2007年3月7日 星期三

有交流 ... 但依然唔合格的南瓜炆排骨

 

繼上次煮左碟排骨還排骨味、南瓜還南瓜味o既南瓜蒸排骨

畀人揶揄後

,初班煮飯婆笨 B 媽媽決定

屢敗屢戰

買左一個中國南瓜,一切開立即香氣四溢

心諗

今次一定得

唔怪得知人家煮餸都係買中國南瓜

真係好清香

仲買左半斤腩排

今次一定要記得令南瓜同腩排交流交流

誰不知

南瓜同腩排小別勝新婚

交流得不亦樂乎

我又唔好意思打攪佢地

.....

.....

.....

.....

.....

 

卒之攪到米已成炊

南瓜同排骨

我中有你、你中有我

纏綿到呢 ...


-------------------------------------------------------

後記

唉!又畀笨 B 爸爸耻笑

好在今次佢話我「香」、「味」都有

只係冇「色」(賣相) 啫

不過都係水皮架啦

嗚 ~

--------------------------------------------------------

 

 

同場加映 - 煲白粥食、但第二日又帶飯,點算先 ~

就係用「我o既好朋友篩子」撈一碗飯出來囉

要撈飯吃的話,就要落多o的米 (今日要撈一碗飯多少少,所以落多 3/4 嘜米) 正常煲粥程序、水滾後落米,再煲 15 分鐘後,就係撈飯之時 ~



笨 B 爸爸明天的飯盒

唔 ... 有少少「慘不忍睹」 ... 簡直係「南瓜蓉」炆排骨來呀



 

唔得!汲取左兩次經驗,我下次一定要成功!色香味俱全!

  努力努力! 奮鬥奮鬥!


 

42 則留言:

  1. 笨b媽媽, 呢個南瓜你切大塊小小煮的時間就唔會太腍! 不過今次比起上一次好好多有進步! 比一隻大白兔你!

    回覆刪除
  2. i can even smell the fragance of the pumpkin! I almost thought I am in "DAI Siu Lai"'s blog, as she loves pumpkin... i guess good friends have similar taste buds?!

    回覆刪除
  3. 珍妮仔:多謝你的鼓勵!感動-ing 1 號仔笨 B 爸爸淨係識得嫌三嫌四,哼哼!有香有味,算係咁架啦 ... 都唔算地獄廚神丫 ... 哈哈哈 話時話,我以為我已經切得好大舊啦喎 原來仲未夠大呀? (我以為個失敗原因係我炆得佢地太耐呀!足足 40 分鐘!真係鐵都畀我整溶啦 )

    回覆刪除
  4. Alwen:我一向都喜歡南瓜甜甜的味道,不過自己煮就好少 ~ 真係多得大少奶佢撩起我團火o乍

    回覆刪除
  5. 又真係幾纏綿喎 啲南瓜蓉送飯一定好好食

    回覆刪除
  6. 40mins?!?! 你炆左咁耐呀?!?! 哈哈... 好似真係耐左dd... 哈哈... 你可以try try 南瓜先走油, 無咁易溶架!!

    回覆刪除
  7. 撈飯無營養啊!d營養同味道都會落晒煲粥度,咪變左食米渣囉!("雙如談食"教煲粥果篇講架!)

    回覆刪除
  8. 泡泡:係 o的南瓜蓉係幾好食o既 ... 只可惜今晚食白粥,所以要用匙羮舀來當湯飲! 噹噹:失禮失禮 ... 我以為炆耐o的,佢地會多o的交流丫嘛 小胡子:冇緊要,因為o的營養 (粥) 今晚畀我地食晒,冇浪費架 ~ 撈飯都只是一個方便之舉而已

    回覆刪除
  9. Jessica Tak Tak Lui2007年3月7日 下午2:25

    賣相真係差啲啊~~期待你南瓜炆排骨"終極編"

    回覆刪除
  10. 南瓜...粥...????

    回覆刪除
  11. tak tak:上次係有「色」、「香」 ... 今次係有「香」、「味」,我都期待下一次可以「色」、「香」、「味」都有齊晒 KT:哈 ... 哈哈 ... 哈哈哈 ... 我覺得似糊仔多o的喎

    回覆刪除
  12. DEAR 笨B媽,我說沒关係,反正吃进肚子裡还不是一樣...好吃就行..... 我劲支持你!

    回覆刪除
  13. darling 呢次應該好味過上次,反而覺得呢個成功呢

    回覆刪除
  14. 好似南瓜糊, 呵呵, 唔緊要, 仲有大半個, 再試過啦. 不過講真, 南瓜好衰, 一煮就爛. b媽: 都係果句, 佢咁叻, 佢自己煮次黎睇下.

    回覆刪除
  15. 笨b媽媽: 其實我都整過呢味送. 亦都失敗過幾次.你個南瓜唔算細啦, 咁o既size 夠架啦. 如果你唔想佢太爛(南瓜其實好快爛),可以唔去皮,洗刷乾淨d.有皮都會好香架.可以頂得耐一d.(如果怕農藥就算啦,照去皮)  我平時炆十五分鍾上下都好夠. 因為排骨一過十零分鍾就好鬼韌,跟住要炆過四十五分鐘後先”林”番. 小小分享, 希望下次你成功!! 色香味俱全!!

    回覆刪除
  16. 笨媽:因爲中國南瓜比較“水”所以會好快淋,我鍾意有咬口的日本種南瓜(雖然是日本種,不過中國也有出產的)。 你個撈飯係真有其事的嗎?還是您自創架??我第一次見,簡直驚天地一鬼神!!!佩服! 呵呵。。。。。。

    回覆刪除
  17. 你係要買另外一隻南瓜架, 係最實個種, 個皮係綠色個隻, 咁就唔會變成南瓜蓉架啦!

    回覆刪除
  18. 南瓜蓉......咪當係咖哩排骨飯囉

    回覆刪除
  19. 呀, 我忘記左一樣好重要o既野, 就我娘親都興"撈飯"架! 我細個o既時候佢成日用呢個方法整碗飯出來, 一係我食, 一係佢要出門呢, 就會咁食一碗架啦! 估唔到你同我娘親係一樣咁做呀!!!!!

    回覆刪除
  20. 你係咪用蒜頭豆豉炆的 我平時會整蒜頭豆豉炆排骨,個味都ok 不過我老公就冇笨B爸爸要求咁高

    回覆刪除
  21. 南瓜蓉睇落有d似咖喱汁呀...如果我每日帶飯都有咁好味0既飯餸..真係帶足一世飯都願呀

    回覆刪除
  22. 笨B媽媽 我反而鍾意食煮到半溶嘅南瓜喎 你呢個餸送飯一流呀!

    回覆刪除
  23. 露絲公關手記2007年3月7日 下午6:17

    40 分鐘又真係耐咗少少嘅..... 不過下次你可以耐不耐去『篤』下佢,覺得夠"林"咪即刻收火囉!

    回覆刪除
  24. 「香」就得啦,冷里有冇「色水」啊﹗﹗ 食咗落肚都係一樣架啦~~~~ ho~ ho~ ho~

    回覆刪除
  25. Queenie:噢!聽你這麼說,真令我感動-ing 點解我家中相公就唔體諒我辛苦煮一餐然後發現「衰左」o個種徬徨無助失落兼無奈呢 ... honey:我覺得上次o個個都好味丫 ~ 排骨味還排骨味 ... 南瓜味還南瓜味 ... 靚 B:咪係囉!哼哼! Auntie Goo:多謝教路!我下次唔會炆咁耐架啦 ... 哇哈哈哈 話時話,撈飯呢家野都係師承我阿爸架!因為大人鍾意食粥時,又想畀碗飽飯o的豆o靚食啊!啊呵呵呵 Mrs Kwong:我一切開個南瓜,都覺得水份好足 (上次切個中國種的日本南瓜,硬到呢!好似開椰青咁 !) 你講得o岩,或者呢隻南瓜唔o岩用來炆啊 話時話,撈飯呢下野到底係陳師傅自創,定係平常時都有人咁做,我真係唔曉答啊!不過見 Auntie Goo 話佢媽媽都有咁做,我就知應該係上一代人時興o既玩意來! 巫婆:我從未買過綠色皮o既南瓜呀 ~ 好,下次買佢o黎試下 Madame Pi:唔好講笑,我都覺得似!如果加o的咖喱粉落去,一定變成一碟 very good 的咖喱! FiON:笨 B 爸爸因為自己識得煮,所以咪識得嫌囉!哼哼 泡泡:哈哈,笨 B 爸爸食緊飯盒時如果有你咁感恩就好咯 ~ 等我今晚問下佢先! 小魚兒:除左個樣核突之外,查實o的南瓜蓉確實係幾好味 不過煮餸係要色香味俱全至合格o既 ... 露絲:哈哈,因為我以為要炆好耐,所以開著個火又走左去玩電腦啦 玩到「咁上下時候」返去睇 ... 哇蟹 ~ where are the pumpkin chunks ... 屎佬:你知嘛,我尋晚對住碟「南瓜蓉炆排骨」,竟然諗起你 ... 個名!

    回覆刪除
  26. 我前日煮咖哩鸡,啲薯仔同鸡肉同样咁缠绵,皆因啲薯仔好快冧。 放心啦,你嗰碟南瓜有加咗一钱情意、两钱爱心实好味。

    回覆刪除
  27. 我覺得好似我bb焦個d南瓜啊~~ 即係加左咖哩, 用來點包食既咖哩南瓜! 1號既笨b爸爸同陳生有得揮, 永遠有彈無讚, 但其實你整比佢食佢開心都暈~

    回覆刪除
  28. 我早兩日焗南瓜湯都係用綠色皮的南瓜... 勁硬!好甜夠色但無乜香味... 我估.... 如果你用黎炆都應該用番呢種中國南瓜, 切果陣切大舊 d, 咁炆完都唔會熔晒無樣睇, 同埋你用咩煲炆呀? 我通常炆野用真空煲, 我覺得效果比明火好! 如果你明火炆的話, 炆到半路熄火焗住佢半個鐘再黎過, 重複幾次, 咁就會出味但又唔會炆到太茸~ (ps. 我無炆過南瓜....估下咋~~~ )

    回覆刪除
  29. 懶媽整O既同你都差唔多丫... 不如放幾條芫西紅椒絲會唔會好睇O的...

    回覆刪除
  30. 笨b媽媽, 都唔係咁醜樣啫! 我覺得ok兼應該好濃南瓜味喎, 我都想食呀~~

    回覆刪除
  31. 你比我叻好多好多啦, 我都唔識煮你整既野 ~~~

    回覆刪除
  32. 原來"撈飯"係咁架? 真係依家先知zar...咁咪好方便囉...一次有兩種口味!

    回覆刪除
  33. 你碟南瓜排骨好juciy 用來撈飯一流喎 e.........你d白飯咁整法仲可以一粒粒, 勁喎

    回覆刪除
  34. 笨b媽, 加埋芋頭重好食.. 加少少椰汁 & 花奶一齊煮. 我鍾意食交流得咁好嘅南瓜, 咁先好味!

    回覆刪除
  35. 佢地簡直係水乳交融

    回覆刪除
  36. 佢話「香」、「味」都有......... 咁叫佢雙眼望實你先好食咪有埋 " 色 " o羅~~

    回覆刪除
  37. 笨B媽媽D色??........

    回覆刪除
  38. b 爸: 你又趁b媽煮既飯黎作反呢!!! 你都未死過, 有我地呢幾"姊妹"昅住, 你仲唔死 b媽無色, 你地又點會有笨B同笨C呀.

    回覆刪除
  39. 南瓜蓉蚊排骨都算係一個好菜黎0既...

    回覆刪除
  40. 南瓜唔好切得太細粒
    我一向煮南瓜肉碎都無問題,點知早幾日老公多手幫我切到d南瓜細細粒,佢話諗住快d煮淋,最後結果跟你一樣變成南瓜蓉。

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: