2007年3月21日 星期三

噢!我的愛人不愛吃 --- 酒香提子麵飽布甸

尋日見

嬌俏黃夫人整左個好靚o既麵飽布甸,心思思想整,咁o岩屋企又有牛油、奶、糖、提子乾、肉桂粉同冧酒,咁就拿拿臨落街買左一袋麥方飽返來試下整啦
!可惜笨 B 爸爸話佢唔鍾意食 ,但我覺得 ok 喎!又簡單,隨時可以整到,仲不失為一個消滅殘餘物資o既最佳妙方呀! 

 

本來的食譜有呍呢嗱香油,可惜我幾廿年前買返來整 chiffon o個支,畀我打落冷宮經年之後,已經過左期 ... 成半年!即刻丟左佢,反正唔用都 ok 啦 ~

 

至於冧酒,又係幾廿年前買來浸提子整曲奇用的 ~ 浸完的提子乾帶有酒香之餘仲冇咁乾,好 good 架  

 

【酒香提子麵飽布甸】二人份   (以下食譜來自黃夫人,我 adjust 左少少)

基本材料:

麵包 / 麥包                                           2片 (麵包去皮與否,隨個人喜好)

牛油 (塗麵包及塗焗盆用)                  適量

蛋                                                         1隻

糖                                                         2 湯匙

牛奶                                                     250 毫升

云呢拿香油                                         數滴 (約 1/4 茶匙)

提子乾                                                 1湯匙

玉桂粉                                                 適量 (咁o岩我屋企有 ~ 加左香好多架 ~)

Rum 酒 (浸提子用)                            適量 (又係咁o岩屋企有

)

做法:

1. 預熱焗爐至200度,焗盆掃油備用。

2. 如屋企有 Rum 酒,可先浸過提子備用 【圖一】

3. 將麵包塗上牛油 【圖二】,切成三角狀整齊排置在焗盆中。 (不要太細件,SIZE 最好剛大過焗盆少少)。

4. 將蛋、糖、牛奶和云呢拿香油打勻 (用叉得喇!唔駛用打蛋器!),然後倒入焗盆中,用叉輕壓麵包浸透蛋液,撒上提子乾和玉桂粉,靜置10至15分鐘,讓麵包浸透。【圖三】

5.  放入焗爐焗約 30 分鐘 【圖四】至布甸升起及呈金黃色,趁熱食喇!

 

變化:

1. 加入少許肉桂粉,增加味道。(笨 B 媽媽:咁o岩我屋企有,所以加左,真係幾香!

)

2. 減一半牛奶,用淡忌廉代替,味道更正!(笨 B 媽媽:我都冇用忌廉,費時特登買呀
!)

 

秘技:

1. 一定要將麵包完全浸透蛋液,焗起顏色才均勻!

2. 提子都浸透蛋液,就唔會焗乾焗焦!

3. 隔水焗,會無咁乾。

4. 入爐後將爐溫調至180度。

5. 焗大約15分鐘後熄左個面火,只用底火焗,咁個面就唔會咁易變乾同燶!

6. 焗到少少金黃就出爐,如果焗到足夠金黃先出爐就會過左火,因為出左爐之後會逐漸變深色!

7. 笨 B 媽媽按:如屋企有 Rum 酒,可先浸過提子 (如蒸 5 分鐘效果更好),令提子水份多o的 & 帶有少少酒香。唔好蒸太耐,否則o的酒蒸發晒,o徙氣!

 

【圖一】浸提子 --- 在碗中放入提子,加 Rum 酒至剛鋪過提子表面,放入滾水內蒸 5 分鐘,熄火 (熄火時會見到 Rum 酒仍在),擺 10-15 分鐘,畀佢自己再索乾埋其餘 Rum 酒

【圖二】嗱 ~ 大家睇下o的提子乾,飽滿左好多架
  仲好香酒味添 ~

喜歡牛油味的,可以先將每片麵飽塗點牛油。怕肥的可以省略。

【圖三】將麵飽片均勻鋪放在已掃油的焗盆裏,然後傾入蛋液、再灑上玉桂粉,用叉壓o的麵飽下去,索滿蛋液 ~

【圖四】焗爐預熱至 200 度,將布甸放入後,轉 180 度焗約 15 分鐘至略金黃色 (不同焗爐的爐溫略有差異,大家可能要自己 adjust 一下的 ~)







19 則留言:

  1. 哇哈哈 ~~ 原來我第一阿 好久無係你度第一拉

    回覆刪除
  2. B 媽 ~~ B 爸唔識欣賞 但我就好鍾意阿 勁正阿 我想像都聞到香味拉 而且我鍾意提子乾呢 可惜我而家仲未有焗爐拉 等到o左 我又要整

    回覆刪除
  3. 我之前去學整過啦!!好好味架, 不過就好怕食個d提子囉!!

    回覆刪除
  4. 有圖睇真係明白好多....

    回覆刪除
  5. 做乜唔排靚 d 呀?! 上層:<<<< 下層:>>>> 咁排嘛~~~哈哈哈~~~ d 玉桂粉以加落 d 蛋液到一齊拌勻, 你仲有心機過我~

    回覆刪除
  6. darling 雲呢拿香油對 bread pudding好重要 我都整過 晌英國食既好甜好甜,有d仲會加練奶上面架 笨B爸呢種傳統男士係唔會識欣賞

    回覆刪除
  7. 嘩.......你支冧酒幾廿年前買來仲有咁多嘅 d提子乾有d似蒼蠅呀............. p.s. 我e家上緊堂呀

    回覆刪除
  8. 影子:係啊,你呢排好少做第一啦,不過你依然好勤力地巡 blog 啊!我去大少奶同阿懶o個 blog 度,日日都見到你架 (當然我呢度都見) 錫錫 Erica:你唔鍾意食提子架?可以畀晒我喎 ~ 我鍾意呀 See:我都覺,所以我呢期一邊整野食,一邊好忙影相-ing ... 我發現咁樣寫 blog 法,要用多一倍時間呀 不過令大家睇得清楚明白o的,咁又 good 喎 嬌俏黃夫人:嘩哈哈 ... 我完全冇諗過呀 ... 我仲 R 頭-ing,諗緊點解要切成三角形呢下 原來係咁! honey:唔怪得知我 search 唔到喇,原來你用左 Bread Pudding intsead of 麵飽布甸做標題啊 ~ 你o個個梳乎里型o既 bread pudding 好吸引呢!不過學你話齋,笨 B 爸爸唔識欣賞架 ~ 所以我無啦啦都未必會再整咯 GG:你上堂-ing 都偷上 blog 咁曳曳? 食左飯未呀? 係咯,我真係懶到痺架 ~ 又貪新鮮貪得意成日試新食譜,所以都有唔少殘餘物資架

    回覆刪除
  9. 哎呀....我都好怕食提子乾架! 第一次睇你個blog睇到打冷震, heehee

    回覆刪除
  10. 好似好複雜咁喎

    回覆刪除
  11. B 媽: 你真攪笑呀! 你o係個砧板度咪排得好靚囉~ B 爸唔好呢個布甸,咁你又同笨 B &笨 C 食晒呀?

    回覆刪除
  12. 嘩!正呀!!你令我好有意慾去整呢!!! 其實呢樣野一向都知好易整,不過吾知點解到宜家為止都未整過... 不過我諗聽日我會去整啦..孝敬下我奶奶先...^_^ (等一下我就去浸啲提子)

    回覆刪除
  13. d麵包浸左蛋汁, 要搵野壓住佢, 放一晚先夠入味嫁~ 其實我未整過嫁hahaha, 因為呢個甜品太肥囉~

    回覆刪除
  14. 你的愛人不愛吃 但阿懶好愛吃呢....

    回覆刪除
  15. so yum!!!^.<!!!i luv it!!!

    回覆刪除
  16. bread pudding ~~~~ yummy~~~ http://hk.myblog.yahoo.com/jack_li_007

    回覆刪除
  17. 我好鐘意去BUFFET時食呢款PUDDING, 原來咁簡單, 等我XMAS 都試下整先, 謝謝!!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: