2007年1月28日 星期日

【新屋採購日誌】卒之揀左電磁爐!

 

之前花左好多時間探討電磁爐o既安全問題 ~ 卒之o係尚朋堂度得到個比較像樣o既答覆,等我寫出來分享下啦 (因為好難先問到答案架 ... 大家睇後記就知 ...

)

   之前提過,電磁爐o既電流迴路 (electric circuit) 裏面,有個好重要o既裝置,叫 EMI filter (電磁干擾裝置) ~ 顧名思義,佢o既作用原理就係透過干擾爐底下「多餘」o既電磁場,消耗左呢o的電磁場。EMI filter 基本上都好可靠,因為佢係迴路o既一部分;如果佢 breakdown 左,suppose 個電磁爐都唔會work,所以都唔會話有甚麼「電磁洩漏」的問題

   電磁爐底部是一個金屬外殼,亦會將電磁場「吸收」;所以應該不會有電磁場散出爐外

   大家仲記得電磁爐o既原理啊呵 --- 就係金屬爐具和電磁波產生磁交變場 (high frequency magnetic flux) 從而產生高頻渦流 ( eddy current ) --> 熱能就是如此產生架啦 ~ so ... 如果爐底的金屬外殼都會「吸磁」的話,即是都會產生熱能啦 ~

   所以,用電磁爐基本上都係安全的,不過最好預留空間畀爐底散熱,否則,個爐好快打柴 ...  

(所以我地廚房佈局已考慮呢點 ~ 見圖 2)

結論 --> 嘻嘻!笨 B 爸爸肯用電磁爐啦!yeah ~

 

雖然尚朋堂o既工程人員答得最好,但好可惜 ... 我地最後揀左 Rasonic 2800 瓦呢部 (但未買,大家如果有用家意見分享不妨提供!)  原因係佢兩個爐頭可以同享火力 0-2800 瓦,即是其中一個爐頭可以扯盡 2800 瓦而另一個爐頭暫時唔用,咁有需要時,都可以用到最大o既火力。

 

尚朋堂雖然是最先引入電磁爐o既始祖,但係佢o的爐款雖然都有 2600 火,但火力調較在 400-2200 瓦範圍內,咁即是最盡都只係得 2200 瓦,我地都係怕唔夠火力 ~

 

呀,順手八一句,原來o係 Panashop 買番 Panasonic 出品o既野係平好多架 ~ 攞呢部電磁爐做例子,Panashop 只係 $3,100,都係有番所有贈品送;但係豐澤就標 $3,880,得 95 折架o乍 ~

【圖1】左邊o個部,就係我地屬意o既款式。本來我想買右邊o個部 (貪心 ) 但畀笨 B 爸爸拒絕左 ~ 佢話一來貴好多又冇必要 (家庭小炒唔駛咁大火都 ok 云云) 二來o個款火數太勁,要有 20A 電源先得,我地起屋時冇預到,又費時走條明線咁醜樣啦 ~

 

【圖2】記唔記得之前睇過呢幅圖?(原文:

新屋率先睇 - 廚房 & 客廁設計圖) 我地 mark 定叫師傅在櫃與櫃之間開定洞口透氣,又在廚櫃盡頭o個幅板加上百頁設計,令o的熱氣可以散發  (按此放大圖片)

 

後記:

   原來連電力公司同埋大部分售賣電磁爐o既代理,都唔係好清楚電磁爐o既運作,淨係識得攞o的甚麼歐洲安全測試來撻你 (喂,油魚夠有印尼o既甚麼甚麼安全證明啦 ...)

   原來好多消費者,都只係會「降服」o係一o的所謂o既「專家意見」同「權威報告」,唔會 query 下呢o的所謂報告,或是有興趣理解下背後o既原理 (因為有關人士話畀我地知,從來冇人問過呢o的野,所以佢地手頭上冇有關資料 ...   喂,雖則之前冇人問,但其實我地問o既野,都好 basic 下o乍喎,我覺得呢個答案幾唔 professional 囉 ...)  

 


 

2 則留言:

  1. 笨b媽媽你好, 想請教你, 我想轉用電磁爐, 在網上search 了很久, 有人話電磁爐做唔到文火, 所以用唔到高速煲, 見你有用高速煲, 想問你意見。我都係心儀樂信牌電磁爐

    回覆刪除
    回覆
    1. 可以架, 我用高速煲時, 會先用最大火加壓, 然後調至最細火力

      刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: