2006年8月7日 星期一

OSIM iEcologi


2007 年 3 月 1 日 笨 B 媽媽 update:經過一輪用家意見查詢和「市場調查」,我地發現 OSIM 呢款吸塵機查實唔係如介紹咁好用 ... 大家當參考下算啦

【發現地點】OSIM counter

【發現時間】2006年8月 (但好似已出了 9 個月)

【價錢】$6,xxx

【笨 B 爸媽評語】

(1) 睇左成半個鐘 demo,覺得部機非常掂,幾乎想落單買 ... (但因為未搬屋,所以忍手)

(2) 用水o黎過濾吸入污物已不是新事,但新加入的蒸氣 function 令清潔功能更強,唔駛用清潔劑都可以吸到o的地方好乾淨

(3) 呢部機不止可以用o黎清潔地板,仲可以用o黎洗廚房、洗廁所、洗地氈、吸塵蟎、清潔空氣 ... 真係非常 multi-functional!

(4) 而家屋企用普通吸塵機,要走勻間屋吸好晒塵,再走勻間屋抹地;呢部機可以同時噴蒸氣 & 吸塵,洗地可以一 take 過!

(5) 配件好齊全,由大咀到細咀都有,所以可以洗勻全屋。仲可以加 $2xx 換個儲物式腳踏,整齊地收起晒o的野

(6) 真係覺得好正,絕對係 wish list ...

後記:我覺得我應該收番 OSIM 些少廣告費 ... 不過我份人好誠實,如果唔好o既野我會講到全世界都知;好野我亦唔介意幫佢免費勁宣傳




7 則留言:

  1. 部機好大部喎~ 會唔會好重呀??

    回覆刪除
  2. 重架!不過佢有轆o既,兼且條吸咀o既棍可長可短,所以基本中唔駛點「托」部機架 ... 不過機身頗大,如果屋企細,可能覺得比較阻位 ~

    回覆刪除
  3. 唔好買呀, 你唸下, 如果你吸左個地, 又吸下個抽油煙機, 咁你又吸下張被... 你唔覺得有的問題咩 查實麥芽糖之前都心郁郁, 差的俾$$$... 但係... 問題係... 吸左的油... 咁... 枝管入面咪會有油黏住lor, 跟住又吸被... 咁的油又會... 上次麥芽糖問osim的人, 咁咪好污穢lor, 因為佢個吸咀可以change, 但係條膠管係冇得change wor... 的人都唔識答呢, 問左幾間都唔識答... 所以後來就冇買了, 不過... 唔知有冇改良左呢

    回覆刪除
  4. 山渣麥芽糖:阿笨 B 爸爸企o係我後面睇你o既留言,一邊嘮嘮叨叨咁話佢都諗到相同問題呀!雖則o個日我地都問左 OSIM o個個 sales,佢亦都答左咁上下o既答案,咁當然笨 B 爸爸係覺得未夠完滿架啦!所以,佢o既意見係最好都係 limit 用途,咪攞去吸廚房o的油喎 ... 吸床、吸傢俬、吸地一齊做晒都冇問題,因為佢地係相同物質,但油質唔同,佢黐左o係條管裏面後,o的黏答答o既油仲可能黐住其他污垢添!不過,都可以用o個個蒸氣噴咀o黎噴廚房o的漬 (唔吸),等佢容易o的起出o黎,呢個用途都 good o既 ~ 希望有朝一日 OSIM 管理層會睇到我地o既 message,跟住努力搵個方法解決呢個問題喇!(等我每次去 OSIM 混吉時不斷再問下!)

    回覆刪除
  5. 頭先個回應唔見咗,網絡整乜鬼o架 我再講多次,v姨都曾經心思思買返部,但係個 promotor 可能太新,對v姨的提問全然不,只重覆 " 只要按制噴出蒸汽,向後慢慢拖,呓個地皮就會好乾淨o架喇 " ,v姨見佢丁方幾尺都吸幾分鐘,咁全屋咪....... ,嘥氣

    回覆刪除
  6. 唔!我都有相同疑慮 ... 希望有用過呢部機o既 blog 友講下用後感喇 ~

    回覆刪除

  7. · 如果有一種家居護理服務可以幫你吸走塵蟎、清潔地毯、窗簾、布梳化等等 , 做一個全面既清潔唔需要自己去買一個成兩萬蚊既吸塵機 , 一個 500-600 尺家居約 $400-$500 一次 , 視乎家居大細價錢唔同 , 請問你會唔會考慮呀 ?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: