2007年1月27日 星期六

【如火如荼】小屋仔近況 20070127


【日期:2007 年 1 月 27 日】

好似好耐冇報導過小屋仔近況 (連 K 先生今日都問起) ~ 嘻嘻,因為我掛住寫遊記丫嘛

  其實我同笨 B 爸爸不知幾勤力,臨飛o個日都入左去巡地盤 (亞 B 就知哩,佢仲話我發癲 ),一返來第二日又入左去 ~ 不過前一兩個禮拜未鋪完磚,都係一片石屎地台,冇野好睇,費時 post 出來悶親大家嘛 ~  

 

今日入去,見到大部分o既地磚都已經鋪好晒啦!K 先生話睇下趕唔趕得切在新年前上埋門板和窗框 ~ 但 anyway,都係要預二月底先交到樓架啦!  慢慢來啦 ~ 唔急 ~ 慢工出細貨丫嘛!

 

鋪好地磚o既小屋仔,睇落「大」左好多呀   有左o的一塊塊o既磚o係地面,我卒之可以「visualize」間屋o既 size 啦

 

澄清:我地係買左兩層而已 ~ 點解兩個人要住咁大?請參閱我們的複式小村屋一文 ...

【上圖】大廳用了 2 尺 x 2 尺的米黃石大磚,未掃色粉 ~

【上圖】三樓掃緊色粉,所以我地要小心地行,費時踩污糟 ~ 咁,大家知唔知色粉係乜東東呢?

【上圖】色粉其實係一o的填縫劑,用來點綴磚塊之間o既縫隙 ~

【上圖】阿姐正在掃色粉 ~

【上圖】掃好色粉以後再洗乾淨地板,咁塊地板望上去就會好靚架啦!

【上圖】呢幅就係三樓o既主廁啦 ~ 掃左色粉,望落幾靚仔!

【上圖】呢個係二樓客廁,做緊個企缸 & 地台

【上圖】而外牆就埋緊尾,砌緊條裝飾用的麻石柱

【上圖】有感而發 ... 呢間,就係我地三間之中「最細」o既房間 ... 都有 104 平方尺 ... 實用面積!比起我個個禮拜在有線新知台睇「樓市傳真」o既新盤介紹,真係 ... 大 ... 大 ... 大好多囉     我諗大家睇完我個小屋仔 project 之後,可能會考慮搬入新界做村姑!

 

現場實況 video (因為拍拍下冇電,所以個結尾有少少突然 )
 

30 則留言:

  1. 我想話你知, 整完色粉都係無用架, 好快就會黑晒邊, 我屋企都係咁, 你要時時刻刻要用漂白水"省"下條邊架.....做多d 運動啦, 周師奶~

    回覆刪除
  2. 係呀, 我屋企d磚都變晒灰色啦, 所以下次我地舖地板囉~~~

    回覆刪除
  3. 初初出來做野成日見到d村屋好正都好想住下, 但知多左反而有太多隱憂 ... 不過你有 K 先生同你熟行既苯b爸爸應該好好多, 放心!

    回覆刪除
  4. 笨b 媽媽借少少位黎搭嗲>>>>>>Baby Sheena, 但如果比我再揀, 我都會鋪磚, 因為感覺間屋整潔好多, 同埋大d架. 自己辛苦少少囉. 鋪地板唔見得有咩特別好, 好多d 書虫架, 我屋企上手鋪完地板, 我依家鋪左地磚有時都有書虫走出黎. 仲有地板係唔可以成日濕水, 抹又死唔抹又死.

    回覆刪除
  5. 村屋勁正~ 不過睇落好“事正”

    回覆刪除
  6. Sheena 媽:我同意亞 B 講呀 ... 其實鋪木地板隱憂仲多呀 ... 我「瀨」過野啦!屋企木地板冇啦啦畀白蟻蛀左,攪到要駛萬幾蚊鏟起晒佢重鋪 (當然,係鋪磚) ... 家下有o的木地板 feel o既磚架,真係做得好似 ~ 無論係外觀同埋質感 ~ 可以考慮喎 ~ 靚 B:哼 ... !我 ... 一定會做架!你睇住黎 ... Ivany:冇錯,其實買賣村屋都有好多問題,外區人 (如我) 不理解,好容易踩陷阱,所以一定要搵個信得過o既 agent ~

    回覆刪除
  7. 笨B媽媽:果真慢工出細貨

    回覆刪除
  8. 真係好多有得住 我同男友都係到 煩將來結婚的樓

    回覆刪除
  9. Will bamboo floor help?! I have no clue about termites, but i heard many people use bamboo for floor, it's quite pretty!

    回覆刪除
  10. 笨b媽媽 原來你今日又入黎 我老公昨晚開通宵工 今早六時才回來瞓 所以lock咗電話,下午兩點半至起身開番個電話 唔知你有無搵過我呢? 我仲啱啱想同你講 見你間屋仔起得好有進展 點知你今中就報導喇! 你間最細嘅房 都大過我間主人房呀 我間房只有90呎喳! 想做大張啲嘅床都唔得呀!

    回覆刪除
  11. 笨B媽媽﹕見到你間屋仔真係恨死我啦﹗ 我真係好想去睇下呀﹗我諗到你入伙佈置好之後,一定好靚姐﹗

    回覆刪除
  12. 嘩﹐ 笨B媽媽同笨B爸爸的新居好正呀﹐住村屋真係空氣會好D﹐你地會唔會好似咪咪吉甘樣養番一條狗看門口呢?

    回覆刪除
  13. 大家都講磚和地板的問題,我ヌ講吓自己的想法先。 磚就好打理,不個地板冇咁硬,如果跌親就無咁傷。我自己就安全第一,所以選地板。

    回覆刪除
  14. 唔洗用漂白水『省』架...只需要用棉花浸濕漂白水,一條條鋪係d黑邊位度,一陣間攞起,就好乾淨架喇...我成日都係咁架! 呢個方法好慳水慳力哦

    回覆刪除
  15. 差唔多啦...差唔多啦...差唔多啦...

    回覆刪除



  16. 村屋中既豪宅呀


    回覆刪除
  17. 斯洛 與 S王子2007年1月28日 上午7:51

    b媽媽, 我真係好期待可以好快見到你地新屋入伙呢... b媽媽, 妳介唔介意話我知, 你地現在咁樣裝修兩層連天台, 裝修費大約要花多少錢呀? (唔計樓價) 因為我成日都唔明我爸爸間市區小屋, 花了40萬都不過是普普通通罷了... 見你地裝修好多野, 想知道一下個budget. Thanks

    回覆刪除
  18. 苯B媽媽 今日一口氣睇哂你個小屋仔,請問可唔可以比MR K的資料我呢? 元朗村屋都係我心水. 唔該你先.

    回覆刪除
  19. 笨B媽, 人哋住村屋住一層, 你就成楝住晒(仲要有3層喎), 好豪呀!

    回覆刪除
  20. 翔江一號:冇錯 ... 小熊子:買樓係要點緣份,我都睇左成年村屋先買到呢間啦 ~ 最重要係先儲錢就真! Alwen:竹地板 ... 我冇乜研究啊 ... 小魚兒:我地o個日怱怱忙忙,所以冇打畀你呢 其實我間主人房都係 110 尺左右,唔係真係大得咁緊要,兼且闊度不夠,所以擺 4 尺半床都差唔多架啦 ~ 小倫:其實我地佈置會好簡單,絕對唔係甚麼豪華裝修 ~ 不過畀左好多心機就真! 提子太太:暫時應該唔會養狗啦 ~ 養狗好大責任架 ~ loitaitai:咦,我又冇諗過呢一點喎 ~ 不過我唔係揀好滑的磚,所以應該冇咁容易跣親 ~ 飛魚子:我都用過呢個方法o黎清潔屋企企缸o的膠邊呀!好 good 架! Yan Yan:yeah yeah ~ 熱切期待中 GG:唔豪架,我地用的料其實好平 踏破鐵鞋呀 ~ 斯洛:查實 ... 你所見的不是「裝修」,而係建屋過程來架!之不過因為我地參與埋起屋過程,所以可以揀番自己喜歡的建材,唔駛話收左樓之後拆過再整之嘛 ~ 我對於裝修價格都冇乜 idea ... 不過 40 萬聽落都幾貴下喎! 會唔會係做左好多結構改動呀?整廚房同廁所又貴o的呢 ... 饅頭媽:我留左言畀你 ~ Madame Pi:我唔係住成棟咁豪呀 (我都想!) 我係買左複式,你睇番之前呢篇 我們的複式小村屋 就知點解我地會買左複式村屋架啦 ...

    回覆刪除
  21. 苯B媽媽 睇到啦,唔該哂你

    回覆刪除
  22. 笨b媽媽, 好羨慕你兩個可以霸一座3層高嘅"別墅"!! 記得到時入伙叫埋我去熱鬧吓喎~

    回覆刪除
  23. 噢 …… 好 你 o 地擁有兩個人嘅天地 ……….. 呀 … 唔係唔係 , 你呢間 dream house 咁大 , 相信有多幾個 笨 C 笨 D 笨 E 笨 F 笨 G …… 响處打跟斗都得啦

    回覆刪除
  24. 係新界咩區架... 我o係元朗區...唔知近唔近呢?

    回覆刪除
  25. 笨b媽媽, 好光猛呀間屋. 你入伙個日, 我一定要不請自來!!!

    回覆刪除
  26. 咪咪吉:你又攪錯左勒 ~ 係兩層呀 ~ GG:哈哈,兩個夠晒數啦 ~ 不過都要 settle down 先諗咯 ~ 阿懶:係元朗區呀 ~ 我地將會係街坊? minicorgie:熱切期待中 ~

    回覆刪除
  27. 哈哈...不過我去元朗都要搭多程小巴呢...嘻。 又多一個好街坊喇...元朗好多美食...嘻。

    回覆刪除
  28. hihi....你好呀,成日睇你個blog都係第一次留言比笨b媽媽你呀~~ 我覺得你個倒好似我哥哥住個倒,係唔係響青x圍新x苑家.... 你個倒有van可以出去市中心家~~~ 唔知你係唔係我阿哥....d鄰居呀,我哥3樓連天台,養左3隻狗~~~

    回覆刪除
  29. 冇來看一排,再睇~嘩~就來住得咁~真係替你開心~只係睇d磚就覺得好開心~好期待你放左傢俬後會有一種怎樣的感覺~~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: