2006年11月29日 星期三

麻辣太狼 の 超簡易低熱量蒜蓉辣椒醬 (附食譜)

自從 honey 大少奶 御賜左「麻辣太狼」呢個寶座畀我後,我成日都想成立一個「麻辣太狼會」,召集一下各位辣兄辣妹,分享一下吃香喝辣o既樂趣!  各位鍾意食辣o既朋友,唔該蒲頭啦!

 

之前曾經提過,笨 B 媽媽食得咁辣,都係有賴陳師傅長年累月o既「特訓」而成的!陳師傅其實吃不得太辣 (因為有胃痛) 但他不買超市辣醬的原因是,因為佢嫌o個o的辣醬沒啥香味!(當然啦,市面賣的辣椒醬,要迎合大部分人的口味,當然不會落太多蒜蓉、或做得太辣啦!)  

 

如是者,陳師傅習慣自己在家中做辣椒醬吃 ~ 他吃得少,但卻令女兒 (即是少年笨 B 媽媽 ) 愛上吃辣 ~ 我比他更慘,因為我嫌街上買的辣椒醬不夠香之餘、也不夠辣! 本來雲吞麵舖的辣油都好好味,但用了油浸,一來超級肥 (大家要明白,我實在落好多 ) 二來o的油好易變「膉」味,o徙料!

 

我最近問了陳師傅,他的辣椒醬怎樣做的,為甚麼可以美味得令我有時拿著小匙舀來淨吃 (估唔到哩...) !  佢講左大約o既做法,但份量不詳 (因為佢都係隨手落調味)  咁我唯有自己試下喇 ~

 

尋晚打邊爐,在惠康買了一包泰式指天椒 ($2.50) 整辣椒豉油,只用了兩條,仲淨廿幾條,等我今晚就試整一下喇 ~  cooking

 

 

【上圖】在惠康買的泰式指天辣 $2.50。平時陳師傅會o係街市買 $2,淨係買紅色 ~

【上圖】自製蒜蓉辣椒醬的主要材料 --- 顧名思義啦!

【上圖】完成品 ~ 嘩,睇見都想食呀!
    

【上圖】其實我第一次試整架o乍 ~ 之前未識自己整前,會在超市買呢隻寧記辣椒大王 $27.90,佢唔係辣椒醬,而係油浸指天椒,我攞佢o黎調味用 ~ 都 ok o既,不過好似好貴!(大家睇下後面o個碗野,我用左 $3 就整到啦!)

 

麻辣太狼 --- 笨 B 媽媽的蒜蓉辣椒醬

【材料】

指天椒    20-30 條

蒜頭        半個

鹽            半茶匙

糖            1 茶匙

蕃茄醬    1 湯匙 (多以落多o的)

生粉         1 茶匙

清水         適量 (約半碗)

 

【做法】

1. 將指天椒切碎、蒜頭切蓉備用

2. 在小鍋內放入指天椒碎及水,細火煮滾 (我用左公仔麵煲,打側揸住,否則材料太少,鋪底都唔夠 )

3. 煲滾後,加入蒜蓉拌勻

4. 再煲滾後,加入鹽、糖及蕃茄醬調味

5. 用少許水開生粉水,拌入辣椒醬中,熄火

6. 放涼後,用密氣的玻璃樽盛起,放在雪櫃內,可以放幾星期 ~   


2006年11月26日 星期日

鯉魚門海鮮宴 (下集) 暴食篇



等我回味下今晚o既好味菜式喇 ~!以下係八個大人的份量,清得一乾二淨 ~ 壽星 BB 女呢?享用左少少東星斑啦 ~

  嘻嘻 ~ 等佢大個o的,我地再帶佢返去擦番餐勁o既!(其實係自己想再食 )

冷盤

1. 生蝦刺身 (8 隻)

2. 墨魚刺身 (1 尾約一斤多o的)

熱盤

3. 蒜蓉辣椒爆瀨尿蝦 + 豉油王瀨尿蝦頭 (3 隻)

4. 清蒸瀨尿蝦 (4 隻)

5. 蒜蓉粉絲蒸扇貝 (8 隻)

6. 蠔油扣鮮鮑 (8 隻) + 煎米粉

7. 辣酒煮花螺

8. 清蒸東星班

9. 薑汁炒芥蘭

甜品

鮮果拼盤

 

【上圖】非常新鮮的生蝦刺身,o的 wasabi 好勁呀!正正正

【上圖】第一次在「非日本料理店」食墨魚刺身 ~ 好鮮甜!

【上圖】蒜蓉辣椒爆瀨尿蝦 + 豉油王瀨尿蝦頭,令我地食過番尋味,即刻 order 多碟清蒸o既!

【上圖】要預先一日預訂的蠔油扣鮮鮑 (因要炆足整日!) o的鮑魚都幾有份量,要用刀叉來享用的!點多一碟煎米粉來點o的蠔汁,冇得頂呀!good

【上圖】好辣的辣酒煮花螺,係我o既至愛之一!

【上圖】清蒸東星斑,蒸得剛剛好!!!good

【上圖】原來薑汁炒芥蘭好好味,我平時淨係識得用蒜蓉炒架o乍 ~  

【上圖】店家送的生果拼盤,好新鮮架!

【上圖】今晚就係食呢間勒,o係正

海鵬海鮮隔離架o乍!

 

各位:為左補償自己o既罪過,我不理笨 B 爸爸o既極力反對,決定明天開始進行為期 12 日o既西柚減肥餐 ~ 大家就「放長雙眼」睇下我忍得幾耐 ~ 啊呵呵呵呵










鯉魚門海鮮宴 (上集) - 揀海鮮篇


今晚小 Blue 的爸媽請食飯,慶祝大伯婆的小姪女一周歲生日 (原來正日是11月21日

),大家去左鯉魚門食左餐好豐富好好味o既海鮮 ~ 諗起都回味無窮,等我報導下現場實況喇 ~!首先當然係揀海鮮 ~ 呢檔係小 Blue 爸相熟的,o的海鮮好新鮮好正!

 

最後揀左o的乜?

暴食篇 自有分曉  ~




 









店名:海鵬海鮮公司

地址:鯉魚門海傍邊西 59 號 B

電話:2775-1050


 

Linkwithin

你可能對以下文章有興趣: