2007年2月12日 星期一

【新屋採購日誌】Hitachi Slim 雪櫃

 

呢個雪櫃,考慮左好耐好耐先買,點知一決定買時,就畀我地遇著難得的大著數,真係好開心呀!唔 ~ 似乎豬年好旺我喎 (2月4日立春,已算豬年了) ~ 啊呵呵呵  

~ 希望好運陸續有來 ~

 

點解要考慮咁耐先買呢?咪就係因為佢貴囉  ~ 新款嘛 ~ 呢隻 305 L 的要 $5,580,其他牌子差唔多 size 的,只要 $3,xxx - $4,xxx ...  但我卒之成功說服笨 B 爸爸,原因係

   排第一的原因梗係因為佢慳電啦!始終笨 B 媽媽都是一個精打細算的師奶仔嘛!  呢部有一級能源標籤,每年用電量只要 436 kW (好似係呢個數 ...) 比起好多容量細過佢的雪櫃仲要慳電!小數怕長計,對於呢o的耗電量大的電器,我不嬲都主張貴o的都要買部好o的o既!

   雖然佢瘦身o的,但容量並不比其他雪櫃少啊!咁即是夠薄夠慳位啦 ~

   個樣真係好靚 ... 望見佢,真係「叮」一聲架 ...

   最後,梗係因為笨 B 爸爸錫我囉 ...

 

 

嗱,我呢個旺夫益子 (自以為) 的師奶仔,諗左 n 咁多個月卒之決定買時,就遇著

   睇左幾個月,都從未試過的 85 折!仲要最後當天!(即是 $4,743 咋!)

   跟機送 Hitachi 電火鍋爐一個 

   因為年尾 promotion,豐澤送清潔套裝一套

   一共攞左 15 張抽獎券 ~ 希望好運繼續來,贏番個歐洲/ 日本遊啦 ~

 

【基本資料】

我地就係訂左以下呢隻香檳金色啦!

詳細產品目錄

pdf file

26 則留言:

  1. That's really pretty, I like it! Everyone knows ur hubby "spoil" you la! hahahaa!!!

    回覆刪除
  2. Alwen:沒有哪 ~~~ 我好乖架!真係好認真咁比較左各款雪櫃的 cost efficiency 架 ~ 雪櫃是耐用品,至少用 10 年啦 (如果佢唔壞的話 ) 咁一年都係多百幾蚊而已嘛 ~ 省下的電費都可以 cover 啦,嘻嘻

    回覆刪除
  3. 笨b媽媽, 你要一個大雪櫃架有時買多少少菜唔駛成日去買呀! 一定要好多野在雪櫃先有安全感架!

    回覆刪除
  4. 珍妮仔:你真知我心意 ~ 我係一個鍾意大廚房、大廚櫃、大雪櫃的人啊 如果有個好似外國咁o既大廚房,我唔介意退役做全職師奶仔架 (呵呵,如果屋企有個咁o既廚房,睇怕我已經係上左岸、真係唔駛做啦 ~) 我有 lur 過笨 B 爸爸買最大o個款 365 L 架 ($6,680) 不過都係 lur 下o者 ~ 我都覺得現階段毋須要咁大o既 ~

    回覆刪除
  5. 香檳金好靚呀 好似我咁正 呢...... e....你今次真是好好彩喎 , 不單只唔加價 (呢期d物價指數巧高, 好多野都暗地裡加o左價 ), 又discount仲有嘢拎tim

    回覆刪除
  6. GG:我地就係預計農曆新年之後,各式各樣o既野都會加價 (應該一早想加了,但為了要趕埋年尾唔加住o乍! ) 所以呢期我地非常忙碌地周圍採購呢 ...

    回覆刪除
  7. 笨B媽媽 你個雪櫃好似我地嗰部呀! 外型就似到十足喇 我又係HITACHI 有自動製冰功能 呢個先係我考慮的最主要因素 因為老公係冰怪 飲咩都要加冰 如果無呢個製冰功能 淨係製冰都忙死我喇! 至於咩型號我就唔記得喇 下次有機會你上來看看!

    回覆刪除
  8. 好型啊 ~~~ 有85折好抵啊 ~~~ 仲有咁多贈品 !!! 雪櫃最緊要放得多野又唔大部 !!! ps. 多謝你係泰皇朝blog留言, 果樹真係食單人set lunch好啦, 唔好食2人餐, 不過就真係坐得好舒服!!!

    回覆刪除
  9. 笨B媽媽 我睇咗詳細圖喇! 你呢部真係應該同我部一樣呀 不過睇你嘅價錢 應該是正式日本製造的 所以貴啲 我地買嗰部係馬來西亞製的 所以較平 只需三千多元 真係好抵呀 其實兩者只是出產地不同 其他一切功能都沒有分別 所以我地最後都係揀咗平者呀!

    回覆刪除
  10. 我都係環保家電﹗慳電慳錢又環保可樂而不為? 笨b媽媽好野果然係一個慳家師奶! 點解美國冇呢種三個櫃既雪櫃仲咁細添, 我個雪櫃成為 32dx67hx30w inch take up 灑的space 好羨慕你的細雪櫃

    回覆刪除
  11. 果然係一部吸引0既雪櫃喎....

    回覆刪除
  12. 幸福小女人- Diana2007年2月12日 下午6:40

    笨B媽媽... 呢個係一個好既開始, 祝你黎緊呢一年都咁旺啦... 買到心頭好固然之開心, 再加上遇到優惠,,真係成個人都醒神晒呀!!!

    回覆刪除
  13. 用平價買到心頭好果種開心法真係非筆墨所能形容呀! 好運一定運陸續有來,一於去歐洲再度密月啦!

    回覆刪除
  14. 笨B媽 我屋企又係用大雪櫃(飛歌),成500L,98年買$6,000蚊,買o個時嫌大,但老公話我o地住村屋,雪櫃太細擺 唔到o野,宜家用用o下又覺得唔夠用。好彩之前老公個朋友俾o左部450L我o地,家陣擺o左上天台,放啤酒同 埋藥材,蛋糕材料。我老公話雪櫃唔係成日開唔會太耗電。 如果你買300L,到第時生笨C笨D加多個工人,可能唔係幾夠用,希望你唔怪我八掛啦!

    回覆刪除
  15. 又真係幾「叮」一聲

    回覆刪除
  16. 真係靚到叮一聲喎!個色好襯你個廚柜。

    回覆刪除
  17. 真係抵喎...豬年果然旺你地一家呀... 仲有咁多野送...真係開心...

    回覆刪除
  18. wow... 笨B媽媽真係好好好lucky!!!!

    回覆刪除
  19. 香檳色我鐘意呀, 夠晒grand呀!

    回覆刪除
  20. 哇!呢個正呀 !顏色靚、抵買、慳電、仲有咁多著數,笨爸實錫晒你啦

    回覆刪除
  21. 下層就比我同亞b放哂d蛋糕食材喇 都應該夠位既

    回覆刪除
  22. vanlily: 上層既一半用黎放蛋糕製成品呀

    回覆刪除
  23. 主要特點之一:負離子?!?! 咁以後你放入去既菜呀肉呀魚呀係咪會好直架?!?!

    回覆刪除
  24. 你好啊,昨天一口氣看完你的52篇屋仔網志,看到眼冒金星呢,哈哈。我也剛於1月27日結了婚,現在還有了bb,我和老公也很想買村屋,因為沒太多錢,又要大些的地方安置bb,我想請問你買復式的村屋大概多少錢?要超過200萬嗎?請你告訴我,可以嗎?你可以秘密地回應啊~ 或send to happyday5hk2006@yahoo.com.hk 謝謝你~~恭喜發財~

    回覆刪除
  25. 你好, 我上網search呢款雪櫃時,找到你的網誌, 因為恰巧女友亦喜歡這一款,理由也和你很相似, 所以借了你一幅相,和連結了你的網誌。 唔該晒!

    回覆刪除
  26. why u don't buy 365L? only few hundred dollars difference? im planning to buy 365L ar. in dsc only 5280, u think ok price?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: