2006年10月31日 星期二

鹹豬骨粥 by 笨 B 爸爸

本來之前

婦人感冒時瘦左半圈,仲沾沾自喜左一輪;但飲左中藥好快好番,胃口即刻返番晒o黎,加上暴食左一個 long weekend ,條褲即刻緊番晒!慘慘

 

笨 B 爸爸見我愁眉不展,於是好醒水咁煲左粥做晚餐 ~ 為免口淡淡,佢今次煲o既係鹹豬骨粥 --- 買一斤豬骨,用鹽醃足成晚,第二日先攞o黎煲粥。呢款粥係要「熬」的,所以係兩個鐘o既廣東粥款!食落o的白粥帶有淡淡的肉香,而豬骨依然滑嫩鮮美,yummy!


 

後記:圖右上角o個碗係陳師傅自己曬的私房蘿蔔乾!我上個 weekend o係陳師傅屋企又食又拎架!

2006年10月30日 星期一

【潤肺益氣】甜蜜南瓜盅 (附食譜)


攪乜鬼南瓜習 Part 1 o既謎底揭開啦 --- 竟然仲係一個「簡易養生食療」,係咪喜出望外呢 ~

食譜係參考幾廿年前買落o既一本讀者養生食療食譜,裏面十款菜有九款係複雜到暈o既,但竟然畀我搵到一款係又易整、又好味、又o岩笨 B 爸爸食的!雖則笨 B 爸爸冇哮喘,但係秋冬轉天氣時容易咳,我諗呢個補中益氣o既甜蜜南瓜盅都好o岩佢!

其實,南瓜本來就係一種好有益o既瓜菜,佢o既養生保健食療效能,o係本草綱目中早就有記載,指南瓜有「補中脾胃益氣之效」,且有消除眼睛疲勞和預防乾眼症、感冒肺炎、呼吸系統疾病的效能。秋天天氣乾燥,容易體虛血氣不足,呢個時候食多o的含有豐富維生素A、維生素E o既食品,對改善秋燥症狀大有裨益,更可以增強身體免疫力。不可不提係南瓜含有豐富o β胡蘿蔔素,係一種好重要o既抗氧化物來架!

另外,南瓜含豐富果膠,能將膽固醇黏在一起排出體外,因而有助於治療脂肪肝。果膠進入膠道後亦可以抑制醣份的吸收,所以適合糖尿病人食用。(所以有食療方介紹糖尿病人早、晚各吃 250南瓜,有穩定血糖的作用。當然係講緊就咁蒸熟o黎食,而唔係食我呢個「甜蜜南瓜盅」喇!)

【上圖】將o的南瓜肉刮晒落o黎,味道就好似蕃薯糖水咁 ~ 好好味呀!

【上圖】成個萬聖節最「驚嚇」o既地方 --- 我竟然落得唔夠多水,燒燶左個新煲呀!
 

(好彩係不銹鋼,可以省番靚佢!)

【上圖】呢本食譜,係我中學時代買的!十x年後o既今日,我終於用得著佢啦!

 

【補中益氣 --- 甜蜜南瓜盅】

書中介紹,哮喘病人可作食療之用,連續食 5-7 日,有效舒緩症狀 ~

我稍為修改了少少,原本o個個太甜啦 ... 呢個份量,足夠兩人橕檯腳 sweet sweet 咁一人一羹!

材料:


南瓜 ( 500 or 13 ) 1

冰糖 (舂碎)                              2 湯匙

蜜糖 (我用冬蜜)                     3 湯匙

(原本食譜冇)                      半飯碗

做法:

1. 將南瓜切開蓋,用小刀及鐵匙挖去瓜囊及瓜籽

2. 加入冰糖、蜜糖及水

3. 將瓜蓋放上,用牙簽固定位置

4. 放在大碗上或蒸籠,用中火蒸約 1 小時,攪掂!

 

同場加映 --- 從鬼佬網站找來的南瓜營養資訊


Pumpkin Nutrition Facts (1 cup cooked, boiled, drained, without salt)

南瓜的營養價值 (以一杯計,用水煮熟瀝乾、不加鹽)

 

Calories 49 (49 卡路里)

Protein 2 grams (蛋白質 2 )

Carbohydrate 12 grams (碳水化合物 12 )

Dietary Fiber 3 grams (食物纖維 3 )

Calcium 37 mg (鈣質 37 毫克)

Iron 1.4 mg (鐵質 1.4 毫克)

Magnesium 22 mg (鎂元素 22 毫克)

Potassium 564 mg (鉀元素 564 毫克)

Zinc 1 mg (鋅元素 1 毫克)

Selenium 0.50 mg (硒元素 0.5 毫克)

Vitamin C 12 mg (維他命 C 12 毫克)

Niacin 1 mg (菸醶酸 1 毫克)

Folate 21 mcg(葉酸 21 mcg – 百萬分之 21 )

Vitamin A 2650 IU (維他命 A- 2650國際單位)

Vitamin E 3 mg (維他命 E – 3 毫克)

 

 

 

Happy Halloween - 攪乜鬼南瓜習作 (Part 1)

個南瓜買左成個禮拜架啦!點都要o係萬聖節前整左佢先得!

 

到底我攪乜鬼呢?o聽晚萬聖節正日,自有分曉!唔好畀我嚇親就得勒!--> 因為呢單「攪乜鬼萬聖節習作」,真係有「意外」發生!嚇死我!差o的又畀人打!

【上圖】裏面收埋左o的乜野呢?


【上圖】我上星期o係

Buffalo 家品倉買返來的新煲開張大吉呀!


【上圖】製作花絮

萬聖節驚嚇晚餐 - 暴食 Pizza Hut

好耐好耐 (> 10 年!) 冇入過 Pizza Hut 食野,因為成日覺得 Pizza Hut 係細路仔野 --- 想當年仲有得砌沙律時,我都好鍾意同o的朋友仔去架!印象中最後去o個次,我用左 20 分鐘砌左盤沙律,好小心咁捧返埋位之後,竟然有外個遊客 x 2 過o黎問我可唔可以同佢地影相張!勁爆!

 

Those are good old days --- 而家o既 Pizza Hut 冇得砌沙律咯!可能就係太多我呢o的攪攪震o既人,攪到一地都係,仲淨係叫個沙律都飽晒,唔得掂!哈哈哈 ...

 

十年後「重遇」,明知冇得砌沙律,但見到佢攞左傑出市場策劃奬,轉型之後生意以倍數增長,咁勁,點都要入來朝一朝聖o既!

不過,今云一次過食晒一個月 quota (calories),輪到我攪唔掂勒!

【上圖】最欣賞而家 Pizza Hut o的座位好舒服,o岩晒成班朋友聚會傾偈!(P.S. 唔知點解我見到好多好多服務員,應該有成十幾個!o係而家緊絀人手o既餐飲服務業,相當少見!)


【上圖】我同笨 B 爸爸太耐太耐冇入過 Pizza Hut 勒!恕我地有少少大鄉里出城,我地見到o的 menu,睇到 we wa 鬼叫,簡直開心到想偷一套返屋企呀!靚到呢 ...



【上圖】好想試下左圖o個個「自創雪糕新地」,有晒o的 toppings 畀你慢慢玩!不過得我地兩個人,食唔到唔多野! 


【上圖】其實我地對住本 menu "we wa 鬼震" 完一輪之後,都係叫左最普通o既食品 --- Pizza!哈哈!入 Pizza Hut 唔食 Pizza 會畀人打架嘛 !不過失策,叫左個芝心批,兩個人一人三件,飽到 ... 想反芻 ...   右上角係意式肉丸 & 挪威三文魚意粉銀包,都好好味架!

---> 嗱,都話一餐食左一個月 quota 架喇 ...

  呢度都係o岩成班人一齊食好o的!


【上圖】事後仲途經 Godiva ... 嘩,o的士多啤朵朱古力靚到呢 ~ 飽到上心口,好輕易忍到手!

 

後記:查實 Pizza Hut 呢期有好多 Halloween 驚嚇菜式,應該幾好食!係我地太耐冇食 Pizza,所以叫左後者 ~ 當然,一叫左 Pizza,就冇可能叫到其他野 .....   ... 標題用左「驚嚇」,係我事後上磅畀個磅嚇親o者!

2006年10月29日 星期日

硬崛崛版雙色木瓜奶凍

呢個係幾日前整的,純粹係為左消滅

南瓜忌廉湯 剩低o個大半盒甜忌廉的 (為左裝飾o個碗南瓜湯,我買左成盒甜忌廉!因為諗住之後可以整甜品用埋佢!)

點知,人算不如天算 ~ 我高估左自己「創作甜品食譜」o既能力勒!

 

呢個雙色木瓜奶凍,用左 250ml 鮮奶、~ 250ml cream、 木瓜 & 白糖,但我冇食譜,諗住玩天才波試下落 1 tbsp 魚膠粉 & 10 g大菜,仲慌死佢唔夠多凝結唔到 ~ 點知,成事之後發覺佢硬得滯呀!

 

所以,大家睇下算勒 ~ 如果想整,請發揮一下自己o既配料天份,睇下呢個份量o既液體材料,應該落幾多魚膠粉 & 大菜至o岩 ... 唔該試完話埋我知丫!

 

後記:呢舊失敗o既物體,除左硬左o的之外,查實都唔係 ... 難食 ... 得咁緊要o既 ... 所以,我都係逼左笨 B 爸爸食左佢呀!哇哈哈哈哈

清腸胃兼留肚版「午餐」 - 大大碗綠豆沙!

呢期好熱氣,生左粒飛滋,尋晚又去左飲人地喜酒,暴食左好多野

 ~ 今朝就要求笨 B 爸爸煲個綠豆沙畀我做 lunch,清下腸胃兼解下毒!

係,今日個 lunch 就係咁架啦 ... 至多一陣叮多個肉包食 - 今晚返陳師傅度食飯,要留肚呀

 

綠豆沙唔駛我教啦卦?嘻嘻!

Linkwithin

你可能對以下文章有興趣: