2007年2月22日 星期四

開心拜年遊記 (二) 房太的菜田

 

初三那天去了一處很新奇的地方拜年 --- 就係笨 B 爸爸細個時,湊過佢o既房生、房太家 --- 佢地住o係元朗一間舊式平房裏面,屋後仲有一大片農田,幾廿年後o既今日,依然 keep 住每日下田耕作,所以田裏面種滿各式各樣o既新鮮蔬菜,令我呢個石屎森林原居民大開眼界!新鮮無添加o既「新界菜」,就係呢o的啦!

 

 

房生、房太分別八十幾、七十幾歲,但佢地生活淡泊、知足常樂,加上每日下田勞動,所以兩位都非常精神,一o的都唔覺得佢地年紀咁大!佢地好慈祥,見到我地入去探訪非常開心,房太仲即場摘左o的農作物畀我地做手信呢!以後搬左入村屋後,我地就可以經常食到房太o既新鮮有機蔬菜啦 ~ 真開心 ~  

 

【上圖】呢o的係洋葱 ~ 我本來想捕捉蝴蝶o係花間飛翔o既美態,但o的蝴蝶「片來片去」,實在飛得太快!  唯有影一隻停留在花上o既蝴蝶喇 (見到嗎?)

【上圖】房太的農田一隅 ~ 從左面起是枸杞、蒜仔、蘿蔔 & 韭菜


【上圖】白蘿蔔

【上圖】木瓜


【上圖】芹菜

【上圖】第一次見蘆薈的花!

【上圖】龍脷葉 (常用中藥一種)

【上圖】紅蘿蔔

【上圖】鳳仙花 ~ 搬屋後要來問房太攞種先

【上圖】桃花 ~ 房太種了四十多棵桃花,每年都賣清光  ~ 斬桃花時要留下完本的根,待新的一棵繼續生長

【上圖】房太很客氣,係都要摘o的野菜畀我地 ~ 佢右手最近跌傷了,所以沒下田幾日呢


【上圖】因為我地冇揸車,所以唔肯攞咁多 ~ 房太乜都想摘畀我地啊  (我地答應房太,搬入來元朗以後,一定日日來向她要菜,食晒佢o的菜為止   房太先肯罷休o乍!)  最後拿左兩個好太的菜頭返去畀陳師傅煲湯,氹得陳師傅好高興 ~

 

大家都來一齊參觀下房太塊田啦!

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: