飲茶 @ 深圳香格里拉

我同笨 B 爸爸其實好少去深圳玩，主要因為我對深圳有偏見，覺得人又多、環境又雜、治安又唔好 ~

  但原來深圳今時今日已經變左好多，乾淨企理之餘仲有好多正野！   如果唔係笨 B 爸爸上去探晒路，又夾硬拉我上去睇傢俬*，我都未必知道呢個城市，同以前已經「彷如隔世」咯

*原來寶安區o個邊勁多家居店 mega stores，有非常之多正野 (遲下慢慢介紹)，行到我地行唔郁！

 

食野方面，我地都未得閒去發掘o的地道美食，為左衞生起見，我地通常會去火車站口香格里拉酒店二樓的「香宮」飲茶 --- 唔好以為五星級酒店高不可高攀，原來佢地有「套餐」價

，即是任點任吃，每人只需 RMB 78，加埋茶錢同埋 15% 服務費，每人平均 RMB 100，只是香港普通茶樓的價錢，但環境一流、點心一流、服務一流、又唔駛同人逼，非常值得介紹啊！ 

P.S.  好詭異地，佢地而家係冇張貼任何宣傳告示話有套餐的，你要「知定」地問服務員架！另，你可以唔叫套餐的，散叫點心大約 RMB 26-30 一碟

 

【上圖】嗱，環境一流呀 ~ 仲有非常多服務員，態度殷勤細心 ~ 讚

【上圖】出街食飯時經常嫌三嫌四的陳師傅一邊吃一邊點頭讚好，話好少o係深圳食到咁好味的點心云云 ... 梗係啦，話晒都係五星級酒店丫   嘻嘻，我在香港太少帶佢出街食「好野」啦  

【上圖】免費贈送的餐前小吃 ~ 哎o也，乜送樣我唔食o既牛展啊！畀笨 B 爸爸一個人食晒

【上圖】海皇生滾粥，絕不欺場

【上圖】好綿好香的鮑魚雞粥

【上圖】呢個蘿蔔絲酥真係激讚！做得香酥鬆脆，一啖即化，但又保留到蘿蔔的鮮甜汁液 ~ o係香港的上海菜館 & 茶樓食過唔少，冇一個做得比佢好

【上圖】連咀刁的陳師傅都讚好的灌湯餃，每人一盅，係必叫之選  

【上圖】陳師傅竟然好似細路仔咁，鍾意食o的得意又香口o既野   呢個蔗蝦，叫左兩 round 呢

【上圖】超級無敵大隻蝦的鮮蝦腸粉，好滑好好味！

【上圖】連普通野：鮮蝦燒賣都特別好食 ~ 好大粒呀！

【上圖】蜜汁叉燒酥，好香好酥的！

【上圖】涼瓜墨魚球，裏面加左少少馬蹄，幾有咬口

【上圖】蒸排骨沒啥特別，在香港都食得多啦 ~ 不過佢呢個都蒸得幾香 ~

【上圖】又上至下的甜品三款：竹笙銀杏燉春蛋、海帶綠豆沙 & 香蜜木瓜露 (P.S. 大家見到 round 2 的蔗蝦嗎 ~ 陳師傅一個人殺晒！ )  

【上圖】唯一我覺得做得不夠香港好的是南翔小籠飽，因為佢用錫紙兜來蒸，o的皮厚左o的，兼且黐住晒個兜啦 ~