2006年8月17日 星期四

沙蔘麥冬肉丸湯 (by 笨 B 爸爸)

【主題】沙蔘麥冬肉丸湯 (附食譜)

【難度】笨 B 爸爸話

  笨 B 媽媽話
 

【銀兩】10零個大洋

【準備時間】30分鐘

【烹調時間】15分鐘

呢個湯,好似係某電視節目介紹過的,話可以清心潤肺、補氣生津云云。笨 B 爸爸覺得好似幾好咁,就記熟左個做法,間中都會煮畀我食 ~ 每次都係得四粒丸仔加少少湯,潤唔潤肺就要遲下至知,不過飲得我心好甜

 ... 夠唔夠肉麻!哈哈哈哈哈

材料:

沙蔘  5 蚊

麥冬  1 蚊

瘦肉 4 兩

芫茜 1 束

醃料:

鹽、糖、油、生抽、老抽、粟粉

笨B媽:乜咁似醃肉餅o的料? 

笨B爸:車,o的豬肉係咁攪架啦,如果唔係你仲想點攪!  不過個粟粉可以唔落o既 ... 油就落多o的都得,如果唔落,o的肉鞋到你飛起

做法:

(1) 先用熱水浸軟麥冬 (10 分鐘),切小粒備用。沙蔘都要搵熱水浸下,浸10分鐘,唔要o的水

(2) 剁爛豬肉,加入麥冬粒,用醃料醃 10 分鐘。用手搓成肉丸

(3) 小鍋內加 3 飯碗水,放入沙蔘煲 15 分鐘,撈起沙蔘唔要

(4) 將肉丸放入湯內煮 10 分鐘至熟

(5) 熄火,加芫茜,應該夠味架勒。攪掂!

參考資料:

http://www.chimed.info/herb_details.php?id=1429

http://www.chimed.info/herb_details.php?id=1431

沙蔘.gif

沙參

   

【分類】  補虛藥 -- 補陰

【功用】  潤肺止咳,養胃生津。

【性味】  . 微寒。

【歸經】  .

【用法用量】 三錢至五錢,煎服。鮮者用量加倍。

【使用注意】 

【藥名及炮製】 南沙參、大沙參、空沙參(其形粗大,質較疏松,作用較弱。)北沙參、北條參、細條參(其形細長,質堅致密,品質較佳。)鮮沙參(即南沙參之新鮮者,清肺熱,多用於肺虛有火、咳嗽痰多。)

【方例】  沙參麥冬湯《溫病條辨》:沙參,麥門冬、玉竹、甘草、桑葉、扁豆、天花粉治燥傷肺陰,發熱咳嗽。

【應用】

1.用於肺虛有熱、乾咳少痰,或久咳聲啞等症。沙參有潤肺養陰,且益肺氣,為治肺虛熱咳的要藥,常與川貝、麥冬等配伍。

2.用於胃陰耗傷、津少口渴等症。沙參甘涼柔潤,能養胃陰而復津液,故可用於熱病傷津、舌絳口渴等症,常與麥冬、生地、石斛等品同用。

 


 麥冬   

【分類】  補虛藥 -- 補陰

【功用】  清心潤肺,養胃生津。清熱養陰生津。

【性味】  甘、微苦. 微寒。

【歸經】  心、肺.

【用法用量】  一錢至三錢,煎服。

【應用】  

1.用於肺陰受傷,燥咳,咯血,以及心煩不安等症。麥冬為清潤之品,既能潤肺止咳,又能清心降火。用治肺虛熱咳,咯血等症,可與沙參、天冬、生地等配伍;用於清心除煩,可與竹葉捲心、蓮子心等同用。

2.用於津少口渴等症。麥冬能滋養胃陰而生津,故可用於陰虛內熱、胃陰耗傷、津少口渴等症,常與石斛、沙參、天冬、生地、玉竹等配伍應用。

3.麥冬與天冬,都是甘寒清潤的藥品,兩者養陰潤燥的效用相似,故對肺陰受傷、乾咳少痰等症,常配合同用。但麥冬潤肺,又能養胃清心;天冬潤肺,又能滋腎,性較寒涼。如胃陰不足、心煩燥渴等症,多用麥冬;腎陰虧損、潮熱遺精等症,則多用天冬。

 

 

2 則留言:

  1. 我好鐘意芫茜架!!!不過男朋友就唔鐘意... 這個湯睇落真係好好味喎....

    回覆刪除
  2. 惠而浦:我細個時都好唔鍾意芫茜,因為覺得陣味太勁! 但大個後又鍾意喎,可能因為開始識得欣賞呢o的香味喇!其實芫茜係好野來架!尤其是作感冒時,煲個清清地o既豆腐湯,加大量芫茜,有助快o的好架!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: