2007年3月1日 星期四

充滿自信 --- 滑蛋炒蝦仁


今晚我決定要整番樣「自慢」菜式,免得大家以為我係「地獄廚神」啦   

其實我 ... 有時都幾 ok 架 ~

 

菜式一:滑蛋炒蝦仁

有關蝦

   蝦要買新鮮的,最好係游緊水o既!

   不過o岩o岩升天o既蝦係好難搣殼o既!反而雪左兩個鐘以上o既蝦就好易去殼!

   所以最好趁平靚正時買返斤放定o係冰格 (放一星期都冇問題),要用o既時候落出來解凍就可以用啦 ~

   備料時,在蝦肉上灑少少淮鹽醃幾分鐘,再撈少少生粉,咁就又滑又好味啦

有關蛋

  話明係炒滑蛋,唔好煮到 100% 熟先起菜呀,一定變左老蛋!

  我發覺炒蛋唔可以慳油,否則o的蛋黐晒鑊之餘,仲好鞋口,唔掂 ...

  蛋要調味先架 ... 落o的胡椒粉 & 淮鹽已經 very good!

有關次序

  先燒熱 2 茶匙油,落蝦仁炒到 8 成熟 (剛剛轉色)

  呢個時候,你會發現鑊裏面o的油唔見晒 ... 再落多 2 茶匙油,然後落蛋液

  一邊炒拌蝦仁與蛋液 (但動作唔駛太激烈),直至蛋液大概 8 成熟,表面將結未結之際,收火

  灑上葱粒,讓鑊的餘溫慶多佢一陣,上碟!

菜式二:蒜蓉炒蕃薯葉

第一次煮,都 ok 喎!

湯:雞肉 Tom Ka Soup

o係泰國買番來的方便 sauce 和 lemon grass,落左一個嘉美雞雞胸 + 四兩磨菇 + 半個紫色洋葱 + 半罐椰漿 ~ 只用魚露調味,都已經非常惹味!    好香,聞到都流口水

甜品:日本珍珠茄

冇呀!食生果啦!近排見到街市有日本珍珠茄賣 ($15/ 2 磅) 特別甜架!比祖國的車厘茄好味好多 ~

笨 B 爸爸明天的 lunch box

有紅米飯食呀 ~





45 則留言:

  1. 笨b媽媽 好正喎 蕃薯苗 我和老公都好like架!

    回覆刪除
  2. 咦! 今日係咪你早得滯呢? 竟然俾我排到頭位? 我都鍾意食紅米飯 有時又會煮吓五榖飯 係煮有味飯及炒飯先至煮白飯嘅喳!

    回覆刪除
  3. 蕃薯苗真是好新鮮,不錯的一餐!  我在深圳曾經吃過上湯南瓜苗,如果可以買到你這些新鮮的菜我一定會好開心!

    回覆刪除
  4. b爸個飯盒好少咋喎, 夠唔夠飽架?

    回覆刪除
  5. 仲有唔記得講, 我媽話炒蛋唔好過夜會出水. 仲有聽講, 男人唔好食隔夜蛋

    回覆刪除
  6. oh! No!!! post得slow過珍妮仔tim... 其實我係過黎copy你thailand trip既information ga... 路過留名...

    回覆刪除
  7. 亞B 仲有聽講, 男人唔好食隔夜蛋 <---哇哈哈!係呀!我都聽過

    回覆刪除
  8. 小魚兒:係喎 ~ 你難得攞到第一位喎 今日係早左 post 因為特首選舉答問大會好悶 我係非常鍾意食紅米飯/ 糙米飯,好鍾意佢地o的口感! 珍妮仔:你o個頭都應該有大型街市啊?大把正菜啦? 靚 B:唔少啊,成碗飯架!食咁多發福呀 (雖然已經 already 發福-ed ) 我未聽過男人唔可以食隔夜蛋喎 ~ 咩根據架 噹噹:你去泰國玩呀?記住去暴食呀 ~ honey:你同亞 B o係邊樹聽埋呢o的野架 ...

    回覆刪除
  9. 我都有聼過男人唔好食隔夜蛋呀 話會小腸氣喎 <-- 查實小腸氣點解 不過only男人先有嘅通常都係指。。。

    回覆刪除
  10. 笨b媽媽: 滑蛋炒蝦仁 LOOKS 好正喎~~~ 亞B / 大少奶 : WHY男人唔好食隔夜蛋???

    回覆刪除
  11. 笨b媽媽,你好掂哦 ,我炒蛋想滑d,淨系識落淡奶咋! 我日日都目弟你嘎.你d嘉美雞系未響北河街街市買嘎?

    回覆刪除
  12. 個蝦仁炒蛋好靚呀!!

    回覆刪除
  13. 笨b媽媽, 吾好意思, I NEED YOUR HELP. 點樣可以插D圖片在內文 ? (仲有D ICON ???) 我系新手,希望你幫下我啦

    回覆刪除
  14. 我只想說.......我好想食 hahaha

    回覆刪除
  15. 我好鍾意食滑蛋蝦仁. 有時都會煮吓佢!

    回覆刪除
  16. 見到你個標題--------充滿自信 --- 滑蛋炒蝦仁

    好鐘意你咁老實-----呵

    回覆刪除
  17. 好健康喎~ 紅米飯~ 個雞肉Tom Ka Soup 好特別喔

    回覆刪除
  18. 請問.....呢度有冇得試食架?

    回覆刪除
  19. 有愛心Lunch Box

    回覆刪除
  20. 個椰汁雞湯好正呀! 我都想學煮呀! 男人唔好食隔夜蛋? 蛋榚,蛋卷同拉麵都有蛋架啦!好少會即做即食個喎,咁d男人咪食左唔少隔夜蛋? 我覺得生蛋有腥味 ,都係喜歡食全熟蛋.

    回覆刪除
  21. 幸福小女人- Diana2007年3月1日 下午5:50

    個滑蛋蝦仁真係好掂喎,, D色水好正!!! 咦,, 笨B媽呢排咁有心係咁煮飯仔既, 好SWEET呀!!

    回覆刪除
  22. 笨b媽媽, 滑蛋蝦仁 is one of my favorite disks. Can I have some and a bowl of rice....?

    回覆刪除
  23. Ms Jubie:多謝你咁欣賞我碟炒蛋 (難得有樣野煮得似樣呀 ) 至於「男人唔可以食隔夜蛋」的問題 ... 同「唔食晒o的飯會娶豆皮老婆」,係咪同出一徹架 ... ... 泡泡:如果係小腸氣的話,就應該唔關事 ~ 因為小腸氣o既形成原因同蛋都無關o既 ~ 你上 google 查下「小腸氣」就知啦 I...D...A:多謝多謝,其實只係好簡單的菜式,我o係度班門弄斧啦 FEON:乜你咁勁?連我o係邊度買雞你都知?! 係呀!咪北河街街市囉 ~ 得一檔有嘉美雞賣,我最鍾意佢有劏好晒的雞賣,仲要成隻賣、分部位咁賣都有,方便我地呢o的買少少o既人啊 話時話,我見你仲未寫過 blog,其實你只要 click 「發表網誌」,就會出現一個工作畫面,o個度有o的唔同o既功能,可以插相、又可以插 video 架啦 ~ 你係新手,不妨先睇一睇 Help Topics 呢一頁,好有用的: http://help.yahoo.com/help/hk/blog/ 至於加插表情公仔,我見你在留言已用緊,相信你對於加 Yahoo 預設的已沒有問題 ~ 至於其他公仔,通常我地都係o係其他網頁 copy & paste 過來用的。我儲左o的常用的,你可以參考我呢篇網誌: 表情公仔 \(*oo*)/ 希望幫到你 ~ Hi-tu:想食?坐言起行,落鑊炒啦 ~ minicorgie:係啊,查實呢個餸好簡單,材料又可以買定,諗唔到煮乜時,就可以煮佢勒! mRS cHenG:嘻嘻,我不嬲都好老實,有碗話碗、有碟話碟 ... 有時仲口不擇言添呀 卡奧:紅米飯除左健康之外仲好好味,我最鍾意有咬口o既野食架勒,買麵包都要買十穀包o個隻 雞肉 Tom Ka 湯好好味的,用左方便 sauce 又易煮 (方便 sauce 在香港都有得賣,你去o的賣泰式食品的小店睇下~) 胡途:呵呵,你唔嫌遠,我無任歡迎啊 (p.s. 搵古月煮畀你食啦!佢都煮得下啊 !) 小胡子:係咯 ... 我都從未聽過 生蛋係有少少腥味啊,不過落o的胡椒粉就可以減低腥味啦 ~ p.s. Tom Ka Soup 的方便醬包在泰式小店都有賣的,元朗o個頭唔知有冇呢? Diana:係呀,呢期我「獲利回吐-ing」,落廚煮番幾日囉 ~ 大家又睇下我可以堅持幾耐 FeFe:sure sure ~ 紅米飯o岩唔o岩食啊?

    回覆刪除
  24. 嘩.........睇到 呀~ 我好like食真係「滑蛋」嘅滑蛋蝦仁law, 我亞媽通常都over-cook嫁 ......不過又係嗰句 "我要走青 "...... 你個湯我巧想飲呀....好似好creamy咁 另外, 我未食過蕃薯葉嫁.....炒完個樣好似菠菜咁, 好似又係好好味咁bor

    回覆刪除
  25. GG:你好早呢 ~ 搵我個 blog o黎送早餐乎 (我都成日一邊食 lunch 一邊上電腦,攪到一枱都係 ) 伯母可能驚o的蛋唔熟會攪到你肚痛呢 不過炒滑蛋基本已炒到 8 成熟,加埋個鑊的餘熱,基本上都熟架啦 ... 我從未試過肚痛呢 ~ 可以叫伯母試下 個雞湯好香好香 ~ creamy 就算不上,因為方便醬包裝上叫人落 400 ml 椰漿,我只落了 200 ml,因為我怕落得太多好滯呀!我覺得 200 ml 剛剛好,very good ~

    回覆刪除
  26. b媽: 唔知係邊度聽返黎, 起碼唔止我一個人聽過, 至於有無科學根據, 我更加唔會去解究. 不過好似係話會令男人 陰囊會發脹 , 如果你想知點解d人咁講, 你都可以寫返篇blog 去解釋比我地聽架. (我同大少奶無夾埋架, 無玩野)

    回覆刪除
  27. 靚 B:我梗係知你地唔係玩野喇! 我上網查「食隔夜蛋」都出左好多呢類言論,大家都話係聽番來的 ... 丫,等我又寫去壹周刊個「壹知全解」度,睇下佢蘇唔蘇我

    回覆刪除
  28. 好正呀...三樣我都啱食...引死人mei?

    回覆刪除
  29. 開始似返個"太太"O剌

    回覆刪除
  30. 笨b媽媽!!  tks for your help! 因為我記得你講結婚是invitation card d相系北河街街市咯 我都系嘎 ! 我又好鍾意食雞! 會趁你未搬去元朗前,得閑去街市撞你嘎啦!

    回覆刪除
  31. b媽, 我個頭有大街市不過無見過呢d菜買, 通常都是菜心,芥蘭,白菜仔之類.

    回覆刪除
  32. B媽, 你個蝦仁炒蛋真係好easy又yummy yummy咁款喎. 炒蛋向來係我弱項,見到你的tips,令我信心增強返. 一定要跟你食譜試下先得.

    回覆刪除
  33. 碟蝦仁蛋真蝦人....咁鬼大隻o既...炒得又好睇 味道一定好啦 Tom Ka Soup 煮出黎真係唔錯...不過一定要加配料 我上次o係CWB買...都幾方便丫

    回覆刪除
  34. 哦~原來係問題少女亞b帶起既~ 我都好想知喎~ 死喇~ 以前陳生都唔知有無食過喎~ 我就耐唔耐都會食隔夜蛋~

    回覆刪除
  35. 嘩..未食得飯...見到好肚餓呀!!

    回覆刪除
  36. 有一個說法 男性的精子含有很多蛋白質, 而隔夜蛋會的蛋白質會破壞正常的蛋白質 所以會影响男性製造精子, 從而影响生殖能力

    回覆刪除
  37. 露絲公關手記2007年3月2日 上午5:56

    似模似樣, 笨 B 媽媽 發功喇! 笨 B 爸爸有口福喇! 不過唔知隔夜蛋嘅傳聞真唔真嘅呢?係嘅話味隔夜蛋糕/隔夜麵包都唔食得囉?

    回覆刪除
  38. vanlily: 其實我唔係問題少女呀, 只係有人咁講, 我提醒下b爸唔好食咁多姐. 你知b媽好想生bb架啦. 我為左笨b, c, d, e, f, g 著想咋.

    回覆刪除
  39. Jessica Tak Tak Lui2007年3月2日 下午2:46

    笨B媽媽, 你個blog真係夠料, 每次都有好介紹, 絕無冷場媧 . 吾知中環啲街市有無蕃薯葉買呢, 聽日放半日, 一於玩煮飯仔, 有樣學樣先!

    回覆刪除
  40. 苯 B 媽煮 "食送" 好叻呀.

    回覆刪除
  41. B 媽 ~~ 你成日 po 你o既紅米 搞到一段時間無食紅米o既我 又想買o黎煮o既衝動 我之前都係煮紅米 雖然好多人話紅米唔好食 但係我就一直覺得紅米比白米好食 點知小寶話唔鍾意食紅米 所以就無買拉 見到你o既 tom kha 我竟然想到 原來我泰國買番o黎o既這包 tom kha 未煮呢 我知 tom kha 多數用肉煮 但係我無食肉呢 等我用 tiger prawn o黎煮試嚇先

    回覆刪除
  42. p/s : B 媽 ~~ 唔記得話 如果有日你出食譜 一定要話我知阿 雖然你成日話自己長氣 但係我真係好鍾意你寫o既文字 好 detail 好精采 好生動 好似你真人 show 呢 如果係一樣自己完全唔識煮o既 真係需要o甘 detail o既文字幫助 係o甘o既話 人人都唔使上烹飪課程拉

    回覆刪除
  43. 睇黎你好鐘意食紅米飯喎!!

    回覆刪除
  44. Hi~ 我睇完你d食譜之後心思思又煮番餐 今次睇左你的秘訣之後d蛋當堂滑左, 雖然無你整得咁靚, 但都ok啦, 得閒黎睇下~ http://hk.myblog.yahoo.com/suki-lui/

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: