2006年12月26日 星期二

行到腳軟 - 深圳百安居 mega store

之前都有聽過唔少朋友上去深圳買傢俬,但從來都唔知o係邊度,又因為我個人偏見,覺得大陸o的野唔好,所以一直都唔肯北上睇傢俬 ~

 

笨 B 爸爸拿我沒法,唯有「以身探路」,親自北上發掘傢俬店,覺得睇得過先帶我過去 ~   果然,畀佢問來問去之下,問到深圳寶安區原來有傢俬店 ... oh no ... 係傢俬「城」的集中地! 

 

每一間 mega store 都有幾萬尺,貨品由最 raw 的建築材料到大型傢俬、廚具潔具、各式電器到裝飾擺設都一應俱全,我第一次入去,個表情只得一個 --->  ...   ...  ...

 

由於大部分建材已在香港選好,所以我地集中係睇後期o既 fitting,例如潔具、傢俬、燈飾等。價錢真係冇得揮,加埋運費都平過香港一大截 ~ 今次就帶大家睇下其中一間最大間o既

百安居啦!   (今次只係集中偷影左我地最感興趣的戶外傢俬部分 ,如果大家想睇多o的,可以去佢地網頁參觀)

【上圖】我地天台唔打算整玻璃屋,諗住買個咁o既帳篷玩下 ~ 都幾大個架!(3米闊 x 3米長 x 2米高) 只係 $1,398! 

【上圖】設計好骨子,四隻角有鍛鐵框架好實淨,四邊仲有埋蚊網添!

【上圖】最 good o既地方係頭頂把大遮有透氣洞,比較通爽,o係裏面 BB 蕉都冇問題!

【上圖】我地打算買張木檯 & 幾張木椅放o係帳篷裏面,既可以休憩又可以 BB 蕉  ~ 呢款木檯 $1,199,木椅大約 $500 一張,實木架,好靚

【上圖】呢款原木製成的檯椅好有原始風味 $1,998  如果有花園,放番張都幾好 ~

【上圖】笨 B 爸爸好鍾意o的搖椅,佢話第時可以同我一邊搖一邊曬月光喎

【上圖】我冇狗仔,不過覺得呢間狗屋好得意 (後面仲做埋百頁窗通風,好骨子)


【上圖】百安居有超多款式的浴室潔具,o的款式都好靚,不過我冇影到   呢個洗手盆連櫃仔個樣都好 modern,好似千零蚊而已 ~ 平過香港一半




 

10 則留言:

  1. 笨b媽媽 我屋企所有浴室用品都喺百安居買架! 包括浴缸及企缸 又平又靚 天台嘅鞦韆及躺椅也是 不過如果你買木制花園傢俬就要小心 因為唔係所有木嘅都適合戶外 要用藥水浸過嘅先得 你影出黎嘅我地都睇過 老公話唔適合日曬雨淋架!

    回覆刪除
  2. 我昨日也聽到我的師姐說廣州都有好多, 師姐買了三盞廳吊燈+壁燈, 連安裝$3000左右.

    回覆刪除
  3. 不過夏天打風落兩收唔收得埋架?小心啲喎。 講開深圳既傢俬又真係好抵,好多香港傢俬鋪都係上去做傢俬既,我鋪頭的框都係香港畫圖,跟住上去做的,用料好,價錢平,不過就真係要自己行,唔懶得咁囉。 話時話,笨B爸爸好似慣左俾你影囉喎,hehe...笨B媽媽,你果然將笨B爸爸調教得非常乖巧喎﹗

    回覆刪除
  4. 我以前都晌d香港雜誌見過呢個地方嘅介紹,我都想去行吓見識吓呢! (小樹熊)

    回覆刪除
  5. 地址响邊呀?Chris
    我成日返大陸可以去八下

    回覆刪除
  6. 笨B媽媽, 可否告知 <百安居>的詳細地址, 因為對那間帳篷很有興趣! 另, 祝你111 結婚的大日子事事順利, 及與笨B爸爸白頭到老 !!

    回覆刪除
  7. 各位:我冇攞百安居咭片添 ... 我地每次去時,都係在羅湖關口打的 (仲要次次都去左香格里拉暴食左先 ) 同司機講去「寶安區百安居」就得架啦,百安居好出名,佢地知道的。下次再去時才拿咭片 scan 畀你地睇啦 ~

    回覆刪除
  8. 你好! 請問你用左年紀兩年, 用後感....覺得買得過嗎? 你現在有沒有地址可以給我呢? 或是跟你所講一様 "寶安區, 百安居" 呢?
    我想上去買燈熄, 小型傢俬等等.
    謝謝你給意見及回覆!

    回覆刪除
  9. 笨b媽媽, 報料! 有人轉載你個post啊 ~
    http://www.discuss.com.hk/viewthread.php?tid=9713286&extra=page%3D2

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: