2007年2月2日 星期五

【元朗】過橋麵檔的鹹雞飯

嘩蟹 ~ 我發覺每次講親元朗美食,一定有好多元朗 (& 新界西) 街坊和應 ~

 啊呵呵呵 ~ 好高興呀!因為咁樣讓我知道

    我將來會有好多好街坊,一定唔會悶親

    我將來會有好多好野食,一定唔會餓親

Yeah ~~~~~~~~我地搬入新界西,果然是英明決定 ~~~~~~~~~

cool

 

好,再接再勵,post 多另一間正野先!呢間「過橋麵檔」好多 blog 友都講過,其實早在一年前,我地呢兩個「混吉睇樓雙煞」已經經由某個經紀介紹去左一試,但係o個時都未認得路,所以食完覺得好味,第二次都搵唔返!

   後來在元朗混熟左後,發現原來就o係賣建材o個條街附近o乍喎!

 

【基本資料】

店名:過橋麵檔

地址:元朗建德街

 

【笨 B 媽媽暴食記事】

    呢間舖頭唔係好大,但經常都好多人,所以要等下位 & 有可能要坐出街!

   坐得唔舒服 but 食物質素好好 + 價錢好平,唔怪得知成日爆滿

   必定要試o既係鹹雞飯 (下圖) o的雞係走地雞來架!皮脆肉嫩,一o的都唔肥!

【上圖】鹹雞飯 set (弊!唔記得左幾多錢 ... 好似 $40 ...) 超讚

good
 有另一款係霸王雞飯 set 只是廿幾蚊,不過是用冰鮮雞的 ~ o個款就未試過 

【上圖】真材實料的例湯 (呢款好似係髮菜眉豆豬骨湯?) 只係 $6!飲得出無味精,正 ~

【上圖】咖喱豬扒飯都很 ok,膠碟一角還載有少少椰汁畀你撈落咖喱汁度!


【上圖】經常人頭湧湧的小店


20080719 更新:麵檔裝修了,更乾淨骨子。另,原來鹹雞外賣的包裝也很骨子,可以買來做手信,每隻 $159。請參看 ---> 元朗手信【鹹雞】


51 則留言:

  1. 好羨慕!好羨慕!!!!!

    回覆刪除
  2. 哈哈,我第一,妳重有無蝦苯b爸爸呀.

    回覆刪除
  3. 出咗事添,得第二

    回覆刪除
  4. KT:哎喲 ... 又 liu 起你o的食慾添 ... 我知你愈冇得食愈想食,慘慘 ~ peterlo:哈哈!你慢左 27 秒呀 ... 咦,呢期你行過冇跌o的腳毛喎! 我不知幾鍚笨 B 爸爸喇 ~ 大家放心 ~ 笨 B 媽媽 + 笨 B 爸爸婚後會快快樂樂地生活下去 ~

    回覆刪除
  5. 過橋麵檔真係好多人 真係唔知有這間食店

    回覆刪除
  6. 苯B媽媽 我都好鐘意元朗. 前排去過大坑渠B仔前面的一間鋪食避風塘炒蟹,好好味呀. 名唔記得啦,係未到B仔前面橫路,好多食店的,夜晚佢地會擺哂d枱出外面,好熱鬧架. 鐘意食蟹的話可以去試試

    回覆刪除
  7. 嘩, 碗湯好多肥膏, 你有無整走d 肥膏先飲架??? 不過好似好濃咁. 仲有呢間野見都未見過, 我要拉我老公去揾揾.

    回覆刪除
  8. 我好鍾意食咸雞啊... 下次可以外賣個比我嗎???

    回覆刪除
  9. 鹹雞飯好似好肥啊~~ 咁你搵到你2公婆條街未姐?

    回覆刪除
  10. 小熊子/ 靚 B:佢唔係o係大街,但竟然都咁多人,總有o的野o既 ~ 得閒去試下啦! 饅頭媽:避風塘炒蟹 ~ 我鍾意呀!!!要試下先 ~~~ minicorgie:得之至 ~ 下次打包一個畀你做手信呀下 ~ 記住整 puff 招呼我就得 ~ vanlily:上星期我地搭輕鐵時研究左個地圖啦!有機會一定會去合照一下!(我驚人地以為我地白痴喎 ... 元朗街頭都要合照?自由行黎架?! )

    回覆刪除
  11. 你地個個都未訓?? 雲呢呢 , 你要比賽都唔訓? 我要訓啦, 聽日要去梁太屋企整 law pat go! 同埋玩VV!

    回覆刪除
  12. 喂喂 , 笨B mama , 您好 !! 我想問你 , 到底係點解無啦啦咁鍾入我個 blog 度既 ??? 有 d' 諗唔明 ?? 你問既問題 , 我已經答在咗啦 !!! 滿意冇 ???

    回覆刪除
  13. 好抵的咖喱飯呢!仲有咁詳盡的介紹! 小心啲髮菜係假呢

    回覆刪除
  14. 果然是腳踏實地的食店,在巴黎就沒有呀.整色整水的就通街都是,價錢和內容,一d都唔成正比.

    回覆刪除
  15. b媽: 2公婆街只係你呢間雞店一街之隔, 下次記得去, 消防局果度咪係囉~~ 你下次記得去食下"老" 水鵝隔離果間雲南米線呀, 都好好食架. (即係燒賣串燒對面呀)

    回覆刪除
  16. 天氣又冷了,你要小心身體! 有靚相睇, 請過來看一看 相映成趣 1 http://hk.myblog.yahoo.com/Spindrift-HK/article?mid=1118&prev=-1&next=1049

    回覆刪除
  17. 元朗真是好多好野食啵! 咸雞好滑feel仲要是走地一定好味! 多謝好介紹!

    回覆刪除
  18. 元朗好似遙不可及咁....

    回覆刪除
  19. 笨b媽媽 鹹雞飯我的最愛呀 佢啲雞真係好香架 又有口感 我地耐唔耐就幫襯一次嘅喇! 霸王雞不試也罷 無厘文味架! 不過而家鹹雞加咗價 唔記得45 or49? 總之係貴咗好多呀!

    回覆刪除
  20. 斯洛 與 S王子2007年2月3日 上午2:55

    我有時都會入元朗探親, 不過都唔知有咁多好野食... 我跟小s既屋企人食野都係徘徊於元朗廣場附近及教育路那一邊多...

    回覆刪除
  21. 笨b媽, 你入伙之日, 我會帶同puff & 乳鴒去拜訪你.

    回覆刪除
  22. minicorgie:整蘿蔔糕咁高興?記住 share 下啦 ~ ~ 哇蟹,有 puff & 乳鴿做手信咁正,一定要拉 banner 歡迎你來呀 Saiwanshellshell:哈哈,我神通廣大架嘛 ~ 有冇畀我嚇親? Madame Pi:咦,你都有留意o個單新聞喎 ~ 果然緊貼時事呀下 Little Cat Paris:無計,法國o的生活水平咁高,樣樣野都咁 "high class",真係唔食得都要睇得,緊係貴啦 ... 靚 B:哈哈哈,你講o個間米線,我地個幾月前已食左啦!仲影埋相,未得閒寫之嘛! 浪濤:天氣凍左,大家都要小心身體啦 ~ 珍妮仔:冇錯 ... 睇怕你地來探我時,我可以就咁叫外賣,已經食到你地好高興 .... (懶鬼主婦又在諗計偷懶中... ) 卡奧:都唔係架 ~ 你搵日試下搭西鐵丫!其實好方便架o乍 ~ 小魚兒:唔 ~ 我都發現o的商戶開始紛紛加價了 ~ 百物騰貴呀呢排! 斯洛:我以前都唔知 ~ 而家愈來愈發掘得多,愈來愈覺得元朗係一個好地方 ~

    回覆刪除
  23. 打令 鹹雞即係醃鹹既雞? 但又唔係鹽焗雞?有乜分別呢?

    回覆刪除
  24. honey 查實我都唔係好知 ... 我食落好似油雞 but 鹹鹹地的 ~ 真係有陣鹹香架喎 下次試真o的再話過你聽

    回覆刪除
  25. 你都未入黎住已經比你試晒d野啦~~~~~

    回覆刪除
  26. 靚 B:哈哈哈!唔係你估 ~ 我地o的八卦 & 為食程度,真係唔睇得少架

    回覆刪除
  27. 本大少奶正式賜封你同B爸為【混吉神探】 表揚你兩個籍著混吉而發掘新奇、刺激、抵玩、抵食、抵買既精神 而你就叫"春桔"啦! 代表春天桔一樣咁吉祥

    回覆刪除
  28. 大少奶千歲千歲千千歲 ~ 多謝大少奶賜封我為「春桔」~ 我會竭我所能、努力混吉,八多o的野畀大少奶同各位睇架啦 ~ (話時話,其他 blog 友可能會畀我地嚇親 ---> 呢幾個 "陳氏宗親" 係咪喪架 ... ---> 其實唔係! 我地只係團結o既八卦大軍,為免大家駛左冤枉錢,我地會稟承我地o既八卦精神,好o既會攞出黎激勵兼推介一番,唔好o既都會攞出黎鬧鑊佢 ~ 各位商戶醒醒定定 )

    回覆刪除
  29. 其實我未有sheena之前都成日去, 我老公鍾意咸雞, 我鍾意霸王雞 (鼓油汁好好味), 但係有一次去, 果時我大住肚, 個肥婆老闆娘 (即最後果張相果個), 悔氣地叫我地2公婆分開坐枱既對家, 但2個位都係中間, 嘩...... 你一睇我地2個就知咩身型啦, 我地話我地坐唔到, 跟住佢都費事理我地, 或者人地生意太好, 唔憂做, 又或者我地2個真係好大隻? 就此, 我同老公講我地罷堂食, 要食就外賣, 唔想見到個肥婆...... 老實說, 佢老公好好多, 有禮貌, 又好傾...... 咖哩是我另一個favouite, 超正!!!

    回覆刪除
  30. 好慘呀 , 唔 係咪喪, 係殘忍, 冇得食, 餓死人呀

    回覆刪除
  31. 雖然晌我屋企附近,但我都唔識去0既...搵日去搵黎試下先

    回覆刪除
  32. 我都鐘意去元朗揾嘢食, 但係龍少唔鐘意成日搭車去揾食.....

    回覆刪除
  33. 呢間我有經過...因為太多人所以未試過....原來咁正架.. 搵日我都去試下先

    回覆刪除
  34. 淨係見到個菜飯都流口水啦 可惜我們住係九龍........

    回覆刪除
  35. 法國無乜新鮮野食 (有都貴到飛起) 真係睇相都知好味.....恨死人...

    回覆刪除
  36. 睇到我口水都流晒!下次入元朗開會,要食埋飯先得!

    回覆刪除
  37. 我攞到 冠軍 去日本喇!!! 我今日打過電話比你但無人聽! 你快D過來睇詳情啊!!

    回覆刪除
  38. 哈哈...唔知下次有冇機會係元朗撞到你呢 

    回覆刪除
  39. 笨b媽: 你尋日最終揾唔揾到間正記? 原來我食果間叫"國記"先岩呀...唔好意思~~~

    回覆刪除
  40. 雖然我唔係住响元朗, 但係我都鍾意去食又平又正嘅嘢呀........笨B媽媽, 巧期待你打後嘅 呀!

    回覆刪除
  41. 吾知你有無去過元朗茜菁街嘅士林台灣牛肉麵?都好有水準架!不妨一試!

    回覆刪除
  42. 打擾了,想問路的,我找不到元朗建德街,位置大概在那?

    回覆刪除
  43. Jessica Tak Tak Lui2007年2月9日 上午10:27

    苯B媽,見到張相已經好想食呵, 我住中環嫁, 但都想去元朗, 今個禮拜我特登入去走一趟先, 多謝好介紹.

    回覆刪除
  44. 周攻:點講畀你聽呢 ... 你識唔識其他元朗o既路先? 我平時去,多數係由又新街 (即是 串皇 o個條街) 行入去,行行下見到好多建築材料o個頭就係架啦 (咁你當然要問下人 ...) 或者你可以上中原地圖度 key in 建德街睇下大概位置先 中原地圖: www.centamap.com

    回覆刪除
  45. 我去咗試食喇, 果然好介紹~~ 我仲quote咗妳呢篇文o係我個blog度, heehee~~ 有時間就睇吓吖~~ (我都係元朗為食鬼黎o架~~) http://famoon.wordpress.com/2007/03/23/%e6%88%91%e5%8f%88%e5%8e%bb%e9%a3%9f%e3%80%80%ef%bc%8d%e3%80%80%e9%b9%b9%e9%9b%9e/

    回覆刪除
  46. (估唔到妳會去留言俾我喎~~ thanks~~ ) 係呀~~ 好介紹呀~~ 唔該哂妳~~ 等妳搬入黎, 再發掘多D好食店tim呀! 間舖遲d會裝修呀, 唔知係咪開大間d呢? 到時應該會好坐d. 不過咩都假, 最緊要係d嘢好食, hahaha~~~

    回覆刪除
  47. 有冇食過"西菁街"間海南雞? 不防Click入黎睇下 我好like食冇骨雞 haha

    回覆刪除
  48. 認真係好介紹..睇見到流口水..
    一定要入去元朗試下...

    回覆刪除
  49. 個飯好似好好食

    回覆刪除
  50. 佢的鴨舌係無臭味,好好食,

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: