2007年1月3日 星期三

村屋天台隔熱問題


打從我話要建造屋仔的第一日開始,已經有不少朋友畀左好多有用貼士我

Thanks  令我同笨 B 爸爸變成村屋起樓專家咁滯 ~ 睇怕都可以向建築界發展

其中一個非常有用o既貼士,就係要注意天台隔熱問題,否則夏天時會熱到變蒸爐 !呢個問題點解決呢?

 

老實講,絕大部分o既現成村屋,都係冇做隔熱工程的 (因為有 extra costs,兼且會令本來低的村屋樓底再矮幾寸) 所以連 J 先生都唔係好清楚呢o的隔熱材料  ~ 好在佢都好好,肯幫我地 source ~ 本來 source 到一款非常好的材料 (圖一) 可惜生產商臨時改了規格 (圖二),攪到我地用唔到   實在太可惜啦!!!我同笨 B 爸爸用左幾個禮拜時間,都搵唔到 similar o既 material,唯有退而求次用左另一款啦 ..... 希望都有幫助啦!

 

圖一:呢款隔熱皮的材料是蜂巢式的石屎,最初畀我地睇的樣板是 40mm 高,所以 J 先生設計村屋結構時,只預鬆了少許高度來鋪砌呢個 extra 隔熱層

圖二:當我地實地去工場睇貨時,負責人話畀我地知,新規格變厚了!!!(因為佢地好 sophisticated,覺得 40mm 的隔熱效能未夠 perfect )

圖三:新規格有幾 perfect?睇下張熱傳導測試報告就知 ~ 個 methodology 我就唔明,但總之結果係 ... 當受熱o個面有 20 度時,另一面 (冷面) 只得 0.01 度!!!嘩 .....................................    好勁!

唉,有乜用丫 ... 變左 50mm,我用唔到呀陰功!

圖四:點解用唔到?因為按屋宇署規定,村屋總高度只可以係 27 尺,一分都唔可以多!  因為避免影響室內樓底太多,J 先生都預得好緊下 ~ 個隔熱磚無啦啦厚左 10mm,就令成件事不成事啦!

圖五:本來想搵下有冇其他廠商出產類似的隔熱磚,可惜搵左幾個星期都搵唔到  最後,唯有用番市面較常見的一款 --- 內嵌發泡膠料的隔熱磚

呢款o既效果應該比原本找到的差,因為空氣是最佳的隔熱物質之一,如果是蜂巢狀的石屎,可以 trap 住多o的空氣,隔熱效果理應最好。



 

後記:為左實驗一下呢款隔熱材料的效果,我地想以村屋三樓的夏天電費作比較 ~ 如果大家係住緊村屋三樓的話,可唔可以提供一下以下資料呢 ~ 謝謝!Thanks

請提供 ---

(1) 三樓的尺數

(2) 主要電器數量

(3) 夏天的平均電費

(4) 夏天的平均室內溫度 (如有的話)

17 則留言:

  1. 呢個我真係比唔到意見你喇, 因為陳生個家姐都係住2樓~~
    不過你個天台做厚d塊版(隔熱版), 咁我地來踩場都可以無咁快"lum"啊嘛!!!!!!

    回覆刪除
  2. 夏天我實開冷氣,其他咩都唔會理架喎,我間屋亦都無隔熱,總之係一定會熱,開啲窗好快就會涼番,我諗間屋通唔通風都有關係0既...

    回覆刪除
  3. vanlily:你同大少奶咁顛狂,我都真係有o的擔心 ~ 太郎媽媽:哇 ~ 你好醒呀 ~ 笨 B 爸爸都提過通風問題會影響室內溫度,我唔記得寫 ~ (所以佢叫我問大家電費,實情 somehow 都幾自相矛盾,啊呵呵呵 )

    回覆刪除
  4. 笨b媽媽 唔駛太擔心呀 我地初初都好擔心呢個問題 本以為要在天台安裝自動灑水系統來降溫 材料也買好了 點知搬入來後 夏天沒想像中的熱焗 晚上放工回家的感覺 與一後樓宇差別不大 所以套灑水系統最後都無用! 我地呢間屋係現成嘅 照計都唔會用靚料 所以我話你唔駛拾心啦! 我初初搬來是一個月電費約600(夏天) 嗰時仲未有電磁爐及焗爐 後來多了這兩樣後 夏天的電費則加了100左右 即是700 但我屋企係勁多電器︰45L電熱水爐(而且仲要較了時間制,一天煲水6小時) 電消毒碗櫃、冷氣機三部(常用只有兩部,廳用兩匹機) 洗衣機(每兩星期使用一次烘乾功能,保持機身內乾爽不生菌) 電視、音響、抽油煙機、抽氣扇、兩個雪櫃等 仲有老公嘅電鑽床等工具 基本上我而家全屋都靠電來維持 但電費的水平比以前只多了少少 而且老公話我個焗爐係勁用電架! 我記得夏天屋企平均都係27度左右 不過唔太準 因為沒有做過正式統計 只係間中望吓個溫度計嘅印象記憶 但一定唔太熱 不過天台屋就厲害喇 足足有37/38度呀! 所以天台屋裝了抽氣扇 每天早上7時工作至晚上7時 都幾用電架!

    回覆刪除
  5. 笨B媽媽 忘記了說 老公極怕熱 所以一回家一定第一時間開冷氣 個廳都有二百幾尺 竟然都好快涼晒 所以先決定唔駛裝灑水系統喳!

    回覆刪除
  6. 天台種d植物都可以隔熱喎~~~

    回覆刪除
  7. 笨b媽媽, 睇下都是冬天黎好啵! 二月我同三色蛋的仝人會一齊踩入元朗!

    回覆刪除
  8. 小魚兒:你竟然用咁少電?!o的電費仲少過我地市區喎 唔得,要上來坐坐先 惠而浦:咦哇,好耐冇見你了,好嗎? 係呀,天台種o的植物都可以減低熱度架 ~ 當然,做埋隔熱層就更 perfect 啦 我兩樣都會呢 ~ 珍妮仔:你二月入來幫我執屋哩 (預計二月底才收樓) ~ 感動感動

    回覆刪除
  9. 如果你要返工,唔係好似一般家庭主婦咁成個下午都留响屋企,仲要留响三樓,基本上問題唔大. 不過,如果要成日响屋企就好大鑊. 我初初住村屋三樓,日頭見熱就响個廳開冷氣,房唔開;晚上只開房既冷氣. 第一次收到電費單真係嚇親.一張單要交3000幾,我而家唔記得咗香港交電費係兩個月交一次定三個月交一次,不過就算計三個月交一次,都用咗1000幾. 我一收到張單,仲以為係電力公司計錯數,走去叫電力公司揾人嚟check下.點知佢哋話係正常,我再問下房東,佢話佢都係交咁上下.

    回覆刪除
  10. 笨b媽媽 無問題呀! 不過的明天回娘家 因媽媽個雪櫃壞了 要看看能否修好 星期日則上大陸 下個星期六你會入來嗎?

    回覆刪除
  11. Architects should deal with this problem during design stage. He or she should use insulations for the roof structure, so that it reduces the thickness of the floor slab so as the height of the building. Insulation only takes 25mm/50mm. However, I wonder if there is any manufacturer sell this project in HK. Anyway, this blog is so good for me to take an insight of the house construction in HK. Thanks for sharing your knowledge as well.

    回覆刪除
  12. To 笨B媽媽 我是個過路人,巧遇你的問題,我推巧我公司有隻產品可以幫到你,這隻產品叫"隔熱漆",其實它本身係非建築用途上的,他主要運往中東、印尼油係D輸油管、儲油庫隔熱防止高溫爆炸....但巧遇我地就咁帶左黎香港,然而好多客人回覆用黎油村屋、貨倉、別墅效果唔錯.....如你有興趣打黎我公司問吓,我姓劉的(sales dept)...nice meet u!!!!!

    回覆刪除
  13. 笨B媽媽,我正投入水深火熱的裝修之中.因為現在是秋天所以天臺隔熱的事務可以暫緩.但是請問您的40mm的磚是哪家買的?因為我在旺角的一家發現也有類似的,但薄很多...盼覆.

    回覆刪除
  14. 笨 B 媽媽 ,真是謝謝你啊.現在我的裝修應該於11月10號前搞掂.反而搬家讓我辛苦透頂.因為各家開價均超過3000大圓......

    回覆刪除
  15. 請問那種蜂巢式石屎磚...在那裏可以買到...叫乜名...價錢多少...呎寸多少呢...請回我e-mail...:lhenry28@yahoo.com.hk

    回覆刪除

  16. 我終於買了一個頂樓天台單位! 我想請教你圖中的物料在那裡可以找到?
    可以給我 J 先生 的 CONTACT 嗎? 十分感謝!

    回覆刪除
  17. 我都要起呀, 你有無多D資料可以比我參考, 唔該~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: