2006年9月17日 星期日

捐血行動!

呢期唔知點解,畀我 "目及" 到咁多慈善活動,等我又將呢o的訊息散佈開去先 ~

話說星期六行過中環捐血站門口,見到佢地 urgent 搵緊 O 型 & A 型人,咁就當然要即刻義不容辭咁走左入去捐左 450 cc 先喇 ~ 希望大家都同我一樣,睇到就快o的行動啦!  

【上圖】查實,我曾幾何時都係一個 frequent donar,捐左 1X 次o個隻 ~ 不過同好多人一樣,有時懶起來就愈來愈懶,耐左仲冇左件事添  ... 其實紅十字會好需要大家o既 long term support 架!

【上圖】明顯上,我o係捐完血後休息時實在好無聊,所以攞部 DC 出來影下相 ...

【上圖】我覺得黏住捐血膠布o既手臂好型架!大家都一齊型下啦!

4 則留言:

  1. 哎呀, 我每次捐血都要搞好耐嫁, 人地可能10分鍾就O.K. 0既, 我呢起馬要搞半粒鐘, 仲要搞到隻手花曬嗰隻, 因為d微絲血管太幼0羅, 同埋我係捐唔到450 cc噤多嫁, 最多只係可以捐到375 cc, 不過我一定會去捐嫁, 因為我是O型嫁, 多謝您提醒.

    回覆刪除
  2. 我喺8月24日捐咗啦! 那天無聊等飯食, 5時跑去捐血, 貼住塊膠布本來就幾型架. 但那晚, 我是去參加朋友的婚禮briefing, 類似兄弟姐妹團的事前聚餐. 大部份人都唔相識, 而且, 有部份是警界人士...我貼住膠布, 好似啪完針的道友咁= =" 搞到坐我側的同學不禁出聲叫我搣走塊膠布...樣樣衰衰咁

    回覆刪除
  3. 小花貓: 我上星期六唔知攪乜,o的血都出得好慢呀 ~ 可能我太耐冇捐啦,o的血管幼左! 皮 2: 嘻嘻!我見到你呢個 blog 呀!你實在好攪笑架,做乜無啦啦做姊妹o個日走去捐血架!唔驚暈低咩!(哦 ... 定係你想攪到自己暈低,跟住畀人救呀 ... 哈哈哈哈哈 )

    回覆刪除
  4. 我都想幫手,不過要下個月月中才夠4個月

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: