2007年3月11日 星期日

【屋仔近況 20070310】鋪隔熱磚 + 有感而發

好似好耐冇報導過我地o既屋仔近況啦

  冇錯,呢期係有少少 delay ~ 唉,呢o的始終係工程界常見o既「陋習」之一 好在我地唔趕住住o者 ...

 

有好多 blog 友睇過我地o既「小屋仔.大 Project」,都對村屋產生一定興趣,當中唔少朋友仲想同我地一樣自己參建村屋添!所以,我都諗住遲下組織一下我地從睇村屋、揀村屋、起村屋、申請按揭、搬屋等等過程,分享一下我地o既經驗,同埋指出當中必須留意o既地方,好等有興趣o既 blog 友可以按圖索驥,搵到最 well fit 你地需要o既安樂窩 ~

不過呢個係大製作,大家要畀o的時間我至得啊  ~ 期間大家如果有問題o既話,歡迎留言 (公開/ 私人留言均可) 畀我,我會盡量解答架啦   當然,我地未必係村屋 or 建築專家,但o係呢一年半時間裏面,我地從參與建造過程 & 走訪各大小建材公司中,都學到唔少野,亦都遇到唔少困難 ~ 老實講,雖然呢個 Project 都尚算順利,但過程中都遇到唔少問題,如果唔係笨 B 爸爸有工程底,加上我地「不屈不撓」地尋求解決方法,我可以講 it's really a difficult task! ~ 相信呢o的經驗,對於有意購買村屋o既朋友會有一定幫助! 

大家睇左我個 blog 咁耐,都知我講野o既風格  ---

值得讚賞o既,我一定唔會吝嗇;唔抵幫o既,亦一定唔會幫佢掩飾   

--- 希望我從 end user 角度出發,講o既野會更有參考價值! 

大家唔該又畀o的掌聲鼓勵丫 ~ 啊呵呵呵 ~

 

講番正題 ~ 尋日入去,終於見到鋪緊天台隔熱磚啦 ~ 之前都提過,絕大部分村屋係唔會做呢層隔熱磚o既,一來又要佔用多幾寸樓底高度 (成棟三層村屋都只可以 27 尺,除去樓底厚度,每層都只係得 8 尺 3 寸,再扣下扣下,冇乜得點剩架啦) 二來成本亦會增加 (隔熱磚固然係比普通天面磚貴) ~ 但由於村屋天面經常受到日照,三樓往往悶熱非常,有村屋友話夏天開大冷氣都唔掂。當然,悶熱與否、或悶熱程度都會同室內空氣流通有關,但 we won't mind going extra mile for better results - 做多一步,就免卻煩憂喇!


【上圖】鋪隔熱磚-ing。原本 expect o的磚係同一隻色 (淺綠色) 但唔知點解批貨來到後變成雜色   雖然效果不是很差,但始終和我們最初的 expectation 有點出入。有點令人失望的是判頭 W 先生沒有諮詢我們意見就開始鋪砌,製造「既定事實」讓我們接受 --- 老實說,我們並不是下下畀 hard time 別人的人,但我地覺得呢個係 respect 問題囉!

笨 B 爸爸按:呢個「製造既定事實」o既壞習慣,在工程界頗常見,睇少一眼都唔掂!

【上圖】呢件就係我地所用o既隔熱磚橫切面。下層石屎充滿氣泡,可以形成一個良好的隔熱層 (air is the best insulation for heat)

【上圖】呢個星盤嚇親我 ~ 咩事呀   哦 ~ 原來係安裝去水喉時,用來測試去水情況的

21 則留言:

  1. 嘻~你個仔越來越大喇~~大約會幾時完工呢?

    回覆刪除
  2. 希望早日入住啦!

    回覆刪除
  3. 咁你地接唔接受呢個「既定事實」?會有咩行動呀?可唔可以叫個判頭幫你油返佢一隻色架?e.g.油層隔熱油(異想天開)

    回覆刪除
  4. 笨B妈妈,等你的‘仔仔’出世好紧张哦。。。

    回覆刪除
  5. Tan Tan/ 廣東小彥彥/ FEON:應該仲有一個月到 ~ 希望順順利利喇 小胡子:正如我所講,假若不是完全接受唔到,我地都未必會畀 hard time 人 ... 只係對佢地o既處事手法有點失望罷了

    回覆刪除
  6. B媽你脾氣真好... 換著係我一定會忍唔住發難jar!!!!!!

    回覆刪除
  7. 笨b媽媽 今日見屋仔仍然有人開工 是不是趕交貨呢? 我初初見有人還以為你們今天進來 看真一點才知是裝修師傅呢!

    回覆刪除
  8. 噹噹:我地雖然都有不滿,但今次都唔算係甚麼不可饒恕的罪過,咪退一步哦佢地幾句囉 ~ 和判頭們交涉要有相當技巧,不能下下都硬橋硬馬呢。 小魚兒:呢兩日應該都係做天台的功夫呢。我尋日o黎左,不過我諗住都係入伙後先來打攪你啦 (因我知你 weekend 多數不在家,免得特登約嘛 ~ 不過我每次上天台都有「裝」下你個天台,睇下會唔會咁o岩你o係度架 )

    回覆刪除
  9. 苯媽:我完全切身地感受到您的不滿,真係睇少眼都唔得,不過雜色有雜色好睇,唔好介懷激親自己!

    回覆刪除
  10. aiyo....W先生太不負責任了, 啲磚唔啱色至少都該先通知你們吧!!

    回覆刪除
  11. 我地要訓嘅天台都幾好喎. 唔該搭多間木屋仔同加多幾張碌架床, 唔該哂! 重要有locker放我地私人物品!

    回覆刪除
  12. 雖然啲磚唔係你想要嘅色,但係而家都唔差丫,幾有風格呀.

    回覆刪除
  13. 笨B媽是環保先峰呀!

    回覆刪除
  14. 睇你咁耐BLOG我更知你STYLE喇~ 如果唔係都唔會咁多人睇喇, 係咪先~ 個天台D色其實又唔係好差, 不過無理由佢自把自為囉!

    回覆刪除
  15. hehe 我就係其中一個like to read 你屋仔project o既人

    回覆刪除
  16. Hello ! 路過看見你寫有關- 屋仔 , 我都系住三層屋仔 , 間屋 : 改動 ' 顏色 ' 買專 ....一手一腳自己設計 . 對於你所寫 - [ 天台隔熱磚 ] 你以前做過未 , 我間屋都有做 , 但過程同你不一樣 , 如果有興趣再給你多一點資料 .

    回覆刪除
  17. hihi, 笨b媽媽! 我已經留意左你個blog好耐,因為我都很喜歡住村屋。見到你間dream house,隨你 "舞"!真開心,我都希望我可以有一個村屋任我 "舞"! remarks: 為左同你有交流,so專程開左blog!!!.........我是說真的!

    回覆刪除
  18. Mrs Kwong/ Yan Yan/ 醫師卡攝/ vanlily:天台o的磚鋪好晒啦 ~ 其實睇落都 ok o既,只係我地覺得有商有量好o的囉 不過呢單唔算甚麼嚴重事,所以我地都冇計較啦 minicorgie:哈哈,有天台訓咪益左你囉,可以同哥基玩天光呀 Madame Pi:咁又唔算 我地都係考慮 both 環保 & 長遠慳錢 ~ 希望o係負擔能力範圍以內,做得好o的啦 草菇老抽:多謝你呢 我呢個小屋子 project 系列除左畀自己做個美好回憶以外,都希望我的經驗可以幫到其他住村屋/ 想買村屋的朋友呢 茜姐:多謝你先 ~ 不過我地已經完成-ed 啦 ~ 夏天來時就會知道我呢隻磚好唔好用啦 Elvis & Jennifer:哇哈哈哈 ~ 好呀!而家你開左 blog,我地可以更多交流啦 ~ 唔駛成棟咁買o既 (我都係買左二層做複式) 就算淨係買個三樓連天台,都已經好多野玩 ~ 你地有冇計劃呢

    回覆刪除
  19. 您好,我是第一次睇到您個blog,住村屋一直都係我的夢想.現在我和女兒兩人一狗住在市區.我有意搬入元朗住, 但現在有以下問題想請教:
    1) 不知村屋治安好不好,因為只有兩人女士加一狗?
    2) 資金方面,對於村屋的價錢不太清楚,自己起的會否比現成的平,大約要多少錢?其實我想住地下連一樓,不過我女兒怕蛇蟲鼠蟻入屋,我怕水浸,是否住二樓連天台會好些?當然價錢都是一個問題.
    因為我現在在何文田區工作,所以交通方便也是一個問題.如果方便的話,請您回我的email:ningkeungfu@yahoo.com.hk

    回覆刪除
  20. 多謝您的回覆.我好喜歡您廚房和厠所的牆磚.我打算裝修的時候用,不過裝修師父話大陸磚唔come用,好易裂.但係我最近去砵蘭街睇磚時,賣磚的人話現在的大陸磚質素好左好多.因為佢價錢真係好吸引,比意大利磚足足平左一半.可否比d意見?

    回覆刪除
  21. hi 你好 我想向你請教一下村屋嘅問題! 我最近都睇中個地方,個agent同我講可以自己設計起,但要先比D定。我想問下建築期要幾耐?我雖然唔係好急要入伙,但分期附款怕唔怕會難尾?謝謝!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: