2006年8月31日 星期四

沙嗲王 Part 1 (已加解說)

【好味街飯推介:沙嗲王】

地址:有分店 7 間,請參閱「沙嗲王 Part 2」一文內的餐檯紙 (費時打到手軟 ... 哈哈哈 )

沙嗲王係其中一間令我同笨 B 爸爸難忘o既餐廳 ~ 最主要o既原因,梗係因為佢好味喇!另一個原因,就係因為o係大家未開始拍拖,理應o係對方面前保持最佳形象o既時候

,笨
B 爸爸竟然帶我去呢度食辣野!於是我就發現,原來笨 B 爸爸一食辣野,不單止會汗流滿面,仲會口水鼻涕一齊流添  
好核突呀!哈哈哈哈哈!

唔係笨 B 爸爸推介,我都唔知沙嗲王o的野咁好味,尤其是佢o的麻辣米線! 

o係香港,好難搵到真係夠麻 and 夠辣o既麻辣米線架 (超過 90% 的所謂麻辣火鍋、麻辣米線、麻辣 XXX,都係唔麻o既!有o的衰到連辣都唔辣添呀!) 因為我o既食辣級數比笨 B 爸爸高強,所以我通常係食大辣,而佢係食中辣的 ~ 除左麻辣米線係我地每次必叫之外,我地仲發現原來佢其他野都好好味架!從裝修到價錢,真係估唔到呢間餐廳原來咁好質素,真係要推介推介 ~


【上圖】每次必叫o既麻辣海鮮米線,真係見到有花椒粒架 --> 麻的來源!($39)

【上圖】極之要推介o既白咖喱豬扒飯,好香好好味,一碟飯簡直係唔夠送呀!($29.50)

【上圖】鹽燒多春魚 (好似正價 $19.50 有六條)

【上圖】綠茶雪糕紅豆冰 ($22,散叫食物的話可以半價)

【上圖】越南豬肉粉卷 ($19.50)

【上圖】布甸 ($12) 餐紙冇寫係乜野布甸,但我食到少少芒果味 ~ 唔係太特別的甜品,但 ok 好味架

【上圖】每張檯面有個按鐘機,唔駛頭岳岳搵 waiter,便利!


9 則留言:

  1. 麥芽糖番來啦 今日係咁易出下場先, 唔係冇人記得麥芽糖家啦 等麥芽糖返轉頭再睇返未睇既網誌啦

    回覆刪除
  2. 白咖哩豬扒飯好正..炸雞軟骨又好正.. xo醬蘿蔔糕又好正:) 仲要有coupon送, 有時又有辣椒油送...正正正!!! 佢個鐘真係好方便, 見佢唔夠快過來應我我又按多次, 按"加水"無人理就按"點菜", 咁又真係會過來...有點科技玩吓丫

    回覆刪除
  3. 麥芽糖:係咯!好耐冇見你勒!得閒過o黎蒲多o的至得嘛 皮2:原來你都鍾意食呢間呀!我覺得佢雖然唔係甚麼高貴餐廳,收o既價錢亦非常平民化,但食物質素同管理絕不馬虎架!佢仲攞左好多 ISO 同埋唔知乜乜認證添架 (有好幾張認證,要睇番餐檯紙先記得) o係食肆o黎講,佢都算巴閉咯!雖則認證唔代表乜,但係幫襯過後,真係覺得佢係好認真的 ~ 仲好細心添!除左檯頭o個個按鐘機,方便我地唔駛頭岳岳搵 waiter 之外,食完餐佢 地仲會送番張現金券畀你下次再用 ( 呢件小事喇 ) 同埋一粒薄荷糖畀你解番食辣野 o 既氣味! ( 呢樣好細心! )

    回覆刪除
  4. 哇 ~~ 味味都好正阿 第一張照片的 看了叫人不停流口 我看到這樣顏色的湯 就可以想像他的辣 然後想像他的味道 跟著就會很想吃啦 我最喜歡吃海鮮的阿 而且 很喜歡辣 所以 非常吸引我 白咖哩我沒有吃過呢 ~~ 是什麼樣的味道阿 ... 會不會辣 那個麻辣海鮮米線 很像我們這裡的一種食物 叫做 ~~ asam laksa 用蝦膏整的阿 好好味 我很喜歡的呢 快點 po part 2 阿 好想看阿

    回覆刪除
  5. 哦~看起來很好吃呢~但可惜我正在keep fit......

    回覆刪除
  6. I LOVE 白咖喱豬扒飯, it's my FAVORITE!!! I order that EVERYTIME! I also like the "Chinese cabbage".... very yummy..... I missed going there! It's cheap and it tastes so good!

    回覆刪除
  7. 我最愛就係佢地既satay牛肉粉絲, 果次同d 同事去左cwb果間食咋.....嘩, 好味!!!

    回覆刪除
  8. 我都有食過旺角嗰間,啲嘢食都真係幾好味 我覺得我唔食得辣好似少咗好多樂趣

    回覆刪除
  9. hi, 我之前搵到個白咖哩豬扒飯既食譜(不過我懶未試過) 你可以試下自己整呀 (因為食譜是在討論區找的,只限會員瀏覽,所以用私人回應 ) 有相 http://forum.lifeofelegancy.org/viewtopic.php?t=12466&postdays=0&postorder=asc&highlight=%A5%D5%A9%40%AD%F9&start=0 食譜link (只限已註冊會員查閱) http://forum.lifeofelegancy.org/viewtopic.php?p=107574&start=0&sid=1eefe1a33df9188ff68a7d21b39983a5 白咖哩豬扒飯 白咖哩汁 : (3人份) 雞湯 一杯 水 一杯 香茅 半枝 南薑 一舊 (約4寸長) 檸檬葉 約6片 乾蔥(切茸) 兩粒 白咖哩粉 兩湯匙 椰汁(kara) 一盒 (200ml) 生粉水 兩茶匙生粉 + 4茶匙水 調味 : 鹽 半茶匙 糖 兩茶匙 雞粉 半茶匙 做法 : 1. 小湯鍋中加入水及雞湯煮滾,加入香茅、南薑及檸檬葉,加蓋以細火煮10分鐘,隔渣備用 2. 開鑊加入兩湯匙油,炒香乾蔥茸,再加入白咖哩粉炒香。 3. 將(1)注入,煮至滾 4. 加調味,拌勻 5. 再加入生粉水煮至滾及成獻狀 6. 再加入椰汁拌勻即成 7. 碟上放上白飯,加上香茅豬扒兩件,再淋上白咖哩汁即成 加左椰汁後,不可以煮過久,否則椰汁會出油。 白咖哩粉….惠康有售 香茅豬扒 材料: 豬扒 5塊 香茅 1.5枝 (要切成茸才出味) 醃料: 生抽 3/4湯匙 老抽 1茶匙 鹽 3/4茶匙 粟粉 3/4湯匙 糖 3/4茶匙 雞粉 3/4茶匙 1.先將豬扒拍鬆,放醃料醃過深夜 2.炸至金黃色盛起備用。

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: