2007年3月4日 星期日

【意見搜集】太陽能熱水系統


 

好耐之前笨 B 爸爸已經畫左呢間「屋仔構想圖」出來 ~ 雖然佢o的畫功勁差,但我地周不時都會攞住呢張野,憧憬一下我地間未來 dream house ~

 

好多眼利o既 blog 友,已經留意到我地打算安裝太陽能熱水系統 ~ 呢樣查實係笨 B 爸爸o既「大玩具」,因為佢以前經常出差,o係外國見過好多人用,覺得既環保、又可以節省能源 ~ 佢以前都成日口 up up 架啦,今次畀佢買左間有天台o既屋,天時地利人和,第一時間就話要裝套o黎玩下!

 

雖然呢個係 extra cost,但我覺得長遠o黎講,又可以慳電費

(好重要!因為經濟向好時,電費一定會加!)、又支持環保 (哈哈,我地好似變左環保大使咁 ),所以我都非常支持笨 B 爸爸去研究呢件玩具架  ~  

丫!不過我地o係周圍八o既時間,不唔多覺有邊間屋有裝喎!點解呢下?   大家有冇朋友裝左呀?如果有o既話,請分享一下用家意見丫!  因為我地都仲比較緊幾套唔同o既系統,好快就要決定架啦 ~

 

 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: