2007年3月3日 星期六

挑戰米仔椒 - 陳師傅私房辣椒醬

今晚返左陳師傅屋企食飯,佢話今日買左o的米仔椒,好辣 but 好好食!

  佢又整左樽細o既比我攞走,但查實上次o個樽都仲未食晒呀  雖則我鍾意食辣,但我都唔係當辣椒醬係飯來食架嘛

 

雖然我上次o係屋企自己做過一次,但味道和陳師傅做的差太遠啦!所以今晚正正式式問他一次做法,等我下次再做時可以似樣o的  ~

 

材料 (只作參考,大家可以自己喜好調較分量)

指天椒  60 克

蒜蓉  10 瓣

水 120 克

鹽 半茶匙

白糖 1 茶匙 

味精  適量 (如不吃味精的可以不用)

 

做法

1. 將指天椒切碎,加入蒜蓉拌勻

2. 將材料放在小鍋裏,加水,煮滾

3. 加鹽、糖及味精調味

4. 最後,用少許生粉水兜獻,熄火

5. 放涼後可以用存氣玻璃樽裝著,放在雪櫃下格保存

 

【同場加映】

陳師傅知道我鍾意食紅米飯,佢特登用個鐵兜仔煮左一碗 100% 紅米飯畀我 ~

!呢碗 ... 到底係湯 ... 定係湯渣啊 !!!(P.S. 呢碗係瑤柱海帶湯)

笨 B 媽媽補充:瑤柱煲海帶係陳師傅o既秘技,因為有經驗o既 blog 友都知海帶勁難煲軟,但陳師傅在 n 年前發現只要加左瑤柱同煲,就會又軟又林架啦!我問佢點解,佢話因為瑤柱有「軟堅散結」o既功效喎!(呢個係瑤柱o既食療作用,但查實唔知同煲軟海帶有冇關係呢
 anyway,瑤柱咁好味,當調味都好 good 呀!)


 

【海帶的好處】

來源:

http://www.healthhouse.com.tw/info/food/seaweed.htm

 古人說:「山珍海味。」形容某些食物的珍貴美味﹐不易獲得。在古代﹐海帶(昆布)就是海味的一種﹐也是沿海地區及高麗扶桑與中原朝廷進貢貿易的珍物。台灣四面環海﹐海帶在市場及滷味攤便宜賣。不管海帶可以賣多少錢﹐它的營養價值與保健效果﹐都是值得討論的。    

 新鮮的海帶有95%是水﹐3%是膳食纖維﹐熱量很低。它是微量礦物質碘的重要來源含有與捕捉自由基有關的硒﹐及少量的鈣﹑鎂﹑鉀﹑鐵等礦物質。因此海帶對人體最重要的功能﹐在於它有助於調理人體的生理機能。    

 文獻指出海帶中的碘可促進血液中三酸甘油脂(中性脂肪)的代謝﹐膳食纖維也以水溶性纖維為主﹐有助於血膽固醇的降低。血脂肪控制得好﹐對於預防高血壓﹑動脈硬化﹑高血壓﹑腦中風等成人慢性病都是有幫助的。一項本土性的研究也指出海帶與血脂肪的降低呈現有意義的相關性。海帶含有的多種微量礦物質﹐也是讓人體新陳代謝順暢的好幫手。    

 因甲狀腺機能亢進﹐需要限碘的患者﹐反而需要避免海帶的攝取高血壓的患者﹐在吃海帶的時候不可額外放鹽﹑味精或醬油等含鈉調味料﹐因海帶本身已含有高量的鈉100公克新鮮海帶含有606毫克的鈉﹐相當於1.5公克的鹽份)。對一般人來說﹐適量增加海帶﹑海苔﹑紫菜等海藻類食品的攝取對健康是有幫助的。要注意的是市售的滷海帶及小包裝海苔調味都調得比較重﹐吃得太多﹐反而攝取過量的鹽份﹐造成身體負擔。   

海帶不論煮湯﹑炒食或是涼拌都不錯﹐但是不易煮爛是缺點。烹調或涼拌時放幾滴醋﹐不但可以調味﹐也可以使海帶更為柔軟可口。


【重點】

  新鮮的海帶有
95%是水﹐3%是膳食纖維﹐熱量很低。

  海帶含有碘、硒及少量的鈣﹑鎂﹑鉀﹑鐵等礦物質。

  高血壓的患者﹐在吃海帶的時候不可額外放鹽﹑味精或醬油等含鈉調味料。

 
烹調或涼拌時放幾滴醋﹐不但可以調味﹐也可以使海帶更為柔軟可口。

29 則留言:

  1. 碗海帶湯好清腸胃呀!

    回覆刪除
  2. 春桔, 我想問下海帶有咩好處嫁,因為我今日煲左綠豆海帶糖水但是唔知海帶有咩好處? 你可唔可以幫我問下陳師傅! 陳秋香上

    回覆刪除
  3. 咁多瑤柱嘅?? 肯家好鮮甜!!! 我成日以為辣椒醬要用酒, 原來沒使架??

    回覆刪除
  4. 瑤柱海帶湯 咪好涼囉 ?

    回覆刪除
  5. lotaitai:係啊!海帶含有好多食物纖維,可以幫助清理腸胃呀 珍妮仔:好野咯 ~ 海帶除左有豐富纖維之外,仲含有多種無機鹽,當中最重要o既係碘 & 硒,有助調理身體機能、減低引致老化o既自由基、以及降膽固醇同埋血脂!(我o係網上搵左o的資料,等我 post 埋落篇 blog 度畀大家參考 ) minicorgie:陳師傅o個個食譜冇o者,其他食譜可能有呢 ~ 不過我覺得陳師傅呢款已經好美味 山口:海帶係帶點寒涼架,所以患有胃寒o既陳師傅唔會食太多,佢仲會加o的自製辣椒醬落去調味,順手減低寒涼程度 ~ 因為我係「熱底」,所以佢次次都將o的海帶畀晒我食!(你睇下我碗湯就知 ...)

    回覆刪除
  6. 海帶... 好味啊!! 爽爽的.. I like it!

    回覆刪除
  7. 春桔, 你真是好抵錫! 多謝晒你的資料!

    回覆刪除
  8. 幸福小女人- Diana2007年3月3日 下午5:32

    你好幸福呀, 有個識煮咁多好野食既爸爸, 我Daddy 媽咪都唔係好識煮.... 所以攪到我咁大個女都唔係好識煮飯... 你多D影陳師傳落廚片俾我睇呀! 等我學下野...

    回覆刪除
  9. 露絲公關手記2007年3月3日 下午5:57

    引經據典嘅食譜,好勁呀! 有個大廚爸爸,天生出來就 = 有口褔....... 太令人羨慕喇!

    回覆刪除
  10. 指天椒見到都感覺到辣. 瑤柱海帶湯都好吸引呢. 真係除左煲左綠豆海帶糖水之外都好少用海帶.

    回覆刪除
  11. 睇到都覺d料好正 ! 我而家用緊bkk既林珍香果d辣既蝦米辣椒粉....but都就黎食完....

    回覆刪除
  12. 陳師傅の私房辣椒醬 我一定會整 因為我個"打令"老公好鬼鍾意食辣椒醬...唔辣唔點~~~

    回覆刪除
  13. 真係冇諗過海帶可以煲瑤柱架,等我都試煲, 同埋我又勁鍾意食辣,我都會試整黎食

    回覆刪除
  14. 中國情人節快樂。

    回覆刪除
  15. 多謝陳師博辣椒秘方 只用2種材料可以?

    回覆刪除
  16. Christina 小魚仔2007年3月4日 上午7:49

    辣椒醬 ~ 等我有時間整樽比我亞媽先 ( 我亞媽都好like食辣椒醬 )。

    回覆刪除
  17. hi...笨b媽媽... 我好耐之前見過你用紙皮石..裝飾你屋企...你d紙皮石係邊到買架????? 點[[痴]]落d鏡到架?????

    回覆刪除
  18. Yan Yan:係呀,海帶又好味又低熱量又有益呀 珍妮仔:過獎過獎 ~ 陳氏宗親美德嘛,有好野要分享! Diana:好呀,有機會我會拍多o的片畀你地睇架啦 ~ 請拭目以待 ~ 露絲:陳師傅煮得叻,皆因為佢慳家,想食得好 but 唔奢侈,咁就要自己鑽研廚藝勒 ~ 我都向佢學習中! (不過因為我冇佢咁勤力餐餐煮,我地間唔中都會出街「促進經濟繁榮」o既 ) 大洗慳妹:海帶係一樣好野o黎架!間唔中食下係好 good 架! GG:我買番來o個樽林真香辣椒油,送左畀奶奶做手信呀 ~ Ms Jubie:咦,你老公都係「同道辣人」喎!多多指教! 可樂:我加番一段補充文字啦 ~ 其實瑤柱同海帶係好朋友o黎架,一齊煲,海帶特別柔軟、湯水特別鮮甜架! 雙妹嘜:我都祝你元宵節快樂! See:係啊 ~ 如此簡單 ~ 但又如此好味!實在令人感動 ~ 小魚仔:好呀 ~ 你都試下丫!呢樽純粹係「辣椒醬」,一滴油都冇落架,健康又好味! 雖然潮州辣椒油都好味,但太多油,每次食都好有罪惡感 涼海澄:我黐落 馬桶邊的紙皮石 o係灣仔、旺角、元朗o個o的磁磚舖都有得賣,由幾蚊一大餅 (一平方尺,好多粒) 到幾廿蚊都有架!至於黐o係 鏡邊的玻璃珠 就o係宜家傢俬買的,但在花墟的繽紛園藝或一些金魚鋪都有得賣 我係用熱溶膠來黐的,要買支熱溶膠槍 (幾十蚊),o係日本城或五金店都有得賣架 ~

    回覆刪除
  19. 樽辣椒醬好似好正咁, 食粉食面不可缺呀

    回覆刪除
  20. 我可唔可以要一樽呀?

    回覆刪除
  21. B 媽 ~~ 又見到陳師傅o既辣椒醬 一見到辣椒醬 我就特別開心 碗湯好正阿 o甘o既搭配幾好阿 等我又試嚇先拉

    回覆刪除
  22. 點解指天椒會變左米仔椒架 ?

    回覆刪除
  23. 笨B媽...頭先準備放工...見到你留言於是過黎覆你先... 陳師傅私房辣椒醬...笨B媽你記得我話過想要呢...嘻 我真係幾鍾意食辣架...可能係受懶媽遺傳啦...好多野都要辣 我真係可以要一細樽呀? 聽日先再同你傾呀...我放工先...趕村巴呀...

    回覆刪除
  24. hello~ 我今晚整左呢個醬, 超辣呀~ 我無落味精... 不過我諗落埋好味d.. 但都唔錯呀, 我食個陣就再加d青檸汁同魚露落去... 無得頂~ 多謝你既分享呀

    回覆刪除
  25. 今日忍唔住去咗惠康,但係無得買個隻 "禾味米" , 聽日再去過,thank you

    回覆刪除
  26. Hello B媽, 我是因為研究吸油煙機而到你的blog, 然後被你村屋生活的po吸引住了. 後來又發現你以前住西環又姓陳,同我一樣,奇遇ar! 現在我住在美國,當我回HK時,可以找你瞧瞧村屋和有興趣的郊區生活嗎?我現在懷孕4個月, 沒有食慾, 有好建議嗎?

    回覆刪除
  27. 很喜歡陳師傅的辣椒醬... 陳師傅很會煮野... 真 羨慕.... 可否請教陳師傅怎樣做自家醬, 例如麻辣醬、蒜鹽、花椒鹽? 我想自己做醬料呀... 謝謝...

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: