2007年3月11日 星期日

粥底打邊爐 + 笨 B 爸爸示範切蝴蝶脆鯇

今日同尋日都係 19 度,點解今日好似凍左好多咁o既呢

 ?
(睇到呢句,亞 B 一定又講:笨 B 媽,咁都叫凍,你點做新界人啊!
)  嘻嘻!冇計喇 ~ 少運動嘛 ... 我會鞭策下自己架勒 ... 思想上

 

冇錯,我地「又」係打邊爐 ~ 不過我地冇暴食呀!今次計落,同食左個海鮮粥冇咩分別架o乍!因為我地用左個粥底,落左少少海鮮,叫做有得烚下烚下玩o乍   不過啖粥都幾好味呀!咁樣食仲特別暖添呀!

 

【圖 1】笨 B 爸爸的拿手好戲 --- 蝴蝶脆鯇 (附 video 示範 ~ 睇佢切得咁鬼輕易,點解我切唔到o既呢 )

冷知識:脆鯇同鯇魚有乜分別?

脆肉鯇是香港及華南的一種特種養殖魚,透過為養殖的鯇魚餵飼蠶豆,使魚肉的蛋白質及礦物質提高,從而使肉質更為爽脆。根據香港的養魚專家所說,平均每公斤的魚肉,需要用兩公斤的蠶豆飼養。若鯇魚所餵飼的蠶豆不足,魚肉就會不夠爽脆,而這亦是香港及華南脆肉鯇的分別所在。 (source:Yahoo 知識)

笨 B 媽媽按:一般鯇魚係食草的,所以又稱草魚 (Grass Carp)

 ~


【圖 2】粥底 --- 純粹係白粥,為免太杰,落少左米 (平時煲二人份量落 1 嘜米,今次落 3/4 嘜) 

【圖 3】好好味的墨魚滑

【圖 4】彈下彈下的鮮蝦



【圖 5】淥完以上o既脆鯇、墨魚滑 & 鮮蝦後,我地就食埋個粥底 ~ 加左少少鹽吊味,清淡得來又有陣鮮甜味,正呀!

(笨 B 媽媽按:今次清淡左o的,下次可以再買多一款海鮮,or 落o的瑤柱仔做粥底,相信會更好味)

【圖 6】烚菜心苗果然冇炒o既咁好味,因為太柔軟兼且甜味不足 ~ 都係搵薑片炒好味o的



34 則留言:

  1. Yeah!!! 粥底打邊爐, 啲魚片仲會滑啲呢!!

    回覆刪除
  2. 笨b媽媽 又食脆鯇呀? 你真係脆鯇嘅忠實fans喎! 我都唔知原來脆鯇與普通鯇魚的分別只在於飼料 多謝你嘅介紹呀!

    回覆刪除
  3. 嘩苯B爸爸好利害呀﹗對呀﹗下次可以加瑤柱個粥會好甜架﹗

    回覆刪除
  4. 好野, 下次我又試吓, 不過我把刀唔夠利!

    回覆刪除
  5. 鯇魚片好新鮮咁,切得好靚tim啊!

    回覆刪除
  6. 彈彈吓嘅蝦同墨魚滑好正斗呀

    回覆刪除
  7. 幸福小女人- Diana2007年3月11日 下午5:41

    笨B爸爸好叻呀!!! 我Darling雖然都識煮飯,, 但絶對無笨b爸爸咁叻.... 我無試過用粥底打便爐,,, 會唔會容易痴底架?

    回覆刪除
  8. 露絲公關手記2007年3月11日 下午6:21

    睇見就想食喇,家陣仲想宵夜添!

    回覆刪除
  9. 多謝笨B爸示範. 我一看笨B爸切魚手勢,就想起自己最初切魚或肉類時,同你一樣左手手子公和食指分開捺著. 有次給任識廚司指點,切肉時左手五隻手指 屈弓捺者,那就會容易控制切肉大或細,但最重要是免切到手指. 試試無防.

    回覆刪除
  10. 笨b媽媽, 咦, 咁啱呀! 我地今晚都係食粥喎 不過冇你咁犀利, 但係我地d料都唔差架 有豬展仔, 免治牛肉, 象but蛘片, 脘魚腩, 粟米同紅棗!!! 落紅棗因為龍少要我補血喎!!!

    回覆刪除
  11. 笨b媽媽, 仲有, 我依區都好好好凍呀~~~ 唔知係唔係因為有海風? (都係新界西啫)

    回覆刪除
  12. 粥底打邊爐, 你自創架? 菜心苗, 介蘭苗好好味呀, 好想食, 成日覺得在法國食得唔夠多蔬果, (這裡冬天冇乜蔬果可以食) 沒有遵守2+3 diet添!

    回覆刪除
  13. 苯b 媽媽把省好可愛 我好似看緊你地做show 甘 你地平時都是甘叫對方架?

    回覆刪除
  14. 粥底打邊爐!李太想試好耐!會唔會好快就好飽咖!?

    回覆刪除
  15. b媽: 你真係唔好同我講, 你有開暖爐啊 你再係咁, 好快要搬返出市區住架啦. 我覺得b爸好攪笑, 切蝴蝶雙飛, 真係好易, b媽點解你有陳師傅咁叻, b爸咁掂, 都唔快d 吸受佢地d真傳呀...快d 學野啦. 第時唔係識得湊笨b, 笨c 就夠架....仲要識煮飯先得架. 唔係餓死佢地.

    回覆刪除
  16. 我都係新界人... 仲做左廿幾年喇, 但都覺得好凍喎~ 我覺得最緊要係呢幾日都無陽光,又潮濕! 我昨天都烚烚下...

    回覆刪除
  17. 未試過粥底打邊爐...好似好正咁~下次真係要試吓!

    回覆刪除
  18. 笨B爸爸﹐你講野好攪笑呀﹐講野都幾COOL噃﹐哈哈!

    回覆刪除
  19. 嘩睇笨b媽個blog 仲可以增加知識tim!!!!!!!! 好正!

    回覆刪除
  20. It's 11:40p.m. in here... and I'm so hungry Wanna have the congee hotpot too!!!

    回覆刪除
  21. 小魚兒:冇錯 ~ 我地係脆鯇 die hard fans 我都係最近先發現原來脆鯇同普通鯇魚o既分別係咁架o乍 ~ 我少見多怪,忍唔住要唱通街嘛 Yan Yan:哈哈,我地又無研究喎 ~ 純粹係想熱辣辣地食碗粥,所以用「打邊爐」呢個方法 ~ Angel:查實切脆鯇係好容易,只係我唔識而已 minicorgie:係呀,把刀要夠利啊 ~ 可能你要磨一磨佢! Natalie/ 皮 2:我地幫襯開個魚檔o既魚係幾靚架 咪就係有蝦滑、墨魚滑賣o個間囉 (之前介紹 露荀蝦卷 時有提及) Diana:係會易黐o的 (因為粥會愈煲愈杰嘛) 所以得閒要攪下個底 ~ 露絲:咁就食個宵夜喇 Sviden:哇哈哈 ~ 等我叫笨 B 爸爸研究下先 ~ 咪咪吉:尋日太風呀 ~ 所以就算溫度一樣,都覺得特別凍 今日又低左喎!得 17 度 ~ Madame Pi:唔係我自創的,係好耐之前睇雜誌見到出面有食肆推出粥底打邊爐,心諗咁鬼簡單,o係屋企整都得喇!n 年之後o既而家突然之間醒返起,咪試下囉 ~ 不過我地o的火鍋材料好少呀 (因為笨 B 爸爸話唔想食咁多野!) 話時話,我地慣左每日都食菜,如果冇得食,一定好難受啊 所以我都係唔適合做外國居民架啦 ... poppennysun:哈哈 ~ 有時啦 ~ 仲有好多其他「別名」o既,不過o係呢度叫開佢做笨 B 爸爸,條片緊係要 align 返呢個名喇 李小姐:唔會架 ~ 視乎你買幾多火鍋料之嘛 ~ 預料o既時候,你要預食多兩碗粥落肚喎 (否則到最後食唔落o的粥咪o徙晒?話晒佢係主角來哦) 靚 B:尋日當然冇開暖爐喇 ~ 我又未至於咁癲 係咯,刀法呢家野,真係工多藝熟架 ~ 咁我以前都冇機會切脆鯇 (切過一切 but 畀我攪到溶溶爛爛,所以我覺得呢門功夫好似「好有料到」 ) 黃夫人:梗係喇,你咁瘦,禦寒能力特別低嘛! Tan Tan:都幾得意架 ~ 如果再買多一兩款海鮮,啖粥會更好味 ~ 試下喇 提子太太:佢係覺得我好低能架,咁都影一餐 ... 佢話我因住擺出o黎畀人笑添呀 惠而浦:一齊學野嘛 ~ yeah ~

    回覆刪除
  22. 用粥底打邊爐真係好特別呀..唔知用粥做0既湯底係未冇咁熱氣架呢..不過我想問下會唔會好易"痴"底架

    回覆刪除
  23. Alwen:夠鐘訓覺啦 !乖 ~ 望住我煲粥,發個好夢呀 ~

    回覆刪除
  24. 粥底打邊爐會唔會好易"痴"底架 ?

    回覆刪除
  25. 嘩嘩嘩~ 笨B爸真係好得喎~ 好似切到落底但又無切斷!!!!!

    回覆刪除
  26. 嘩...苯 b 媽...你地真係識食...

    回覆刪除
  27. 香港人真幸福!!!! 可以去街市買咁新鮮嘅餸!!!!

    回覆刪除
  28. d粥咪巧鮮甜

    回覆刪除
  29. 我都好鍾意食脆肉鮠~~~ 真係切得好靚~~~

    回覆刪除
  30. B 媽 ~~ 我們這裡近年也流行粥火鍋 我只是去食過一次 覺得好好玩呢 可以自己調味 還可以下很多料 粥會特別甜呢

    回覆刪除
  31. 上次見你O既海鮮粥已經吸引...今次仲邊爐添 笨B爸刀功好犀利... 豆漿邊爐都好興架喎而家...

    回覆刪除
  32. 切得好靚呀 ! 我就唔咁切啦 ! 我一定會叫魚佬幫我切好先番屋企架 !

    回覆刪除
  33. 可唔可以教我整蟹粥 用咩蟹最好 落蟹之前要點樣處理 咩時間落至啱 唔該吖

    回覆刪除
  34. Circle, Dong Dong & 比比:笨 B 爸爸以前都有整過 肉蟹粥 畀我食,不過我覺得清淡左o的,唔係好夠蟹味,唔知點解呢? 我地平時煲白粥係煲 1 個鐘o個隻,而煲蟹粥就o係過左半個鐘時落o既 ~ 我地下次再試下,成功左先 share 食譜畀大家喇

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: