2006年9月29日 星期五

引用:要學做大事,唔好淨係學做大官


picture source from

www.corbis.com

以下呢篇係由村屋達人 處轉載過o黎o既文章,我覺得好有道理,亦甚拜服達人兄咁有「脊骨」!如果政府裏面多幾個咁認真o既公僕,至少我進貢薪俸稅時,都順氣o的丫  ...

o係商業社會浮沉左幾近十年,我都發覺,有o的人成日爭做高層,但係又唔問下自己做到o個個層次o既野未 ... (當然我唔係一個高層,所以先咁吹水唔抹咀  )  一個人,如果唔曉批判自己,只係識得埋怨點解冇得升冇人工加,係好可悲架。須知道際遇乃一時風光,穩打穩紮的功夫,先至係一生受用o既護身符哩  ~ 現階段,小女子都仲係練功途中 ,不過練緊自己鍾意o既功夫 ~  共勉之 ~

 

原文:

未加入政府前,我對標題背後嘅真正意義實在唔多瞭解。到而家做左官啦,終於知道孫中山先生點解會留句咁嘅金句俾D年輕人。

其實無他嘅,如果閣下一日到黑淨係諗住點陞官發財,你自然就見事就縮,見上(級)就拜,唔做唔錯,一於集體負責(即係人云亦云啦),無曬個人是非判斷能力啦。如果閣下真係諗住自己係一個公僕,一心希望為”人民服務”,自然項背挺直,遇事挺身,據理力爭啦。

但環顧四周,在小弟部門中,能夠挻直背脊做人嘅,真係數埋5隻手指都無,難怪屈原先生在知道”天下皆醉我獨醒,天下皆濁我獨淸”之後要投江自盡啦,做人做得咁清高都真係幾孤獨架,但係如果向呢D不義嘅人同事屈服又唔係我嘅性格,好在自己有原則之餘亦有D能力,唔使下下"YES SIR"先有職升,兼且又睇得開,如果唔係真係投幾次江都唔夠呀。

我對自己無咩要求,只希望今日呢些少項脊可以一路咁保持落去(即係話持續有貢獻,唔使靠關係啦!),仲可以影響下一兩個身邊嘅人,咁就算對讀左果些少詩書有個交待啦!

蒸魚 by 笨 B 爸爸 (附食譜)

笨 B 爸爸係順德人,所以煮魚真係有一手 --- 尤其是蒸魚!佢可以一睇條魚o既 size,就知道要蒸幾多分鐘,次次都係o岩o岩好熟,嫩滑無比!

不過我覺得最精彩之處都係o的薑葱豉油,非常地錦上添花 ~ 對於淨係識得買李錦記蒸魚豉油o既我,簡直係仰慕呀 ~

兩人份量買一條 12~14 兩o既魚已經足夠,如果魚身係薄o既 (好似呢條細鱗),呢個 size 蒸 6 分鐘已夠。如果怕唔識預時間,買o既時候問一問魚販就 ok 啦 ~

【蒸魚】

材料:

鮮魚一條  

調味料 (薑葱豉油):

薑一塊

葱一棵

豉油二湯匙

植物油一湯匙  (炒豉油用)+ 一湯匙 (淋滾油用)

糖二茶匙

 

做法:

1. 鮮魚 (已去內臟) 買番來後洗淨,用少許鹽抹勻魚身及魚肚內

2. 將葱白切段,鋪在碟底墊魚用 --> 此舉可以令魚身均勻受熱,兼且防止黐底!呀,索左魚汁o既葱白係超級好食架!記住食埋落肚

3. 開鑊燒滾一鍋水,將魚放入,用大火蒸數分鐘 (depends on 魚 o既 size)

4. 準備薑絲,愈幼愈好。葱切段及一開二

5. 魚蒸好後,準備薑葱豉油:熱鑊加一湯匙油 --> 爆香薑絲 --> 加豉油 & 糖快炒至散發香味。熄火淋落魚身

6. 將葱段鋪在魚身上,燒滾另外一湯匙油淋在葱上,ok!


 

中秋收禮盛況

幾個禮拜前,公司o既秘書小姐們就為送禮名單而攪到團團轉

;幾個禮拜後,佢地依然係忙得不可開交,今次當然係輪到收禮喇!

老闆o係商界都算甚有名望之人,兼且長袖善舞,所以送禮、收禮係家常便飯,每逢大時大節,就更加誇張 ~ 作為戰地記者,我又八八卦卦咁裝下有o的乜野新奇有趣o既野同大家分享勒  ~

不厭其煩地講多次,大家如果有多餘o既中秋月餅,不妨捐去救世軍,讓多o的朋友都可以分享到你o既中秋快樂 ~ (詳文見 心好月圓  )

【上圖】除左半島嘉麟樓o個盒超美味o既奶皇月餅之外 (先放入微波爐叮 20 秒,待香酥o既奶皇稍為軟化,一啖入口,美味無以尚之 ... 弊 !寫到呢度,發現尋日掛住食,唔記得左影 ...) 最受注目o既就係呢盒靚靚o既日式「月餅」勒!又唔記得左影,其實佢本來係以一張好有大和風味o既花紙包住o既 ~  

【上圖】一開個盒蓋,眾同事即刻「嘩」晒出黎 ~ 日本人係得o既,好唔好食一件事,淨係個 presentation 都贏晒!

【上圖】我以神速擸左個柿子果凍,因為個樣實在太靚啦 ~

【上圖】其實我唔捨得食 ~ 太靚啦 ~

【上圖】另一個非常可愛o既白桃果凍 ~ 我叫同事食完之後要留番個「杯」(即是o個個「桃」) o黎做擺設!

【上圖】同場加映現場實況 ~ 我估呢度係其中三分一o既中秋禮品 ...


2006年9月28日 星期四

福建手工麵

今晚食白粥冇野貼,等我又擺陳師傅上枱先 ~ 呢個係佢o既名作 --- 福建手工麵 (其實我估個正式名稱係福建滷麵,不過我淨係知佢福建話叫 "hook--驚--攞--眠",唔知個 "攞" 字o既中文點寫 ...) 街上係食唔到架!因為市面o既手工麵多數係蘭州拉麵、

山西刀削麵 之類,個湯底係清o既,唔似呢款咁糊狀一 pat 野 --> 但係好有風味好好食架!

唯一相同o既係,陳師傅都係自己搓o個舊麵糰,並且自創左獨家麵糰配方,所以呢個麵非常 Q (又係福建話,解作煙靱、有咬口),人人食過都返尋味架 ~

 

後記:

1. 由於我家陣逢星期六先返去食一次飯,所以通常只影到「完成-ed」o既樣 ~ 等我間村屋落成以後,捉埋陳師傅入去住/ 渡假時,就可以影晒成個過程畀大家觀摩觀摩啦 ~ 又要大家等下啦 ~   

2. 話說我係福建幫,不過我淨係識得講

----hook----

 3. 好在影左一大堆陳師傅私房美食,等我冇貨時都有野寫下o者,不禁要讚自己冰雪聰明,呵呵呵 ~ 
 

 

 


 

2006年9月26日 星期二

三日兩夜失蹤事件 - Brainstorming Camp (Part 3)

好,卒之放工返到屋企勒 ... 大家催左咁多次,我要乖乖地交埋篇文先 ~ (又畀笨 B 爸爸鬧 ~ 一返屋企就玩電腦

angry咁你未煮好晚餐丫嘛,honey ~ 嘻嘻嘻 ... )

呢三日兩夜裏面,我地做得最多o既,除左係腦震盪之外,其次就係口部活動 --- 暴食勒!因為餐廳同 conference suite 只係樓上樓下o既關係,我地食完就震 (個腦),震完又食,攪到兩日後,個肚腩好似大左!  

今晚我要介紹o既,就食放 break 期間o既 refreshments 同埋晚餐勒   大家洗定手啦 ~

【上圖】我最鍾意呢張相,因為好 colorful ~ Petit size 既三文治,好似好好味 ~ 不過因為午餐太飽 (點解?請睇

Part 2 ) ,所以我只係同同事分左半塊三文魚三文治來食 ~  

【上圖】cookie monster 竟然冇掂過呢堆咁美味o既曲奇餅,講都唔信

【上圖】第二日下晝o既 refreshment 竟然有沙嗲 ~ 估佢唔到呀下 ...   不過o的沙嗲唔夠辣 (令我諗起元朗又新街o個間 "串皇" ,好辣好好味,yummy ...)

【上圖】呢個睇落似 milk pudding o既物體,其實係白朱古力布甸,估佢唔到呀下 ~   做得好香好滑好好味,抵讚

【上圖】本來晚餐o既 starter 同埋 main course 都畀我影衰左,但都要攞呢張出黎獻下世,因為我覺得佢好味囉!平時o的焗田螺咪連殼上o既 ~ 呢碟係淨田螺肉釀左落o的好 creamy o既薯蓉度,好酥香 ~  碟邊個包唔關事架,係我放左o係度o者 ... 不過順帶讚下佢籃麵飽,款款都咁正,攪到我 R 左好耐頭先揀到一個  (如果係肥妹時代o既我 ... 丫 ... 應該係成籃上 ... )

【上圖】我覺得個 club 好細心,每日兩勻o既 tea break,小食都唔一樣 ~ 呢個三文治唔記得左係邊勻出現架勒,只記得我當時係仲未飽完,所以冇食到 ...  <-- 勁飲 Twinnings Peppermint 茶包:皆因佢個 pack 上面寫住 aids digestion ... 哈哈哈哈哈

【上圖】呢個唔知係乜乜酥,睇落好 yummy,不過我咁乖,梗係冇偷食喇 ~ 影左當食左喇!開心

 

三日兩夜失蹤事件 - Brainstorming Camp (Part 2)

o係呢兩日o既 full-day brainstorming camp 裏,除左開會o既時間,就基本上係食野同埋訓覺o既時間架勒!其實呢度有馬騎,實情都真係好想試下 ~ 唔唔,希望我地呢兩日攪出來o既腦汁,加埋我地o既鬥志同埋 teamwork,會令到o黎緊o既生意大旺特旺!到時老細再請我地入來 ~ 就要係o黎玩架喎 ! yeah!

 

我雖然近來做左戰地記者 (乜都影一餐) 不過都未係好攪得掂部機,唔知點解有時影相硬係 out 晒 focus 咁!所以都 show 唔晒o的美食相 ~ 因為有o的影得太惡劣,畀我 delete 晒 ~  以下就係呢幾日享用過o既美食 ~

 

【上圖】呢個係午餐o既 starter (吞拿魚),但份量好似 main course 咁大 ,成完已經飽晒!不過實在好好味

【上圖】好特別o既湯 ~ 牛油果菠菜帶子湯,淨係聽個名已經覺得好有益  ~ 飲落唔會太重青草味,好 ok 架

【上圖】因為我地都係食 set,兩日o既 menu 其實一樣 (with options),所以我第一日就揀左呢個三文魚扒 ~ 唔知係咪因為食左個巨大o既 starter,呢個本來好好味o既三文魚扒,令我覺得好膩

【上圖】有左第一曰o既經驗之後,第二日o既午餐,我就揀左另一款 main course - 南瓜蘆荀意大利雲吞,好清淡好好味啊 (我一路食緊,一路諗起大少奶 ... 呢o的又靚又好味o既菜式,我估佢可能會想試整 cooking!<-- 因為我都想呀    ~ )

 

 

 

 

 

 

 

 

Linkwithin

你可能對以下文章有興趣: