2007年2月26日 星期一

繼幼稚園之後第一次攞第一

 

哇哈哈

!自從幼稚園時因為o的考試太簡單而攞過三年第一之後,我都好多好多年冇攞過第一咯 !事關我求學雖然都是求分數,但從來唔會為左求第一而超級勤力囉     同笨 B 爸爸睇法一樣,為左攞第一而要付出的額外時間,實在不是 cost efficient 啊 (唔,此現象和經濟學裏 diminishing marginal returns 的理論同出一徹 )
*以上乃我個人謬論而已 ~ 通常攞第一o既同學都係天資聰穎,邊駛日日通宵讀書架!

 

我寫 blog o既心態,同我讀書一樣 ~ 鍾意o個科咪讀多o的囉!寫 blog 是一個 experience,既不是我的工作、更不是我生活的全部。Blog 在於我來說,是

1. 一個溝通模式--- 我呢o的深閨o既人,為左 update 朋友們有關我的近況,與其逐個打電話話佢地知,不過寫出來叫佢地自己睇啦!

2. 一個生活記錄 --- 作為一隻 100% 巨蟹,我最鍾意緬懷舊事架勒!開呢個 blog 最初的原因就係想記錄一下起屋仔呢個咁值得記念o既 project,等我同笨 B 爸爸得閒無事都可以開番o黎緬懷一番丫嘛!

3. 一個集思廣益的途徑 --- 老師教o既!唔識o既野,要多o的向叻o既同學請教丫嘛!我當呢度係「匯賢智庫村屋版 + 煮食版 + 生仔版」架啦

4. 一個志同道合的 community --- 真心講句,我真係要多謝 Yahoo Blog,畀左個咁好o既 platform 我認識到大家
 !!! 自上 blog 以來,我認識左唔少志同道合o既朋友,當中有鍾意煮、鍾意食、young couples、young parents、村屋人、新界西街坊們等等 ..... 呢個真係最初意想不到的重大收穫呢!

雖然呢度係一個 virtual community,但我覺得基本上同 physical community 分別不大,反而你可能更深入地瞭解對方的喜好和思想模式!~ 同舊時上網識人,完全唔知o個個係乜水o既情況截然不同啊   blog 友同現實朋友,基本上並無不同,即是好似「攝影友」、「書友仔」咁囉!

5. 一個練習寫作和思考的地方 --- 雖則我多數都係用廣東口語來寫 blog,但無疑寫得多,都可以鍛鍊一下詞彙運用同埋思考 ~ 正如陳師傅話齋,佢日日落街足棋,都係為左防止老人痴呆症之嘛!

 

===========================================================

唔 ~ 笨 B 媽媽果然是一個長氣的人

  又試「有感而發」左一大輪!其實原本我只係想寫:

今次o係 Yahoo Blog 做左一日咁大把的第一位,真係非常突然兼喜出望外
 ~  咁難得o既機會,等我 post 番o的 screen cap 出來威番次喇!

(weekend 正值外遊中,多得一班 blog 友幫我 capture 左以下呢o的圖片啊 !)

 

 

 

【上圖】哇哈哈!我攞第一呀!大家唔該掌聲鼓勵丫    多謝多謝 (唔知醜中 )

 

【上圖】事情始末 ... 原來 2月24日 Yahoo 將我條 link 擺左上 front page!梳 ...


【上圖】2月25日又擺多次?咁客氣呀 ...


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: