2007年3月17日 星期六

【新屋採購日誌】訂製廚櫃

相信大家都記得,我地o係好耐之前已經開始攪廚房o的野

 -  元朗、旺角、灣仔o既廚櫃店幾乎已經畀我地巡晒,仲自己畫埋設計圖添   ~ 我地講笑咁話,做客做到咁,都算超級無敵勤力咯  ! 

 

雖然用左好多時間,但我地又不以為苦,仲好 enjoy 添  ~ 因為我同笨 B 爸爸都係鍾意下廚o既人丫嘛。況且 budget 有限,為左o係預算o既金錢內做到最 well fit 我地要求o既廚房,我地又唔介意下o的苦功o既  ~

 

呢個廚房 project 在轉轉折折之後,最終係搵左朋友介紹o既紀先生幫手。紀先生係一位好專業、同時又好細心、好有耐性o既廚櫃店老闆。大家都知笨 B 爸爸要求高、又刁轉 (但又畀唔起好多錢喎 )、對工程又熟識,做得笨 B 爸爸生意o既,都真係要有o的料到,否則會畀佢 challenge 到暈

 

今日上左去紀先生o既 office,confirm 埋設計圖、揀埋用料、畀埋 down payment,兩個禮拜後預製件運到時,就可以去砌架啦


【上圖】紀先生仍沿用手畫設計圖,但畫得好準確好細緻 good

【上圖】呢張係笨 B 爸爸一月時自己起草o既設計圖 ~ 而家o的吊櫃唔會做咁盡,因為雪櫃上方最好都係留空,有利散熱

【上圖】紀先生叫佢做「小怪物」的廚櫃角位層架 ~ 一拉出來有兩套架,方便拿取在廚櫃角落深處o既物件,方便好多

呢個係 extra cost (呢度只賣 $1,680,平過市面幾百蚊
!)  但我堅持要加,因為經驗所得,擺o係廚櫃角落深處o的野,基本上係攞唔到、你又唔會有心機去摷出來的!久而久之,擺入去o的野只會變 dead stock (廢物)

註:如果要裝「小怪物」,隻門最少要 18.5 寸闊

【上圖】廚櫃手抽款式 ~ 我地揀左最底下o個款長直條,方便掛毛巾用

【上圖】紀先生的手畫圖 display ~ 

 

【學野篇一】原來櫃桶o既路軌有咁多種!

1. 紀先生用的 --- 三截路軌,好處係可以成個櫃桶拉到盡

2. 一般傢俬路軌 --- 有o的廚櫃店仲用緊,唔好處係個櫃桶拉唔盡,唔方便攞野

3. 奧地利路軌 --- 每套 (即一個櫃桶) 要四百幾蚊,我問點解見唔到條路軌o既?原來在櫃桶下面,而櫃桶左、右兩側o既銀色板就係配件o既一部分

好處係可以拉到盡、閂櫃桶時有緩衝設備 (大力推都唔會嘭嘭聲)、兼且旁邊見唔到路軌整齊美觀o的;但唔好處就係高度係固定o既 (如圖) 冇咁 flexible


 

【學野篇二】廚櫃基本 dimension

為左方便使用,以下呢個尺寸會較符合東方人使用

吊櫃深度 --- 340 mm 深 (13.5 寸) 

吊櫃高度 --- 760 mm 高 (30 寸)

地櫃深度 --- 600mm 深 (23.5 寸)

地櫃高度 --- 840 mm 高 (33 寸)







 

28 則留言:

  1. 哇..... 好詳盡a.... 好多呀...睇唔明....都係等睇你正式o既現成櫃@開心廚房啦!!

    回覆刪除
  2. 我都係用你揀個隻手抽,都係為佢方便掛毛巾﹗

    回覆刪除
  3. Auntie Goo:呵呵 ~ 唔複雜架 ~ 我寫出來之嘛,通常訂造廚櫃時都會聽師傅o既 recommendations 架啦 ,邊有我咁得閒 jot notes 寫埋出來 Angel:yeah ~ 實用為上呀 that's why 我堅持要加o個個「小怪物」囉 --> 因為我話「攞唔到o既野 = 廢物 = 浪費地方」 )

    回覆刪除
  4. 我又係用你揀個隻手抽呀!幾好用吖!

    回覆刪除
  5. B媽 我都考慮過用"小怪物" 不過想慳 最後都無加 不過而家發覺唔加都OK喎! 而家攞嘢都好方便 而且我唔選用佢仲有一個原因 就係角位的空間可以大啲 可用來放特大的煲 如果加咗"小怪物" 空間運用就無咁靈活喇!

    回覆刪除
  6. 笨媽:我地都要做過個廚房,成個拆了然後加建玻璃屋,所以您呢篇blog 好有參考價值!喂喂,您搞完個廚房再佈道下,如果做得好,我都要問您攞紀先生電話!您會用咩色櫥櫃?我都有個類似小怪物的東西,不過叫“lazy suzy", 即是半月形拉出來個重,不過像現在可能已經out 左啦!

    回覆刪除
  7. 小胡子:我就係貪佢可以掛下毛巾,好實用呀 小魚兒:以前舊款o個隻角架 (即 Mrs Kwong) o個隻,就會用唔盡o的地方,所以有o的浪費。呢o的「小怪物」基本上可以盡用角位o既空間架 ~ 否則慳家o既我就唔會死 lur 要買喇 Mrs Kwong:我一定會架 ~ 逢親好o既 vendor,我都一定會介紹佢地出來,一來當係感謝,二來等大家用得著時,有得參考丫嘛 你等多兩三個禮拜就會見到成果架啦

    回覆刪除
  8. Mrs Kwong:另一大原因是,我同笨 B 爸爸「雖然腌尖、但絕不腥悶」 ,遇到有料到兼待客以誠o既 vendor,係絕對唔會吝嗇我地o既讚美o既!一定要表揚,鼓勵佢地做得更好!(等大家去到話係笨 B 媽媽介紹,我都與有榮焉丫嘛 ) 呀,答漏左你,我地揀左淺木色呀,因為你都o岩o岩見到我 廚房家陣個造型 架啦,佢都幾深色下架,搵o的淺色o黎撞佢,應該效果唔錯

    回覆刪除
  9. 幸福小女人- Diana2007年3月17日 下午5:47

    笨B媽媽,, 你好抵錫呀,, 你連呢D都介紹得咁詳盡,, 我諗到我買樓時, 我要由頭再刨多次你個blog....好多好有用既資料!!!! 唔該晒你 & 辛苦你成日為我地作咁詳盡既報導!

    回覆刪除
  10. 廚房幾大都唔够用,一定要將D唔用的東西掉了。我剩係盒都放了好幾格,話時話,等我得閒都要掉番D冇用的野。

    回覆刪除
  11. 笨b媽媽, 真係羨慕你就快有一個超級靚廚房~ 記得d用料要易清潔油煙呀~~

    回覆刪除
  12. 嘩......法國人啲廚房都好少有你嗰個咁大呀!

    回覆刪除
  13. 苯 B 媽, 遲些有大廚房, 記著煮更多好 "食送"

    回覆刪除
  14. 有個咁大同咁靚既廚房,真係廚得開心,食得仲開心呀

    回覆刪除
  15. 笨b媽媽: 根據小女子多次搬屋經驗,而笨b媽媽又係一個應慳則慳既人, 你而家應該開始要努力煮埋廚房入面d儲備食物,唔係到時搬屋既話,一係掉好多,一係就搬死自己! 另外小女子早幾日試用左你介紹既方法煮雞軟骨,但我無專登買淮鹽或者椒鹽,我用左屋企淨番既鹽焗雞粉,我無時間醃就咁放入焗爐度爐,最初十分鐘用160度焗,後尾5分鐘用250度焗,咁會上色d,賣相靚d架!!

    回覆刪除
  16. 有個超級靚廚房﹐我成日呢係度 我都願呀!! 哈哈

    回覆刪除
  17. Diana:哇哈哈,大家o岩用就好啦,不枉我對摩打手都打到手軟丫嘛 lotaitai:哎吔吔,你講o的野 ... 好似笨 B 爸爸成日「訓示」我o個o的呀 咪咪吉:放心,我地咁實用主義,絕對有將呢個納入考慮 key points 之一 Madame Pi:哈哈 ~ 我見你自己都發現左「事實的真相」啦 ~ 查實係得 66 尺而已,呢個透視圖觀感睇落好太,誤導左你呀 Sviden/ 熊貓嫂:對於鍾意煮野食o既人o黎講,有個設備齊全o既廚房,真係好緊要架 ~ Yee:你正講中我努力-ing 的一件事,就係努力清倉呀 話時話,我尋晚就係焗左雞軟骨食,真係巧合呀 我最初 15 分鐘都係用 160 度,不過尾 5 分鐘只用了 200 度上火,都有少少燶,好好味呀!我覺得用焗o既方法方便過煎,因為我可以成張鍚紙抽起然後倒走o的油,唔駛用幾廿張廚房紙來印乾呀 遲下我會再 post 多次呢款焗版雞軟骨 提子太太:哇,我諗你o係美國個廚房大我好多啦? (我成日睇o的電影裏面o的屋,個廚房好鬼大)

    回覆刪除
  18. 苯B媽: 我好鐘意個小怪物, 真係好實用. 有時就算記得角位深處擺左乜野, 見到前面放滿野, 都無動力執開拎出黎. 久而久之, 一係放根本唔會用的野入去 or 唔放野入去. 有左小怪物, 個位可以用盡. 感覺上仲要比ikea的大轉盤好用添. Good!

    回覆刪除
  19. 好期待你間屋起好!!!請問你這樣起屋要用幾多「銀娘」?因為我都好希望有自己起的dream house~~~ thank you very much!!!

    回覆刪除
  20. 笨B媽媽, 我唸你個廚房裝修好之後一定有好多FANS搶住黎參觀

    回覆刪除
  21. 我依家個廚櫃深處就係成日放左d野拿唔到出來,跟住封塵...ha

    回覆刪除
  22. 我屋企都想整個新廚櫃,介唔介意大概用左幾多錢?? 好似我mummy想整果款

    回覆刪除
  23. 太詳盡啦.第日你地可以轉行幫人企村屋都得

    回覆刪除
  24. 妳兩位d資料,簡直係我的明燈..高人引路, 事關我五月粉嶺間村屋(1/f)都要全屋翻新 謝謝^^

    回覆刪除
  25. 饅頭媽:我以前都有見過 Ikea o個個廚房組件,但笨 B 爸爸話浪費空間,所以冇考慮到 ~ 呢個小怪物真係用以盡用成個角落o既空間,好 good 呀! 我們這一家:村屋o既價錢 range 都好闊下,由山卡拉o既幾廿萬成棟到西貢海景o既三百幾萬一層都有 ... 好視乎地點、交通、境觀、用料同埋樓鹷 ... 所以我就咁畀我個價錢你,好似冇乜參考價值 (p.s. 我呢度二百幾萬) 你有冇具體o的o既要求呢?你不妨講下,如果咁o岩你搵緊元朗區,我可以介紹 K 先生畀你呀 Karen:傻啦 ... 我個廚房查實唔係好大架o乍,都冇乜好參觀呀 古月:哈哈!exactly! Elvis & jennifer:廚櫃o既價錢都會因應用料而唔同架喎 ~ 我個 case 呢 ~ 唔係用左好貴o既料 (但質素 ok 的) 訂造了 9 尺吊櫃 + 13 尺地櫃 + 13 尺彩寶石枱面 + 白色無縫雙星盤 + 小怪物 = 唔駛 $16,000 雖然紀先生開的價錢都算幾平下,但我地唔係因為佢平而揀佢o既 (大家都知我地揀 vendor o既風格 ... 一定要有料到 )。呢幾個月來,我地巡勻晒咁多間廚櫃店,最終搵佢o既原因係因為我地覺得紀先生好老實 & 好 pro,佢畀左好多中肯 & 實際o既建議我地,令我地感覺好安心。當然,兩個禮拜後我收埋貨,就可以話到畀你知出o黎o既質素如何勒 話時話,紀先生都可以代訂廚房浴室電器 (e.g. 爐頭、焗爐、抽油煙機、熱水爐等) 搵佢訂平過o係出面o的電器鋪買 Alice:哈哈哈 ~ 都可能得 我地發現,有o的野我地好似仲熟過o的判頭 (因為佢地大多沿用一貫o既做法,市場上可能有o的新科技或新產品,佢地冇咁 update) pp:哈 ~ 幫到你就好勒 如果你到時需要多o的資料,可以隨時留言畀我呀

    回覆刪除
  26. 笨B媽媽,你好! 我想問問紀先生的公司詳細地址及電話,因見你說價錢合理,請你也說說他的手工如何及服務怎樣,謝謝! Please reply to : lucky18hk@yahoo.com.hk . Thanks.

    回覆刪除
  27. 可以將紀先生的資料留言給我嗎???

    回覆刪除
  28. lucky/ CC:紀先生的 contact 在另一篇 blog 裡已提過了 ---> 安裝廚櫃 Day 2

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: