2006年9月4日 星期一

紅米熱量高過白米兩倍幾?唔係下話

呢個係一個 example,證明大家接收資訊時,都要保持清醒,否則有時會被誤導架!



尋日刨明報時,見到大字標題話 【卡路里較白米高 2 倍    紅米黑糯米更易肥】,即刻 叮!左一聲,唔係下話!有冇可能呀 ... 大家都係穀類o乍喎!

老師話,每克澱粉質含 4 個卡路里,一碗白飯 224 卡路里,都好合理丫 !但諗極都諗唔明,點解相同份量o既紅米飯會有成 633 卡路里架呢 !紅米飯纖維比白米更多,理應澱粉質含量更少啦 (所以紅米飯冇白米飯咁「香甜」)!真係睇到 R 晒頭!但佢 intro o個段又話「營養專家提醒市民...」架喎 ... 到底係點架呢下?... 我平日食咁多紅米,咁咪好易肥 ?我成日叫其他人食紅米,咁咪好罪過?

果然,我o既 common sense 冇錯,第二日 (即是今日),明報借另一標題,又再講番紅米,「順手」提番尋日o既資料係唔o岩架囉 ~ 紅米o既熱量查實同白米差唔多,仲要營養呀、纖維呀都多o的,食得過架!

我覺得編輯先生應該係一時睇漏眼啫 ~ 不過以後整咁大標題,兼且擺o係頭版報導,都係反覆查證下好o的  ~ 作為睇報紙o既人,都要一邊睇一邊思考,唔好人地畀幾多,我地就入幾多啊

 

12 則留言:

  1. 又知多樣嘢, 謝謝你的分享 ~

    回覆刪除
  2. 嘩好彩苯b媽媽夠醒目!!!!! 真係唔可以百分百相信新聞同報紙講既野!!!!!!! 但又有幾多人會懷疑"新聞"的真確性呢?

    回覆刪除
  3. 嘩......仲以為啲營養師成日都話食多啲唔同顏色既米會健康啲,食晒唔同顏色一定冇錯添!

    回覆刪除
  4. crystal: 係健康o的架!你睇真o的,其實我係話緊份報紙未經查證就大字標題,無辜辜寃枉左紅米呀

    回覆刪除
  5. 我一上來見到你個blog就好鐘意!! 點解?! 因為我又係巨蟹座, 我的人生目標又係煮下飯、湊下BB咁, (雖然仲有好遠距離), 大家真係好鬼夾!! 真係好開心認識到你啊~~~

    回覆刪除
  6. 係喎......今朝未瞓醒只係睇咗啲報紙圖,未睇清楚你啲字就回咗,唔好意思呀!!

    回覆刪除
  7. crystal:嘻嘻,講懵你邊夠我,我經常都攪錯晒o的野,畀笨 B 爸爸窒到飛起架 ...

    回覆刪除
  8. 原黎係咁家, 多謝你既SHARING

    回覆刪除
  9. 多謝分享呀, 因為我都係食紅米糙米ga~!!!唔係就一定有d驚喇

    回覆刪除
  10. 我都係食紅米架, 比你嚇死.......依家夜晚都要戒埋飯添....keep fit致上...

    回覆刪除
  11. 麥芽糖/ Manon 丸:唔駛客氣 ~ 應該o既
    老 B:係咯,我就係怕大家畀呢o的錯誤報導誤導,所以咪 post 出o黎幫紅米平反一下囉 ~ 我都係紅米愛好者o黎架!仲要係唔溝米o個隻 ~ 好有o趙頭,我鍾意 ~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: