2007年1月31日 星期三

【元朗】何明記粉麵餐廳o既雲吞麵

呢批相影左一段時間架啦 ... 幾時?咪就係上機o個日囉 (1月12日)

  咩日子來?上機去
泰國 honeymoon o個日呀!

靚 B 話我癲o既,臨上機都要千里迢迢走入元朗巡地盤  ~ 其實 ... 我係被逼架

... 癲o個個係笨 B 爸爸呀 ... 我非常極之想同周公足多兩 round 棋先醒架 ~

講返正題 ...  話說當日 after 巡視完地盤又 before 返屋企攞行李去機場之際,我醒起不如食個 brunch 先,反正都未食早餐,架機又下晝三點半先飛!因為唔想食太多野的關係,所以就去左何明記度食雲吞麵勒!

 

【笨 B 媽媽暴食記事】

何明記,係一間你冇可能估到佢o的雲吞麵咁好食o既舖頭 (個麵底同好到底有得揮

!) 如果唔係o的「未來元朗街坊」們介紹,我都唔知呢間類似茶餐廳o既物體o的麵咁好食 。仲要係有 6 粒大雲吞 + 麵上灑左蝦子 + 價錢平o的 good!我諗我地下次要食雲吞麵時,都可能會繼續幫襯呢間咯  ~

 

P.S. 唯一唔好的是茶餐廳格局,坐得唔舒服 (咁押韻o既

) 仲有o的侍應服務麻麻。

 

【基本資料】

店名:何明記粉麵餐廳

地址:

元朗阜材街44號光華中心地下2號舖



【上圖】個樣好吸引呀呵 ~ o的雲吞o係晒下面,我就係奇怪點解食極都仲有,原來有成六粒咁多!  好似係 $18 一碗o乍

【上圖】呢碗混合體係我攪出來的 ~ 因為笨 B 爸爸叫左水餃麵,我地梗係 share o的餸啦

【上圖】好粗但食落冇渣的芥蘭,讚 good ~ 烚得o岩o岩好,爽脆之餘又肥美鮮甜,唔知係咪新界菜呢?

【上圖】呢杯奶茶 ... 個杯好有 feel 啊 !我對奶茶冇研究,淨係睇到個造型,以為呢杯野一定好好味。但鍾意飲奶茶o既笨 B 爸爸就話只係一般o者!

【上圖】同「好到底」一樣,何明記都有乾麵餅賣 ~ 價錢好似同「好到底」差唔多 (咦,咁咪坐低食抵o的?)  

 

2007年1月30日 星期二

沒落中的天星碼頭

雖然我 office desk 背後就係一個全海景,不過我都唔係經常望 (所以話,o的人買樓加幾廿萬買個海景,其實係咪好唔抵呢) 上星期六突如其來想望下海,就發現

 

   咦哇!乜天星碼頭變左咁
o既樣!畀人拆到甩頭甩骨咁  

   咦哇!乜海面多左咁多架船,同埋
o的好似魚排咁o既野

   咦哇!乜個填海區又好似大左

 









 

2007年1月29日 星期一

【新屋採購日誌】米格熱能

每次聽天氣報導時,講完市區溫度,總會搭多句「新界地區會再低兩三度」

  ~ 對於一個本來已經怕凍o既人 (我),淨係聽到呢句,已經打多兩個冷震 ...

所以,電暖爐將會係我地新屋不可或缺o既電器 ~ 我纏左笨 B 爸爸好耐叫佢買二合一冷暖氣機  佢都唔肯,因為對於佢呢個仿如內置發熱機o既人o黎講,佢唔會明白點解新馬仔要唱「冷 ~ 得  ~ 我 ~ 騰 ~ 騰 ~ 震 ~ 」o既 ... 佢話多隻香爐多隻鬼,二合一冷暖氣機一定係易壞o的o既喎!    仲有,佢話如果要 heat up 成間屋,要好多 energy,o徙電喎!

但由於我大力表達不滿,兼且經常o係佢面前表演凍死 look ,佢卒之肯考慮買番幾部暖爐放o係屋企唔同o既位 ~  嘻嘻!成功-ed!

 

以下就係我地買o黎試下o既米格熱能,如果好用o既話,就會再買多兩部 (因為我需要一部放浴室、一部放廳 & 一部放o係睡房) ~

 

【參考資料】

牌子:Bionaire

火力:1500 瓦 (另有 1000 和 2000 瓦可供選擇)

優點:快速加熱、恆溫裝置、唔會令空氣乾燥、可以放浴室、低溫網面防止灼傷、有時間制、非常輕身

價錢:$1100 (千色店)

 

【笨 B 媽媽試用後感】

   佢真係開機 3 分鐘即刻有熱力出,但肯定唔似暖風機咁快感覺到暖 ~ 因為暖風機係「吹」o的暖風出來,而呢部係靠發熱板發熱,慢慢將周圍o既氣溫提升 ~  

   亦因為咁o既原因,我覺得冇咁乾燥喎 ~ good

   好鍾意佢有個恆溫制,最高可以較 27 度,升到指定溫度後就會停機,唔怕過熱及o徙電

   真係好輕,我地o個日買完部機後順手買米,呢部野仲輕過包米 (咕喱笨 B 爸爸話o既)

   佢個扁身設計好o岩浴室用,可以 mount 在牆上,好慳位

   係大部左o的 (因為佢係扁身設計),如果係市區樓,或者覺得比較阻定 (好似我地而家試緊機咁,擺o係個細小o既客廳度,覺得佢好大舊)

   整體感覺唔錯,我諗我都會買多兩部架啦 ~


 

 

薑汁撞奶 の 「流流地」試驗篇

 

我同笨 B 爸爸都好鍾意食「義順牛奶公司」o既薑汁撞奶,而每逢我地鍾意食o既野,我都想試下o係屋企「東施效顰」一下 ~ 不過,由於我通常都會出盡法寶,搵一個睇落最簡單快捷o既食譜來整  ~ 因為,我不嬲o既宗旨都係:二人煮飯仔,簡簡單單求求其其清清淡淡咪好囉 ~ 複雜o既話,不如出街食啦,咁先至可以促進經濟繁榮丫嘛 ~ 大家話係咪 ...

 -->  好一個貪精學懶o既藉口!嘻嘻!

 

我見坊間流傳o既薑汁撞奶食譜材料雖然簡單,但過程好似好複雜咁 ... 睇完都唔敢試  但幾個月前睇到

大少奶整,佢講到超級簡單兼隨意,攪到我心思思!難得買到老薑 (好似好少見有老薑賣),就即管試下啦!

 

第一次試驗結果:流 ... 流 ... 地 ...

 

因為大少奶講到咁隨意,咁我就學佢好隨意咁整啦 ~ 我相信係撞奶o既手勢未拿掐得好,所以撞出來o既薑汁撞奶,幾乎只留得「薑奶」下場 ... 幾驚呀   好在,我放多 15 分鐘之後,都總算變左乳酪質地 ...

 

今日再問左大少奶秘訣,等我今晚再試下先!成功左再報告呀下 ~

【上圖】大家唔好畀隻匙羹呃左 ... 其實碗薑汁撞奶凝結得唔係幾好架!頂多係似 yoghurt,未係義順o個o的質地 ~

【上圖】看圖識薑 ~ 上面o個碌大o既係老薑,o的皮厚o的、深色o的 & 紋理較窄。下面o個兩舊細o既係生薑,明顯上 ... 比較後生呀呵

【上圖】我用磨茸器磨完之後,就搵呢個濾網壓o的薑汁出來用 ~ 呀,唔知薑汁同凝結效果有冇關係呢?

 

笨 B 媽媽版 --- 好「流」o既製作過程 

睇番條片,撞奶個過程實在太「流」,都唔係「撞奶」o既!  今晚要試下將個煲揸高o的先!
 

Linkwithin

你可能對以下文章有興趣: