2007年2月15日 星期四

煮飯婆登場 ... 整左南瓜蒸排骨

 

任何技能,太耐冇用都會生疏

  煮飯買餸都唔例外!所以,我今日去二德惠買材料準備交我個賀年食品功課時
(放心,我好用心咁諗左整乜架啦!雖然唔知成唔成功 ... 總之唔係煎兩片豬扒賀年啦! )  足足o係o個度巡左成個鐘,先決定到要買乜呀!

 

其中一個想實驗o既 idea 係用南瓜做的,難得去街市買餸 (嘩!今日個街市逼到呢 ... 有得分咁 )  買左一個南瓜兩用,一半用來整呢個蒸排骨,另外一個就用o黎整我份功課!

 

呢個南瓜蒸排骨好易整,反而係備料功夫多o的 ~ 淨係切南瓜都切到手軟啊   o的排骨除左一般會落的醃料之外,仲加左紫色洋蔥碎、蒜蓉和陳師傅 DIY 辣椒醬,好惹味呀!

 

今次唔寫食譜住,因為我覺得仲有改進空間 (雖然我覺得o的排骨好好味,但笨 B 爸爸o既專業食評話我又係o個櫳野,o的餸係得個樣好睇 ...   明明碟餸叫南瓜蒸排骨,但食落o的南瓜還南瓜、排骨還排骨,佢地o的味道都冇交流o既! )

 

唓 ~ 咁排骨有排骨味 ~ 南瓜有南瓜味 ~ 咪幾好囉 ...

【上圖】完成品 ~ 笨 B 爸爸一見呢個「整齊」樣,已經話我唔係路!

【上圖】材料一覽

【上圖】未蒸前

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: