2007年2月8日 星期四

IKEA 新發現

哇哈哈 ~ 上個 weekend 又去左 IKEA 玩 ~ oh no,我地係用睇傢俬,做緊正經野架!  又畀我地發現左一o的新奇好玩o既東東 ~ 唔怪得知 IKEA 逢親 weekend 都人山人海喇 ~

 

新奇發現 1 :廚房設計軟件

基本上細路都識玩 ~ 軟件內已經預設左好多款 IKEA 有售的廚櫃 & 廚房配件,只要按心水砌落畫面就得

【上圖】笨 B 爸爸o係度攪攪震

【上圖】我地仲摷左本新出o既「夢想之廚」o既 catalogue 番屋企慢慢歎 ~

 

新奇發現 2:自助窗簾報價

原來而家有逐碼賣的布匹,咁就唔駛下下買幅鬼咁大o既窗簾布返去喇!(此舉果然聰明,因為香港o的窗咁細隻,都冇乜人屋企可以用到 IKEA Standard Size o個o的窗簾 )  呢部電腦,係畀你根據自己所需尺寸,預算一下要用幾多錢o既 ~

新奇發現 3:電鑽/ 電批借用服務

又幾 good 喎!因為無啦啦買支電鑽、電批返屋企,用得o個一兩次又好似好o徙 ~ 呢個新服務話只要你有當日發票再加按金,就可以借用電鑽/ 電批七日架勒!咁就唔駛為左裝個新窗簾而買支電鑽啦 ~ 真細心


 

 


 

20 則留言:

  1. darling ikea既窗簾我屋企剛剛好,唔大唔細,所以我全屋都用佢既窗簾 佢仲有窗簾神奇貼,如果塊窗簾太長,只需要度好長度加神奇貼一熨就OK 改長度既錢都慳埋 good~

    回覆刪除
  2. 我也是用宜家的窗簾

    回覆刪除
  3. 係啦~ 一流消閒好地方~~

    回覆刪除
  4. 我屋仔個廚房都係用宜家的廚房設計軟件,幾方便架! 設計好後將版面print, 帶去買廚櫃同廚房配件又快又方便

    回覆刪除
  5. 笨B媽媽﹕點解你去IKEA都帶埋個相機既?好專業既blogger喎﹗

    回覆刪除
  6. 對我黎講真係大發現... 平時都有行, 但唔會留意佢寫乜 唔講真係唔知... well done!

    回覆刪除
  7. 嘩哈哈!!! 真係幾好玩啊!!! 我發覺Ikea呢個地方真係好好玩!!!

    回覆刪除
  8. 我地在大約九年前幫襯過ikea既訂造窗簾,四幅窗簾布,兩幅紗,加一枝羅馬棍同掛鉤,埋單要5千幾.重要另買路"鬼",又要自己做餐飽. 我這次幫襯教育路的美雅,包括露台落地大玻璃門及大大小小窗等共十四扇門窗,用料方面由最貴的$120元一碼的美國不透光布、紗、卷簾到普通的百葉窗...等等,款式有木通、羅馬簾、和窗簾頂裝飾等,連工包料,上門度呎和安裝,同佢講下價,埋單七千多元。交貨準時,效果滿意。 不過記住要搵岑小姐,佢醒D,會比好多意見同好合用,另外有個女人無咁醒。

    回覆刪除
  9. honey:乜你咁快啊!我幾乎 post 完再返轉頭,已經見你個留言! 你屋企隻窗都好大下啊!我見佢幅布,都真係好 ... 長! 咪咪貓 & 豆豆龍:咦哇,原來都唔少人用喎 ~ 卡奧:係呀,我覺得應該有 90% o既人係同我一樣 ... 做緊「混吉神探」 KT:咦,有得即刻 print 的嗎?我地o個日求其玩下攪攪震,都冇留意添 ~ 小倫:我為左增加部相機o既 cost efficiency,家陣去到邊都帶住架 Yan Yan:係啊 ~ 每次都可以消磨一兩個鐘,好開心架 ~ See:哈哈,八卦是我的天性,大家o岩用就係 bonus ~ 小胡子:好介紹喎 ~ 多謝晒!

    回覆刪除
  10. 我也用IKEA的software砌我嘅廚房, 去IKEAwebsite 仲有得download添! IKEA窗簾而家啱晒屋企啲落地窗喇, 你間dream house都啱架!

    回覆刪除
  11. 我的廚房也是用IKEA software 設計,拿去店內請專人改正,再用IKEA 批准的 contractor 安裝,比 Home Depot 相當的價錢平了許多。只可惜 counter top 工人不配合,大大拖延了完工的日子。

    回覆刪除
  12. ikea 廚房果個software 已在一年前發現了,而我也是和你一樣去玩下,因為ikea是我必到之處,所以發現時已第一時間走去玩,但是玩完後print不到出來,當時問過職員話無得print, 叫我回家download software用, 但是找不到該software, 再次回去問過原因, 職員表示不清楚woo.... 真是! 這件事已是一年前了. 現在在這裡看到此留言, 可以print和download, 不知是否可以話我知怎做呢? 請指教..... 其他的發現真好,我會留意一下了, 多謝你! happy valentine's day & beautiful dream house!

    回覆刪除
  13. 我都鐘意佢d curtain, 又輕, 可以拎得落黎掉入洗衣機洗, 正! 仲要唔係貴, 低低低!

    回覆刪除
  14. Ikea可以當一個景點去玩

    回覆刪除
  15. 乜而家咁好有得玩電腦架... 咁樣PLAN下屋企裝修都唔錯呀。

    回覆刪除
  16. 嘩 ! 好耐無去過 IKEA 啦 ! 你唔講都唔知, 原來佢地變左咁多呢! 不過, 呢 D 都係好既野, 應該D 客有反映過, 所以先會諗到有呢D咁既服務, 底讚 IKEA 亦都底讚笨 B 媽媽你啊 ! 因為你又將你既新發現, 講左比我地呢 D 好日都唔行下呢D SHOP 既人知, Thank you so much ! 係啦 ! 你得閒去我個blog 參觀下 ! Welcome !

    回覆刪除
  17. Hello ! 多謝你上去我個blog到回應啊 !

    回覆刪除
  18. 有得借用電鑽又真係幾好喎. 好過因為一個200大元的櫃買一個只係用一次又但係又貴過個櫃的電鑽. good idea!

    回覆刪除
  19. i am ikea "超級番屎" 今日先去報到黎呀! 我家o既窗簾都係用佢架, 不過就改短左.

    回覆刪除
  20. 廚櫃之類唔建議你用ikea牌...有人用過話會'沁'水

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: