2007年3月5日 星期一

九型人格 - 笨 B 媽媽測試報告 & 馬後炮

 

--------------------------------------------------------------------------

前言

年多前開始聽到朋友間興起去上「九型人格」課程,大家仲好熱烈咁討論邊個係一號仔、邊個係二號仔 ~ 呢號仔又同o個號仔唔o岩 key,blah blah blah blah  ~  聽到我頭都暈埋

 ~

o個時佢地話我係二號仔,因為大家覺得我有「媽媽 feel」的性格喎!
  不過我都冇去查證,因為我覺得佢地所講o既九型人格咪又係類似星座性格咁 ... 以為係o的婆媽野,所以聽完就算啦 ~

 

事隔年多,尋晚見到星期日檔案講起,講到九型人格好似好實用咁,o的機構僱主甚至學校輔導老師都攞o黎應用 ~ 撩起我條筋,決定上網做番一輪 studies 先!

 

--------------------------------------------------------------------------

笨 B 媽媽測試報告 (註:野雞級

 

   我起初以為九型人格理論就咁將人 define 做九類,咁就好片面喇 ~ 但原來佢都有「升降特徵」(類似傾向模式),即是話平常的時候會是 defined 那型號的性格,但情緒特別「健康」時和「不健康」時,又會出現另一類人的性格特徵    咁睇番二號仔的性格分析,其實又唔係咁似我喎 ~ (參考:
維基百科)

   做左幾個唔同測試之後,我搵到答案勒!一路都被認定為 2 號仔的我,原來做左幾個唔同測試之後 ... 冇一個話我係!  

   之但係,有測試話我係 9 號仔,又有測試話我係  3  號仔,咁即是點呀   兩種係相當 contrast o既性格o黎架喎!

   大家得閒無事的話,亦可以上網睇下自己屬於邊類型

中文版、簡易版 test  (只有 30 幾條問題,好快手就答完 ~ 但感覺好似較片面)

英文版、詳盡版 test  (有成 130 幾條問題,答案仲可以選唔同程度 ~ 好似較準確咁)

   測試的準確與否,同大家答問題o既誠實程度有絕對關係架!唔該誠實o的丫!

 

--------------------------------------------------------------------------

笨 B 媽媽馬後炮

   雖則測試結果參差,但呢套理論o既興起,都未嘗不是一件好事 ~ 姑勿論呢套理論是否可以改善人際關係或管理效率,至少亦可以令到多o的人更留意、更關心別人  ~  查實,作為一個成功的管理人/ 父母,永遠都要觀察入微架啦 !然而呢套理論都可以較有組織地幫我地分析每一種人的行為性格特點o既 ~  都算有用o既

   尋晚睇節目最有印象的一句,是提到有些 conflict 其實唔係蓄意的,只係大家性格上的衝突引致。如果接納左呢個 concept,咁大家都較容易「退一步海闊天空」,唔會將別人一句無心快語而耿耿於懷 ~

   所以,我覺得 the beauty of this theory 是你如何應用這套理論在待人處事上,而非將每一個人分類然後對號入座,覺得「佢就係咁架啦」 ~ 咁只會弄巧反拙架

   總之,都係o個句,要人際關係好,都係靠你自己 ~ 多觀察、多體諒、多溝通喇 ~

 

--------------------------------------------------------------------------

後記 1

   嘩哈哈 ~ 查實我都幾有探究精神啊 ~ 不過笨 B 爸爸話我冇可能係 5 號仔 (investigator),因為我笨喎!  (唓 ~ 你以為喇!我 ... 扮笨之嘛 !) 

   今晚捉笨 B 爸爸做個 test 先 ~ 大家又估下佢係幾多號仔?

 

--------------------------------------------------------------------------

後記 2

   咦哇,原來呢篇係第 400 篇 blog 喎 !我咁勤力,YB 有冇獎畀我架!

--------------------------------------------------------------------------

後記 3

  做左測試啦!笨 B 爸爸原來係 1 號仔喎!等我研究一下 1 號仔o既性格,增進下夫婦關係先  ~


--------------------------------------------------------------------------

24 則留言:

  1. 嘻嘻... 我昨晚都玩咗個簡易版... I'm No. 9 The Peacemaker...都幾準!!!

    回覆刪除
  2. B 媽 ~~ 我每次讀你o既 blog 仲會有個感覺 你自細o既願望 係唔係做作家呢 你o既表達能力好好 可以讓人好了解你要表達o既o野 而且 你o既文字敘述井井有條 很有次序 好 good 呢 好似上面這一篇 我好似覺得讀緊心理書籍呢

    回覆刪除
  3. e, 乜咁岩呀, 我都post左, 不過我無你咁長氣~

    回覆刪除
  4. 哈,我是第九

    回覆刪除
  5. Petite poupee @安提比2007年3月5日 上午7:47

    2是提到有些 conflict 其實唔係蓄意的,只係大家性格上的衝突引致。如果接納左呢個 concept,咁大家都較容易「退一步海闊天空」,唔會將別人一句無心快語而耿耿於懷 2 , 2是你如何應用這套理論在待人處事上,而非將每一個人分類然後對號入座,覺得「佢就係咁架啦」 ~ 咁只會弄巧反拙2 I also agree with you and it's true, I've similar expereince with an old friend and I learned how to deal with it.

    回覆刪除
  6. 公司BLOCK左去唔到 我自己都估係2號仔, 不過試過之後今晚話你知

    回覆刪除
  7. 我喺醫院都有睇到『星期日檔案』,不過由於醫生巡緊房,所以音量較到好細聲,聽唔到...

    回覆刪除
  8. 我琴晩都有 呀.....我都巧有興趣知道自己係o羊性格, 但我冇你咁有心機即刻上網做research 呀........巧佩服你 嘅探索精神呀....而且仲post埋上來又咁detail p.s. 好.......等我今晚做完份paper再上網test 吓先 (但係我太掛住你o地, 所以上o左網一陣law )

    回覆刪除
  9. 哦~~我都睇過關於九型人格ge野.. 連我個blog都有寫架.. 恭喜你第400篇日記ge誕生~

    回覆刪除
  10. 恭喜晒﹗第400篇登場﹗

    回覆刪除
  11. "你估下佢做緊咩" 遊戲公布結果~~

    回覆刪除
  12. 笨b媽媽, 係呀, 我之前果科management organization behaviour都用9型人格上堂~ 不過miss教得好悶!!

    回覆刪除
  13. 各位:登登登櫈 ~ 原來笨 B 爸爸係 1 號仔 (完美主義者)!唔怪得知佢成日嫌三嫌四喇!哼哼 ! 不過我又好欣賞佢勇於改革、精益求精o既性格喎 影子:唔係啊 ~ 我從來冇諗過爬格子為生架,但工作上好多時都要寫野 (中英文都有,從 internal communication, copywriting 到 presentation 都有) 哈哈!我仲同我o的朋友戲謔,咁寫落去,或許有朝一日我會變成「才女」 ...

    回覆刪除
  14. 笨B媽媽: 我做完test lu, 我係6號仔呀.........佢d comments 又好似幾準喎

    回覆刪除
  15. 人地戰狼300,妳就YB400!恭喜!

    回覆刪除
  16. 引用o左你呢篇blog, 得閒過來 吓啦

    回覆刪除
  17. 果日睇完電視就好想測下自己係咩型格喇!好多謝你嘅分享呀!我唔使週圍搵啦! 玩完簡易版,原來我係1號仔,唔怪得之我咁多野睇唔過眼啦!

    回覆刪除
  18. 斯洛 與 S王子2007年3月6日 上午5:34

    我係4 wing 6呢...

    回覆刪除
  19. 笨B媽媽: 如果我擔 x一定唔會 ....................不過, 擔「珍珍」就會..... ..........btw, 我會巧忠心睇你個blog嫁

    回覆刪除
  20. 我都有測試過...我係9號仔~~ 係9型人格中...冇話每個人一定一定就係邊一類~ 而每個人都可能覺得自己有著幾個不同類型的特性!! 係正常既!! 因為係唔同既情況下~例如壓力與安定...心理和靈性的成長...等等 你會顯露唔同的性格特徵~~ 以9號為例:9號人很容易分心,即使獨處也一樣,而把具有高度優先性的事項留到最後才做。看起來像拖延,但卻不是故意的。 他們處在安定狀態下,在家中.有被包括且欣賞的感覺時,會變成更像第三型。他們的精力變得很專一,能在短時間內完成許多傑出的事。 每個人格都有自己好的特性和不太好的特性!! 所以我們可以適當學習其他不同的特性來取長補短。 9要學3之做事有計劃.唔好成日都無所謂 6要學9之沉穩及寬厚 7要學5之多蒐集資料,深入思考................ 所以資料來自維基百科 & 講及九型人格的書籍~加自己少少少少意見!! 最後...書中有提及到研究九型人格是好事情!! 但有幾樣千奇唔好做既事~~ 1. 別把九型人格當作晚宴既game!! 2.別告訴別人他們屬於那一類型,or 把他們看作是類型的代表---他們是他們自己,而不是一種類型。 3.別把這套學問的「教條」套在別人身上。 4.別運用這些比人優越私9知識去支配別人or扮演起上司的角色。 5.別利用你的類型當作行為的藉口。 我覺得呢句講得好岩!!

    回覆刪除
  21. Christina 小魚仔2007年3月7日 上午7:15

    笨B媽媽 : 我本上也開Blog寫九型人格 .... 見你同亞B、Vanlily 也開Blog分享 (我就無開Lu) 我同你一樣係 2 號 小魚

    回覆刪除
  22. 1.我都想講:我睇開你寫o既野,我都覺你中文好好.原來你中英文都強呀!! 我好鍾意語文架!! 所以好欣賞d中英文良好o既人架!

    回覆刪除
  23. cico:多謝你o既分享呀!我覺得你引用o個幾點講得非常正確啊! 小魚仔:原來我係 9 號仔耶 ... Auntie Goo:過獎啦 ... 我行文寫字好隨意,唔會龍飛鳳舞、更加唔曉引經據典 (笨 B 爸爸的「才情」比我高幾廿班),你見我咁鍾意用 point form 就知喇 不過我係比較著重避免寫白字 or spelling/ grammar mistake 就是的,可能讀書時代老師捉得緊呀

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: