2006年9月12日 星期二

【元朗】浪漫滿屋 Part 1

【好味街飯推介:元朗浪漫滿屋】

地址:元朗青山公路 390 號潭尾段 (近錦繡花園)

電話:2471-8801

網址:www.parties.hk

其實成年前已經聽過浪漫滿屋呢個名,不過一直以為佢淨係一個畀人攪婚禮o既地方 ~ 上次好無聊咁貢左入去婚紗展 , 雖然我對裏面 sell 緊o既各樣浪漫野 (包括浪漫婚宴、浪漫攝影...) 都冇乜興趣,但係唔知點解就係坐低左o係浪漫滿屋個 booth 度同個 event planner 吹水勒!跟住就發現原來佢平日都係一間餐廳o黎o既 ~ o的野仲幾好食添架!

side talk:

我同笨 B 爸爸o個時都差唔多諗定今年要拉埋天窗,由於我地好唔喜歡一切公式化o既野,包括著婚紗、擺酒甚至戴戒指 (唔 ... 可能因為我未見到鍾意o既款式 ... 硬係覺得對對都一樣o既?!

 ) 不過都想攪個 party 仔同o的朋友子玩下聚下 ... 所以呢期我都留意緊有o的乜野好 idea (朋友仔,如果你地有好 idea,不妨去
Think Tank 度發表發表 ~ )

【上圖】其實我係想講 ... 隻碟好靚!  Cesaer Salad $45  o的醬汁都幾好味 ~

【上圖】呢個 pizza 個名叫 "浪漫滿屋薄餅",咁即是 "house pizza" 喇 ... 材料有三文魚、anchovy (鬼佬鹹魚仔,用o黎整沙律o個o的呢)、蘑菇等,相當美味  $98

【上圖】農夫天使麵 $78 (好似係) ... 其實人地個樣本來係好靚架,但因為我攪唔掂部相機,頭十幾張相都影到 out 晒 focus 矇查查,笨 B 爸爸忍唔住搵支叉摷亂左o的麵諗住開始食!

【上圖】據說呢個係大廚o既得獎菜式,叫三文魚立魚卷 $148 ... 顧名思義,係用一塊 "魚立" 魚卷住三文魚!   我地覺得隔離o個團黑色o既物體好好食!應該係野米飯 ~

【上圖】一睇就知道為食o既笨 B 爸爸,o係我努力咁制服緊部相機時,已經大口大口咁o趙緊o的沙律!

11 則留言:

  1. d 野食都幾吸引, 好似好高水準喎, 不妨考慮下, 請問有無價錢呀?

    回覆刪除
  2. 笨 B 爸爸~~~冇樣睇嘅???

    回覆刪除
  3. 哇 ~~ 碟碟都那麼的吸引人 在這裡搞婚禮 party 真的不錯呢 氣氛看起來都很浪漫 食物也很不錯呢

    回覆刪除
  4. 老 B:影相 package 可參考佢個 wedding website: www.pch.hk ,至於婚宴,價錢同市區酒店都相差冇幾 (不過都幾多野揀,可以攪 cocktail, lunch buffet, dinner buffet, chinese banquet ...) Jubie:笨 B 爸爸「寒」住我條頸叫我講係呢個原因 --> 因為佢太靚仔,一向都迷倒萬千少女,覺得不勝其煩,費時再o係度招招搖搖喇 ... 哈 ... 哈哈 ... 哈哈哈 ... 哈哈哈哈哈 ... (大家可唔可以想像到,我平時係幾咁難受 ~ 哈哈哈) 影子:係呀,其實地方同食物都唔錯,但係真係好遠呢 (雖然離我的新居只係 10 分鐘,但我的親戚朋友多數係香港/ 九龍人呢)

    回覆刪除
  5. 笨B爸 key 錯頭喇,快啲換番個牛面至襯嘛

    回覆刪除
  6. 笨 B 媽媽 ~~ 話你知啦 雖然你將 笨B爸爸的臉蒙化了 不過 我其實真的也從他整個打扮看起來 ( 還有他的臉的輪廓 ) 覺得他應該幾靓仔 ga

    回覆刪除
  7. v 姨: 係咪因為你覺得佢似食緊草哩 ... 哈哈哈哈哈 影子: 你說笑啦 ... 本來笨 B 爸爸見到我打的回應,威脅要我刪掉!睇怕佢見到你呢個回應,又會沾沾自喜 + 自以為有 fans!

    回覆刪除
  8. 影子:靜靜告訴你,笨 B 爸爸以前的造型很「大叔」啦 ... 這是我和他拍拖以後,致力提高他的品味的成果 ... 哈 ... 哈哈 ... 哈哈哈 ... 哈哈哈哈 ... 哈哈哈哈哈哈 (今晚吃完飯他看到這句,又要扁我的了 )

    回覆刪除
  9. v叔以前都好大叔o架,改造咗一輪先好啲咋

    回覆刪除
  10. hahaaa, this is so cute... actually at least ur fiance let you take pictures... last time I was trying to take some pictures... my hubby threatened me to "take away" my camera because he was extremely hungry! hahhaa...

    回覆刪除
  11. D 食物的賣相很靚,相信味道也不錯,yummy yummy

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: