2006年9月20日 星期三

陳腎豬骨粥 by 笨 B 爸爸 (連食譜)

查實我真係好鍾意食白粥,清清淡淡,可以平衡一下平日油膩o既街飯 ~ 尤其是呢期肥左咁多,為左唔想做肥爆

新娘 ,我已經落左 order,想呢期o係屋企都食得清淡o的 ... no

之不過,同樣係好鍾意食粥o既笨 B 爸爸,硬係鍾意搵o的野o黎攪,今晚佢又整左個有味粥 cooking--- 陳腎豬骨粥出o黎勒!想丙佢架啦 (唔聽我指揮 ) 但係諗到佢咁有心機煲 2 個幾鐘,又打唔落手  ~ 於是就齊齊食完落街行公園 ,希望消耗咁o的熱量喇 ~

【陳腎豬骨粥】

【難度】

【銀兩】$30

【準備時間】預先一晚準備材料

【烹調時間】2 小時

材料:

扇骨   12 兩

陳腎 2 個

油粘米  1 嘜

鹽  適量

做法:

1. 預先一晚買定扇骨,用水稍為沖洗,然後用鹽抹勻 (全部都要) 醃一晚。而陳腎亦用水浸一晚備用。

2. 呢款粥係廣東粥煲法,材料同米係同一時間落煲的 --- 先用瓦煲裝大半煲水,用大火煲滾,將米、扇骨同埋陳腎一齊加晒落去

3. 再翻滾後,轉小火煲 2 小時,唔駛再落調味架啦,ok!

後記:

1. 醃完o既扇骨唔駛洗左o的鹽去架,因為已被豬肉吸收晒,煲粥唔駛再落其他調味,味道o岩o岩好

2. 如果可以的話,o係煲之前將陳腎切開幾塊,會出味o的


 

17 則留言:

  1. 你就好啦!唔記得同你講~ 我已經將你同大少奶為我偶像,超勁人!!!我係你地 Fan!! 努力!!要做靚靚新娘,唔好食零食要忍口,肚餓食 拿....你唔好唔食早餐好傷身!!

    回覆刪除
  2. 小熊子:我邊夠大少奶勁呀!我都係得個講字,好多野都唔係我煮o既!哈哈哈哈哈 ...... 我有食早餐架 ~ 就係呢期應酬街飯太多,攪到肥晒咁囉 ...

    回覆刪除
  3. 其實笨 B 爸爸係咪想你肥啲可愛啲,同埋最緊要係肥啲冇咁易"走路"呢?

    回覆刪除
  4. crystal:佢話唔介意我肥,但又會恥笑我架喎!衰人丫 .. 頭先o係公園踩緊石仔路o既對話實況: 笨 B 爸爸: 唔 ~ 好在今晚冇落雨o者 ~ 笨 B 媽媽: 哎吔 ...! (畀石仔篤到好痛中 ) 點解呀?因為落雨冇得落o黎行公園呀? 笨 B 爸爸: 唔係 ~ 因為落雨o既話,o的蘿蔔會爛丫嘛 ~ 笨 B 媽媽: o的蘿蔔會爛 ?我地有蘿蔔o係屋企咩 .................. (開始意會到佢講緊我白滑 but 粗壯o既小腿,o係月光之下好似兩碌大蘿蔔) ................. 你係咪想死呀呀呀呀 . ... !!! (下刪打鬥情節..... )

    回覆刪除
  5. 我老公成日都話 " 你要食肥啲,咁先似係我老婆 B , 叫得做 B 一定要肥肥地,如果唔係人哋以為我待薄你呀! " 我就硬係形住佢咁講其實係想催眠我,肥係冇問題既,等我冇咁易 "走路".

    回覆刪除
  6. ♥麥太( Candy )♥2006年9月20日 下午5:36

    正呀~~

    回覆刪除
  7. 好肥嫁~~~ 做多運動都唔得嫁...nonononoo

    回覆刪除
  8. 係喎!我都好耐冇煲粥喇....

    回覆刪除
  9. 係呀都好耐無食過這個粥! 你自己獨食啦,獨食難肥!!!!!

    回覆刪除
  10. 我估豬骨粥肥極有限喎, 下次叫佢煲魚片粥算啦...

    回覆刪除
  11. Christina 小魚仔2006年9月22日 下午5:02

    我都好钟意食粥.......我亞媽成日都煲粥......不過電話粥

    回覆刪除
  12. crystal: 而家有o的雀雀做把柄,阿 xin 兄邊駛驚你會走路呢 ... 哈哈哈 Candy: 好味架!試下啦! vanlily: 係咯 ... 我就係覺得好似減極都唔瘦 ... 一定係呢o的地方出左問題! vyvy: 我同笨 B 爸爸係粥怪,所以成日煲粥架 ~ 得閒多o的過來坐,交流交流喇 ~ 珍妮仔: 如果真係得,我一定會照做呀 老 B: 唔 ~ 我都係咁諗 ... 返而我估成日食呢o的鹹味粥,攪到我容易水腫就真 小魚仔: 你整野食咁叻,不如你煲畀媽咪食啦 ~ 乖 ~

    回覆刪除
  13. 你真明白佢. 佢話我知,最初肯俾我養雀,完全係諗住用啲雀嚟做把柄. 而家我覺得自己中晒計呀!

    回覆刪除
  14. crystal: 嘻嘻,呢o的係生活情趣嘛 ~ 咁你兩口子又多個話題,幾好哩 ~ 我都好想養返o的貓仔狗仔雀仔之類架,不過驚自己要返工照顧唔到之嘛 ... 況且我估笨 B 爸爸會想我養「人仔」多o的,哈哈哈哈哈 ....

    回覆刪除
  15. 笨b媽媽,我用了你教我的方法煲這個豬骨粥了!正 !!很好味呀!!!!謝謝!

    回覆刪除
  16. 塵妹梅 與 傻妹穎 :係哩 ~ 冇介紹錯架 我地兩個粥怪,仲有好多其他粥,你可以摷番來睇呀 (仲有嘉美雞粥、鯇魚腩粥、皮蛋瘦肉粥、魚片粥 & 蠔仔粥) ~ 遲下會再 post 多o的其他款上來,密切留意啦 ~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: