2006年8月5日 星期六

鳥鳥攪笑連環圖

呢隻彩鳳個名叫做「鳥鳥」(簡直係一個好名!一聽就知佢係乜野動物!

 ...) 係我地屋企第一隻出現的彩鳳。追溯返歷史,佢其實係 2000 年加入我地屋企的,住左大概一年 ... 但對我地屋企影響深遠,因為佢實在太攪笑、太貪玩!

我地相信佢係一隻被人遺棄的彩鳳,因為佢被我爸爸的朋友在某大廈後樓梯拾回來的 (當時仲未有「禽流感」,否則睇怕佢已經畀人攞左去銷毀兼消毒!) 牠的鼻哥上o的毛禿禿地,唔係一隻靚雀,可能因為咁而畀人嫌棄 ~

佢o黎到我地屋企後住在鳥籠裏,但自從某日我爸爸忽發奇想放佢出o黎玩之後,竟然發現佢係勁唔怕人的 ... 實例如下:

(1) 最正常的情況是佢飛左落我地身上,在膊頭呀、手背呀、蹺起的膝頭哥呀等地降落,跟住欣賞風景,有時會叫我地一下

(2) 當我打緊電腦時,佢會飛左落我隻摸住 mouse 的手背上,阻住地球轉

(3) 當我一邊食餅一邊打機時,佢會趁我放低包餅,走過來偷食

(4) 某次我爸爸開飯,枱上有白飯數碗、煎蛋一碟、清水一杯 (當然仲有其他餸) 鳥鳥竟然飛左過來 ... 碗飯度咬左兩啖、碟蛋度啄左兩野、兼我杯水度飲左兩啖 ... !

  至衰我o個時未有 DV,否則一定拍低呢個經典片段

(5) 鳥鳥好鍾意照鏡,成日自得其樂 ... 仲成日「攻擊」鏡裏面o個隻雀添!不過最攪笑莫過於某次畀我細佬咁o岩影到佢犯案之後畏罪潛逃 ...





可惜,我地因為愈來愈信任鳥鳥,到後來連窗口都唔閂就由得佢o係屋裏面自由活動 ... 我地太高估佢o既忠誠度勒 ... 或者佢根本唔知道自己飛離左呢個屋企 ... 所以 2001 年的某一天,鳥鳥就離開左我地啦 ...

5 則留言:

  1. 鳥鳥真係好可愛~ 可惜佢走o左啦~ 不過都希望鳥鳥在外面的世界過得快樂健康~

    回覆刪除
  2. 我都希望 ... 我地真係好唔捨得佢 ... 我地相信佢當時應該唔係有心偷走,因為佢 o 係我地屋企住得好開心 … 只係我地忘記左,雀仔邊有咁叻識得分屋外同屋內,佢一飛左出去, o 係出面望返座大廈時,個個窗口睇 o 黎都一樣,邊度識得返入 o 黎 … 唉 …

    回覆刪除
  3. 「攻擊」係咪即係上下咁伸下伸下個頭,跟住瞳孔收細,變成只有一點黑色眼珠,有好大範圍既眼白呀? 如果係既話,呢個係求偶動作嚟架.

    回覆刪除
  4. bird_crystal:係呀係呀 ... 其實我相信佢係「發姣」架 ... 唔怪得知換左咁多任老婆都唔滿意,可能佢覺得鏡裏面o個隻最靚!

    回覆刪除
  5. 笨 B媽媽, 養雀鳥時候,牠一出籠要關窗的. 佢 o地一飛出屋外就唔識回家. 你可以再養一隻彩鳳.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: