2007年3月13日 星期二

出動五指山 --- 咖喱薯仔雞翼 + 印度薄餅

兩個月前 (噢!光陰飛逝!) vanlily 畀左包印度咖喱粉畀我,我慌死唔記得用,一直都擺左o係客廳 (!) 當眼處 ~ 不過 ... 話雖如此,佢都係畀我擺左足足兩個月 ... 因為我唔識用咖喱粉呀 ... 哈哈哈

問左四大美人  大少奶、亞 B、珍妮仔 & vanlily 咖喱粉點用,佢地都話要用乾葱炒香左先,再落咖喱醬 & 其他配料 ~ 噢 ~ 果然係美貎與智慧並重o既四大美人啊 ~ 我今晚試左啦,真係好香好好味! 配埋印度薄餅,今餐要出動五指山大快朵頤,yummy yummy!

【上圖】我試圖o係咖喱裏加入南瓜,但我覺得出來的效果麻麻,因南瓜的甜味中和了咖喱的辣味

(噢!如果想食 mild curry 或日式咖喱的朋友,或許南瓜就係你地o既 magic star
!)  好在我加番o的泰國買返來的辣粉,呢兜咖喱總算夠辣 ~

【上圖】第一次做的印度薄餅,ok 喎!  用來點咖喱 very good!

【上圖】左面係方便咖喱雞醬料包 (好耐之前o係惠康買的,而家好似冇) 右邊o個盒係 vanlily 送畀我的印度咖喱粉,好香架!


【上圖】食辣咖喱咁熱氣,梗係飲番個蘿蔔片滾湯喇 ~  (

瑤柱魷魚蘿蔔湯做法)

【上圖】今晚又用了「一圈」南瓜 ~ 哎喲 ~ 仲有三分一呀   點解個南瓜咁鬼抵食架 (我o係街市買左成個中國南瓜,煮足幾餐,都係用左 $6.50 而已!)




28 則留言:

  1. masala我鍾意啊! miss u darling

    回覆刪除
  2. 個南瓜好攪笑, 食極都仲有

    回覆刪除
  3. 拿, 呢個餸似返d樣啦, 最好下次我地黎就整呢個比我地試食.

    回覆刪除
  4. Masala 好似唔係咖哩 ... 所以佢唔辣

    回覆刪除
  5. 笨b媽媽, 你好叻呀, 識得整咖哩!! 我剩係識整日本咖哩磚咋~~ 不過話時話, d印度薄餅點整架???

    回覆刪除
  6. 用五指山食 咖喱?﹗ 左手,定右手呀?﹗ 有冇洗手先?﹗

    回覆刪除
  7. 咖哩多多好味!!! ar...你終於用我盒印度咖哩啊~~ 你咁樣讚我地四大美人, 其實我做冬菇既, 係"慢"車邊咋!!!! 你咁樣比陳生睇到, 佢就會話我: 車! 得個講字! 你幾時有整過啊?! 講你就得!! 所以千其唔好係陳生面前話我識煮餸啊!!!!

    回覆刪除
  8. honey:你丫!去日本玩仲掛住上網 ~ 都話唔好掛住我咯,寃氣 ~ 饅頭媽:咪係囉 ... 原來南瓜真係好抵食,作為一個賢良淑德o既煮婦,必定要識! 靚 B:冇問題喇 ~ 仲有大把咖喱粉剩呀! Ivany:查實我唔知咩係 masala 睇個樣、聞o的味道同咖喱粉冇乜分別啊 ~ 淨係覺得好香咁囉! 我覺得辣啊,可能我加左o的泰國辣椒粉落去 咪咪吉:我出左另一個 post 介紹啦 --> 印度薄餅做法 屎佬:如果你o黎食,一定一定要捉你去洗手!因為你成日攞o的屎屎o黎玩呀 ... vanlily:你呀 ... 學定一招半式都o岩架啦 ~ 唔好好似我咁,做左人地老婆先臨急抱佛腳 不過見你整蛋糕咁叻,我相信你煮餸都有一定天份o既!仲有我呢個初班煮婦彈o的貪精學懶唔易都唔整o既 cooking ideas 畀你,你掂硬呀!

    回覆刪除
  9. 笨b媽媽 正呀! 咖喱配薄餅 好味呀! 而且你啲薄餅看來很專業呢!

    回覆刪除
  10. 笨B媽, 你個南瓜係五餅二魚. ... 咖哩, 正斗.

    回覆刪除
  11. 做セ買咁大個南瓜用極都用唔晒呀????

    回覆刪除
  12. haha,可能我只用泰國咖哩(big C戰利品),所以加了南瓜後,唔會冇咗辣味

    回覆刪除
  13. 我早排用咗你個南瓜桔仔個皮整 咸湯圓 好好食,不如你都試下喇。

    回覆刪除
  14. 嘩........... 响我未click入你呢篇blog之前睇嗰張相, 我仲以為你今晚出街食tim 笨B媽媽: 你整呢個curry好得呢 笨B爸今次冇comment啦 p.s 印度薄餅點整?可否post食譜出來呀

    回覆刪除
  15. 笨B媽媽﹐ 你最近真係食多左好多南瓜呀﹐唔好食得過量﹐好易變‘黃面’婆呀﹐知唔知呀!!!

    回覆刪除
  16. 我都以為你出街食飯tim~ 我都想知個印度簿餅點整ga??

    回覆刪除
  17. B 媽 ~~ 我始終覺得 薯仔係最配咖哩呢 而且仲係絕配呢 所以 咖哩我必定要落薯仔 仲有阿 一般咖哩粉一樣唔滿足到我 我每次煮咖哩 都要另外加上馬來辣椒粉 & 泰國咖哩醬 o甘先有噴火o既感覺 o甘食咖哩先有 feel 嘛 你碟咖哩整到好靓呢 好夠味呢 我前幾日因為見到你o既蘿蔔湯 結果前日都褒o左蘿蔔湯呢

    回覆刪除
  18. 好利害!!!好利害!!好利害!!!!!!!!!

    回覆刪除
  19. 一望個咖喱我仲以為笨B媽去大家樂 大快活O個O的食呀.. 整得咁靚...我都想食呢...咖喱我好鍾意架... 話時話個南瓜真係食好耐喎...

    回覆刪除
  20. yes ar, 印度薄餅 好味呀

    回覆刪除
  21. 係喎, 你日日既南瓜食譜都仲係用緊同一個南瓜架 勁呀

    回覆刪除
  22. 印度薄餅和 Curry 正呀!!!!!!!! 仲有咁多南瓜. 試下南瓜加薯仔整蓉,煎腸仔伴食

    回覆刪除
  23. 我掛住花師好多過你呀!

    回覆刪除
  24. 自已整印度薄餅!!! 我勁鍾意食耶

    回覆刪除
  25. darling 梗係啦!花師奶會唱歌

    回覆刪除
  26. 呢個好似唔錯...幾好食咁............. Hans - FreeL@nd

    回覆刪除
  27. 你真是愈來愈有水準呢! 學下阿b講我地黎你處都食呢款都可以呢! 雞翼真是超鐘意! yummy! Yummy! 流口水~ng!

    回覆刪除
  28. 可唔可以教下印度薄餅點整呀

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: