2007年1月3日 星期三

村屋天台斜水 & 防水工程


村屋天台的另一個重點項目,就係防漏同埋斜水工程勒!呢o的o係外觀上睇唔到o既野,好多建築商都會偷雞,求求其其咁做、甚或乎借家依唔做!

   唔好以為天台鋪左磚唔緊要,查實係好重要架!因為地磚始終有罅,況且露天的磚仲好易裂添!咁o的水就會沿著縫隙流入石屎裏,時間耐左,就會令天花出現水漬、甩批盪、甚至滲水架啦!

 

好在工程界o既笨 B 爸爸,一早已經預計左呢o的問題,一一列出畀 J 先生 follow up ~ 無疑工夫係多左,但我地間屋仔就可以一勞永逸,永冇滲水問題啦!  笨 B 爸爸叻叻 ~ 抵讚  

 

圖一:判頭用左呢隻英泥寶做防水塗層

P.S. 呢隻唔係笨 B 爸爸 request o既,但判頭做完先話我地知搵唔到,自行改左呢種 ~ 佢地聲稱呢款效果一樣云云

笨 B 爸爸話好唔鍾意呢種工程界的「壞習慣」  不過呢件算小事,我地都唔計較了

 

至於「斜水」係乜東東呢?嗱,天台一個咁大o既露天平面,洗地、落雨時一定會有好多水o既 ~ 如果唔做好斜水工夫的話,o的水流唔去,就會積晒o係天台度;久而久之,就會出現以下問題 -

1. o的水會從磚罅滲入地面,積聚濕氣

2. 如果防水層做得唔好,仲有機會令三樓天花板出現滲漏添

3. 由於水的導熱系數比空氣高,就算你做了隔熱層,o的水 trap 左o係裏面,都會令隔熱效果減低

 

呢個要讚一讚判頭,因為佢地o的砌瓦仔工夫做得非常之好,個斜水做得好靚 ~

 

圖二:首先畀個全圖大家睇下 ~ 有冇留意從左至右,個地台係有好輕微o既斜度o既呢 ~

圖三至六:從左至右的大特寫

 

Video:笨 B 媽媽的親身解說,講到一塌糊塗,哈哈哈   片段比較長,可能要 load 耐一點

 

7 則留言:

  1. 笨B媽媽 笨B爸好厲害呀! 好少人會留意斜水問題架 好彩我老公都好重視呢個問題 堅持要裝修師傅做到好斜 不過我地個裝修師傅手工一般 老公唔多滿意架 不過做好咗都無計喇! 而且後來又因漏水問題要重舖 又影響咗啲斜度! 真係激死人 最衰就係漏水嘅問題唔會即時顯現 過後真係幾難追架!

    回覆刪除
  2. 我06夏天都補做番天台防漏, 因為之前真的天花出現水漬、騎樓甩批盪, 好煩架

    回覆刪除
  3. 真係唔講唔知,多晒!

    回覆刪除
  4. 【陳氏三色蛋群英會】正式成立!! 你得閒就過來見証下喇!!

    回覆刪除
  5. 哈哈 我又稷睇屋仔既成長

    回覆刪除
  6. 你親身解說 得唔錯呀~ 仲有呀,你把聲 好甜呀

    回覆刪除
  7. 小魚兒:J 先生和 K 先生都說呢個判頭係區內頭三位手工最好的師傅,我地睇過o的瓦仔o既收邊同收口位都做得好靚,所以都幾安心 ~ 係呀,做得唔好的話,過後就算畀你追番,都煩死啦! Our Sheena:我真係唔識呢o的野,好在笨 B 爸爸係工程界o乍 ~ Sa Wa:唔駛客氣!攞出來 share 下,等有需要o既朋友都可以知道嘛 ~ vanlily:叻叻呀!你整得好鬼靚呀!畀你入會喇! 小熊子:見到你真開心呢 ~ 近來有冇帶熊仔去旅行啊? Ka Ki 怪獸:過獎了,講到一咳一甩呢,唔悶親大家算係咁

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: