2007年3月21日 星期三

零系可樂,你試左未?


近排行超級市場,見到一個黑色大堆頭 ~ 嘩蟹 ~ Coke Zero   ~ 我起初以為係之前出過一次o個隻 zero-carb

(唔記得係咪 C2 定係甚麼名稱,總知係零碳水化合粉,因為o個期流行緊 low-carb diet) 但原來係一隻 brand new item,個定位係「和 classic coke 一樣味道,但零卡路里」
~

 

我知飲汽水唔健康   笨 B 爸爸亦成日哦我 ~ 但我總會偷偷地飲的  ~ 尤其是天時暑熱時,一罐凍到「那」喉o既 Lemon Coke Light,簡直係爽  ~ 不過話時話,Lemon Coke Light 陣甜味都係假假地 ~ Coke Light 仲難頂,所以我都唔算飲得好勁架o乍 

 

講番正題,我份人咁貪新鮮,梗係買左番來試喇  (最重要係,佢同普通可樂賣緊一樣價錢 ~ 尋日o係惠康買 $20.90/ 8 罐裝)  我覺得味道好好啊!絕對好過 Coke Light!     我諗我可能會放棄 Lemon Coke Light 添呀 ~ 不過唔多覺 Coke Zero 有出檸檬味,要自己買檸檬來加先

 

後記:

  想上網查下 Coke Zero 來頭,但原來香港尚未有太多人談論   外國就勁多啦!因為上年年中已經 launch 左矣!連
Wikipedia (維基網) 上都有詳盡介紹,更擺埋個清單出來話畀你知唔同 market o既 Coke Zero 配方有何不同,真係服晒o的維基人啊!

   笨 B 爸爸睇到呢篇 blog,一定哦到我飛起   (因為我一買返來後,已經立即將 Coke Zero 砌件再分別攝入雪櫃深處,搏佢睇唔到 )

 

下圖:Coke Zero 個型到爆的

官方網站


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: