仔  約 20 粒 (落大瑤柱當然冇問題喇!不過我覺得呢o的瑤柱仔都好 good,又抵食)


水 2 大湯碗


薑 3-4 片 (記住拍扁,否則落完等於冇落,o徙氣!)


油  1 湯匙


 


【做法】


1. 蘿蔔去皮切片 (如圖中大小厚薄)  


2. 魷魚仔乾、瑤柱仔洗乾淨備用


3. 先用白鑊 (或小鍋,唔落油) 烘香魷魚仔,烘到有香味就 good 啦


4. 下油一湯匙,爆香薑片,然後放入蘿蔔片炒一陣 (增加香氣 & 減低寒涼)


5. 加水 & 瑤柱仔


6. 用中火煲約 15-20 分鐘,蘿蔔片變軟就 ok 架啦!



各位:我今晚問左陳師傅有關蘿蔔寒涼o既問題啦 ~


   蘿蔔最寒涼o既地方o係表皮部分 (佔 50%),記住削皮用


   煮蘿蔔湯,一定要先用大火炒過o的蘿蔔,要炒得夠火候 (原理和中藥的「炮製」作用同出一徹,先行用大火炒過,已可以將蘿蔔的寒涼作用大大減低)


陳師傅o既胃寒程度係食一個生果都唔掂o既人,但以上述方法「炮制」過的蘿蔔湯,佢都可以飲一大碗,所以大家唔駛驚啦 ~


P.S. 有 blog 友問「如果本身寒底的人,可以點樣清熱解毒」... 陳師傅o既答案係「基本上寒涼的人本身都不會積聚太多毒素,所以唔駛無啦啦走去解毒

 」云云 ...

46 則留言:

  1. 有個咁勤力煮好野食嘅老婆,笨b爸爸好幸福啊!

    回覆刪除
  2. 小胡子:你過獎啦 ... 我一期期架o乍 ~ 懶起上來 ... 可以懶到出汁 ... 9 號仔嘛 ...

    回覆刪除
  3. 笨b媽媽 我怕寒呀 唔敢多飲 不過有機會都想試試 魷魚仔喺邊度有得賣呀?

    回覆刪除
  4. 小魚兒:陳師傅有胃寒,所以佢每次只飲一飯碗,蘿蔔也只吃幾塊 ~ 雖然炒過後寒涼程度減低,但為免令你不舒服,你都唔好飲太多啊 ~ 或者只逢 BBQ、打邊爐後才煲來飲,咁咪可以中和下囉 魷魚仔在海味店買的,有時候在乾貨店都會見到 ~

    回覆刪除
  5. 上次我已經跟妳煲左la, 好味呀 有野問 : (1) 乾墨魚(中間有塊白色欖尖型既骨)可否代替乾魷魚 ??? (2) 乾墨魚有咩好 ??? <真係唔好意思 咁多野問>

    回覆刪除
  6. 山口:上次我話要落薑,其實可以唔駛落架 (今日又問左陳師傅) 當然,如果你喜歡薑味的話又無妨 有關你問的問題 (1) 你指墨魚骨?!同魷魚仔乾係完全唔同o既野來啊 ~ 墨魚骨含有天然鈣質,可以磨粉入藥 (中醫認為墨魚骨有止胃酸、止痛和止血功效)、或用作肥料用。而魷魚仔乾,顧名思義就係曬乾o既細隻魷魚啦 ~ (2) 魷魚仔基本上係用來調味的,不過都係食療功效 ~ 因為魷魚含有豐富o既蛋白質、鈣質、磷質、鐵質同其他微量元素,都係有益o既食材來架 (當然唔好食過量喇 ~ 因為膽固醇含量亦比較高)

    回覆刪除
  7. i love all the ingredients, i can even "taste" it in my mouth by looking @ it!

    回覆刪除
  8. 我都係 胃寒怪,有得睇,無得飲

    回覆刪除
  9. 笨b媽: 茄子人同你同出一號~ 個湯一睇d料就覺得好有海味味.

    回覆刪除
  10. 笨B媽媽: 請問如果唔用蘿蔔,用紅蘿蔔得唔得呢?咁咪無咁寒涼囉!

    回覆刪除
  11. 正!!! 等我返HK買齊魷魚仔乾 &瑤柱仔就試煲~~~

    回覆刪除
  12. 問漏左添!…咁魷魚乾同乾瑤柱駛唔駛浸"林"先呢?

    回覆刪除
  13. 幸福小女人- Diana2007年3月8日 下午4:25

    笨B媽媽..我想問除左落魷魚仔乾, 仲有冇其他野可以代替呀? 因為我諗杜拜無呢D野買,, 我盡量都想搵D係個到可以買到既材料煲呀?? 求救呀!! 幫我諗諗計... 好嗎??

    回覆刪除
  14. 笨b媽媽 唔該晒 我都係胃寒架 耐唔耐就要執劑中藥調理 所以都唔敢多飲 不過老公就熱底 可煲給他飲!

    回覆刪除
  15. 又学多咗一味湯.....THANK YOU 笨B媽! I LOVE YOU!

    回覆刪除
  16. 哎yaya,下次要落少少果皮同蓮子,唔係好寒涼呀。

    回覆刪除
  17. 洗唔洗加片薑添呀? 好似好寒咁..

    回覆刪除
  18. e..........睇落又真是幾易整咁喎, 我巧鍾意食白蘿蔔嫁, 好味 不過我就唔知自己係唔係胃寒呀 ..........係唔係怕冷就係寒底呢

    回覆刪除
  19. 笨B媽媽: 我都係胃寒之人, 想問有唔其他材料可以代替白蘿蔔?

    回覆刪除
  20. 劍蘭媽話, 煲蘿蔔個時, 放d米水落去煲 d蘿蔔就會變透明靚d嫁~ 不過我地無試過咁做喎~ 變靚d又點姐?! 我地一向都係清茶淡飯, 要咁靚都無乜用

    回覆刪除
  21. B 媽 ~~ 這個介紹勁正 好 good ~~ 我絕對要用足你o既做法 抄足跟住堡 不過 白蘿蔔15分鐘就可以軟咩 我見到你碗濃郁o既湯 已經感覺到甜味拉 所以 我一定要褒 唉... 琴晚見到魷魚乾 瑤柱仔 仲猶豫要唔要買 早知買返o黎先拉 不過 我好唔捨得買瑤柱阿 這裡買大約20粒o既瑤柱 都可以食普通餐幾餐拉

    回覆刪除
  22. 正喎,我睇中醫,醫師話我血毒,我諗我飲多多都冇問題。

    回覆刪除
  23. 清熱解毒又好味o既蘿蔔片滾湯 好 good wo

    回覆刪除
  24. 好耐無見你係我個blog到浦啦 ! 得閒過黎睇下 !

    回覆刪除
  25. 哇,次次介绍D食物都好正啊~ B妈,我妈睇完你地D结婚相,话你同B爸笑起来好有夫妻相啊!

    回覆刪除
  26. 個湯一定好甜呀, 又魷魚仔乾、瑤柱仔

    回覆刪除
  27. 有冇玩msn?? 過來睇睇 --> 大家快在MSN名字前加上I'm 吧

    回覆刪除
  28. 露絲公關手記2007年3月9日 下午1:31

    應該好鮮味咁喎,等我又試下先! I like Mr Robert White very much.....

    回覆刪除
  29. Vanlily:用洗米水煮蘿白不單只令蘿白透白,靚仔D,仲會減少苦澀味﹗
    苯B媽媽:瑤柱滋陰又好味。正呀﹗今晚奶奶炆雞都放左瑤柱,好好味﹗

    回覆刪除
  30. 我今晚試整左啦! 嘩! 好味到丫! 我只是用了4隻魷魚仔, 一隻蘿蔔, 冇落瑤柱(屋企冇存貨), 但係已經好鮮甜 , 勁好味呀! (而且好平, 加埋唔洗10蚊, 不過如果落埋瑤柱梗係貴氣D同滋補D啦)......估唔到D魷魚仔滾湯咁好味......我諗怕寒涼的朋友可以試下用節瓜, 應該都好味! 非常多謝笨B媽媽的好介紹

    回覆刪除
  31. 炒蘿蔔時可以加一塊薑,老人家話冇咁寒涼

    回覆刪除
  32. 笨b媽媽, 好想飲呀~~ 咁我感冒未清可唔可以飲呀?!

    回覆刪除
  33. 笨B媽媽﹐你幫我話下我樓下果位啦﹐成日都咁為食﹐好番食得唔得啫! 講極都唔聽!!!

    回覆刪除
  34. 咁多湯渣食,一定好飽啫!

    回覆刪除
  35. 哈哈... 笨B媽媽又落廚啦!!!

    回覆刪除
  36. ar...原來angel你都知可以加米水嫁?! 勁喎~

    回覆刪除
  37. 我都好鐘意飲呢個湯, 好鮮甜呀, 笨b媽媽真係一個知慳識劍嘅人, 用瑤柱仔夠實惠又好味!

    回覆刪除
  38. 好似好正咁喎~等我下次試吓先~

    回覆刪除
  39. 如果日日咁勤力就唔特別啦~~~ 所以笨b媽媒= 好老婆~

    回覆刪除
  40. 各位:我今晚問左陳師傅有關蘿蔔寒涼o既問題啦 ~ 蘿蔔最寒涼o既地方o係表皮部分 (佔 50%),記住削皮用 煮蘿蔔湯,一定要先用大火炒過o的蘿蔔,要炒得夠火候 (原理和中藥的「炮製」作用同出一徹,先行用大火炒過,已可以將蘿蔔的寒涼作用大大減低) 如果都仲係怕寒,可以落埋薑一齊炒!(呢個食譜冇落薑,因為唔想破壞蘿蔔清淡o既味道 ~) 陳師傅o既胃寒程度係食一個生果都唔掂o既人,但以上述方法「炮制」過的蘿蔔湯,佢都可以飲一大碗,所以大家唔駛驚啦 ~ P.S. 有 blog 友問「如果本身寒底的人,可以點樣清熱解毒」... 陳師傅o既答案係「基本上寒涼的人本身都不會積聚太多毒素,所以唔駛無啦啦走去解毒 」云云 ...

    回覆刪除
  41. 我熱底喎! 個湯好似好易煲咁,下次媽媽唔得閒都可以自己試下

    回覆刪除
  42. B 媽 ~~ 我已經煮o左蘿蔔湯 但回來看你個湯 始終覺得你o既靓好多 我要再努力先得阿

    回覆刪除
  43. 笨B媽媽 : 小妹剛巧路過,見到有好味湯水食譜,真係好呀.... (我熱底既,應該可以飲呢款好味既湯水)

    回覆刪除
  44. 笨b媽媽
    My husband likes to eat 蘿蔔,but I don't know how to cook, can u sugguest me any method to cook well ?
    If I haven't 瑤柱仔, any food can instead ?
    Thanks

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: