2007年2月8日 星期四

卒之都係食番中藥!

 

前幾日只是一場小感冒,但唔知係咪飲左當今地球上最難飲o既藥水o既關係,竟攪到我足足呆左三日

,做唔到野之餘,最慘就係三日都仲未醫番好!激死! 

 

可能我不嬲唔食開西藥,所以更加唔習慣西藥的藥性 ~ 反正未好番都要再睇多次,我今次都係決定睇番中醫勒!

 

星期三晚落到診所,醫師望聞問切左一輪,佢都話我係感冒,不過係屬於濕重o個隻,所以我成日覺得「墜住墜住」、頭重腳輕、周身骨痛 ~ 所以佢話會o係方劑裏面幫我加o的去濕o的中藥云云 (詳情我唔係好記得,費時講錯,唔寫咁多) 

 

本來仲順手問醫師攞定星期四o既病假紙 (而家註冊中醫師都可以開病假紙) 因為星期三o個日實在好暈,我驚星期四都返唔到工 ~ 不過,我卒之冇用到,因為我第二日已經精靈返晒!果然如醫師所言,我係因為太濕重先瘟瘟沌沌,食藥去左o的濕氣,真係精神好多!  不得不讚下我地祖國o既傳統醫藥智慧,真係好偉大哦 ~~~ good

 

【上圖】醫師開左三日藥畀我,係藥粉來的,每次兩包,好方便


【上圖】今次杯苦茶又唔係好苦喎 ~ 可能我鍾意中藥味,我反而覺得聞到呢o的味好舒服 ~


【上圖】而家中醫都有醫生紙啦!

 

【有用資料】

農本方中醫診所

地址:           香港鰂魚涌英皇道979號太古坊康橋大廈地下A (萬寧店內)   

電話:           2219 0219 

服務時間:    星期一至星期六   上午 10:00 下午 2:30    

                                                       下午 3:30 下午 7:30    

                        星期日及公眾假期 休息  

診金:            $80

藥費:            $180 (三日藥)


 

其他特約診所:http://www.nongs.com/big5/clinics/index.htm

38 則留言:

  1. *♡♡小肥豬♡♡*2007年2月9日 上午2:06

    係呀~有時中醫都可以清吓個底,都係好事呀! 你要記得準時食藥呀!

    回覆刪除
  2. 我都想睇中醫調理吓呢. 近呢幾年時時傷風感冒, 左邊面又不斷出粒粒.. 好煩! 笨b媽, 我每次去睇西醫都係食2-3次藥架咋, 因為食咗西藥就呆呆呆, 做唔到野, 所以返工就唔食! 新年啦, 快啲好返!! 開開心心過新年!

    回覆刪除
  3. 飲苦茶我唔鐘意呀! 我好怕果陣味!

    回覆刪除
  4. 藥粉真係方便好多 中醫張病假紙好落本, 況且仲清楚過西醫手寫

    回覆刪除
  5. 我上次感冒都係食中藥先好番...有時睇西E都唔係咁快好!

    回覆刪除
  6. 哇 ~~ 依家中醫都o甘 in 有醫生紙拉 我都係比較信中醫 不嬲我如果去西醫都係為了醫生紙 但係藥我就唔食拉 食o左成個人好散阿 中醫雖然苦 但係我可以接受呢 良藥苦口嘛

    回覆刪除
  7. 私人留言 - 笨b媽, thank you. 我以前有個中醫睇開, 不過佢係大陸人, 一年至多黎香港 / 澳門一次. 唔係成日可以睇.. 同埋佢個煲藥方法, 冇3個鐘都唔會煲好. 如果可以, 請你比油麻地個中醫地址我. 因為我真係想去睇, 我又濕, 又毒, 個身成日痕, 又水腫, 腎又唔好, 又出粒粒.. 好鬼煩.. 我都想做個健康美女... THANK YOU!!!

    回覆刪除
  8. 你呢個中醫好似幾掂喎, 响邊樹嫁?

    回覆刪除
  9. 笨B媽媽﹐希望你快D好番啦﹐可以開開心心過肥年啦!!!

    回覆刪除
  10. 笨B媽媽好番lu.....不過要keep住保養身體呀, 如估唔係點生笨C, D, E, F, G 喎...... 我星期三都take o左 sick leave 呀, 都係 呀.........因為醫生話我耳屎(水)不平行 我都巧想睇中醫調理身體呢......不過d藥睇見已經覺得好苦

    回覆刪除
  11. 張醫生紙好pro- 呀........唔係用毛筆喎

    回覆刪除
  12. 嘩! 要去到鰂魚涌睇咁遠呀~!

    回覆刪除
  13. 我想問是近太古坊邊度?幾多錢?唔使煲好方便,thx

    回覆刪除
  14. 好現代化... 重有醫生紙.希望你早日康復

    回覆刪除
  15. 小心身體ar!祝早日康服

    回覆刪除
  16. 妳隻杯同D藥好襯

    回覆刪除
  17. B 媽:我都係食開你講呢 D 藥粉,真係方便好多,藥效都幾好,通常食三日藥已經清晒感冒。我睇開個中醫師有草藥同埋呢隻藥粉畀人揀,不過佢話中藥一日要飲兩劑,好多客都揀藥粉,方便帶返公司食喎

    回覆刪除
  18. 係喎...而家中醫都有醫生紙... 得閒去調理下身體都唔錯呀。

    回覆刪除
  19. 嘩 ! 好PRO 咁WALL, 電腦打印仲要有埋個紅色蓋章, 勁呀 ! 我公司樓下個醫師都係用筆寫咋, 仲寫到好似鬼畫符咁 !

    回覆刪除
  20. 依家好多人都鍾意睇中醫, 可能覺得食中藥冇西藥咁多副作用, 同埋中藥多數都有調理身體0既功效

    回覆刪除
  21. 中藥真係好駛得啊!!咦!你好似係枱底養左缸魚喎!

    回覆刪除
  22. 幫到人等於幫到自己大家要開開心心,反對任何人抄人家答案作為自己答案,希望大家知識日日增~2007年2月9日 上午10:18

    個中醫咁勁,我都要搵日去睇一睇下我個病先,久病在身,不能寫太多了,現在都要小小暈暈地

    回覆刪除
  23. 太古坊, 有點遠, 上中環or 堅尼地城有嘛? D 粉可唔可以唔冲水, 就咁倒落口到吖? 我知中藥好, 但真係好好好好苦吖!

    回覆刪除
  24. 笨B媽媽﹕祝你快啲好番啦,新年啦,要精靈啲至得架﹗

    回覆刪除
  25. 可能我鍾意中藥味 <---- 笨b媽媽係傻架! 如果你好似我咁日日都要飲,仲會唔會鐘意呢?

    回覆刪除
  26. 而家啲中醫開藥粉架?好摩登呀!

    回覆刪除
  27. 笨b媽媽 我都係覺得中醫好 有時間的話我也寧願煲藥飲 你呢間有藥粉 真係方便好多喎 不過咁遠 我都幾難去到囉!

    回覆刪除
  28. 笨b媽媽 剛看到原來還有其他診所 看來荃灣都適合我喎 下次有病時也要試試!

    回覆刪除
  29. 中醫好犀利呀﹗祝早日康服!

    回覆刪除
  30. 苯媽:我都係睇中醫架,吾中意西藥的副作用。我外甥係中醫,他說東華東院既中醫都可以架~!講明先我外甥唔係東華做既, heee 。 診金都好似80元,藥費就50元一劑, 給您多一個選擇!病好了,要開始籌備您個賀年食品囉窩!

    回覆刪除
  31. 各位:多謝大家的關心,我其實尋日已經幾乎好番晒啦 (o個劑中藥真係好掂) ~ 話時話,幾乎所以有中醫診所的醫院,都有農本方的濃縮中藥可供選擇的,詳情可以看以下網頁: http://www.nongs.com/big5/about/index.htm

    回覆刪除
  32. 笨B媽媽, 呢間中醫就O係我公司樓下, 我都睇過呀, 而且我公司仲有折添

    回覆刪除
  33. 嘩!出左好多post喎~ 笨B媽媽真係好返喇,幾精靈呀~

    回覆刪除
  34. Hey, girlie! How come you go to Quarry Bay for medicine?! Do you work around that area?! Then in future you have to go from Yuen Long to Quarry Bay?! That's quite far! But it's close to where I live... cos I live in Sai Wan Ho.... I'll have to tell my mom about this clinic!

    回覆刪除
  35. Alwen:yes, it is in Quarry Bay ... that's why I didn't go get this Chinese Medicine when I felt ill on Monday (I am living in Kowloon now, and I'd got a sick leave on Monday. I really felt dizzy and I didn't want to travel that far ) but the pills and medicine was not effective at all, as I said ... so I finally went to this Quarry Bay clinic when I was back to work (I work in Central, so it is okay to travel to Quarry Bay by MTR) Actually they have a list of affliated clinics scattered around different districts. Let me see if there is one around the Yuen Long area ~

    回覆刪除
  36. Christina 小魚仔2007年2月11日 下午2:27

    笨B媽媽 : 你要小心身體 Take Care !!!!

    回覆刪除
  37. 笨b媽媽, 其實我睇左你個blog好耐 今次係第一次留言 你個中醫睇開架?都算幾貴喎 我番工呢邊(即係葵涌) o係和宜合道22號(近石籬)間麥理浩夫人中心五樓都有中醫睇架 診金都只係20蚊,一日藥就40蚊 我睇過都ok架

    回覆刪除
  38. 你個杯好match d苦藥呀 我遲d都會去睇下中醫, 因為成日都頭痛

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: