2006年8月26日 星期六

大伯婆的小姪女

雖則我知道自己個 blog 朵係「笨 B 媽媽」,但由於時間關係,我仲未製造到笨 B  (我將來的 BB 男) & 笨 C (我將來的 BB 女) 出來,所以唯有借我個小姪女充斥一下場面先  

呢位小妹妹叫做小 Blue (南南),上年年尾第一次見佢 (2星期大) 時,佢細粒到好似隻貓仔咁,好震憾啊  (因為我第一次見到出世冇幾耐的 BB,想像唔到原來 BB 剛出世時係好細粒的 !) ~ 跟住見佢一次就大一次,個樣都次次唔同,由一個男仔 look 的 BB 開始變成好女仔 look 啦 !真係一日不見,如隔三秋 ~ 好在 BB 媽媽 keep 住 send 相畀大伯公 (即是笨 B 爸爸) & 大伯婆 (即是我) 睇o者 ~ 如果唔係,下次見到小 Blue 時都真係唔認得啦! 

第一次寫阿 Blue,等我介紹一下呢個愛笑o既小女孩先喇 ~

【2005年11月22日】相片由小 Blue 媽提供,此為出世後第二天 ... 生命真係神奇,媽媽真係偉大!開心  (小 Blue:有朝一日妳識得睇字時,睇到呢一度,記得鍚媽媽一啖呀 !) ~

【1個月大】小 Blue 好乖,仲好 "social" 添!因為佢見到陌生人時唔會喊,只會笑架!

【2個月大】話咁快,超迷你o既小 Blue 開始變番 "我想像中正常 size o既 BB" 啦!不過小 Blue 係窈窕靚女,所以肥左都冇變米芝蓮 BB 架

【3個月大】小 Blue 真係好識望鏡頭擺甫士!

【4個月大】好耐冇見小 Blue,呢張係o係小 Blue 媽 send 來的相集中揀的,我覺得好有動感,好正

【上圖】呢張自家拍o既玉照,好有影樓 feel 耶 ... good

【5個月大】喔!你做乜影我!

【6個月大】小 Blue 媽好鍾意幫小 Blue 扮靚的 ~ 大家睇下小 Blue 幾有 fashionable!

【6個月大】不過淑女都有食到一咀都係o既時候 ~

【7個月大】珍貴的出浴照 ~ 無良o既大伯婆會o係小 Blue 長大成人之後摷出o黎勒索佢架啦 ... 嘿嘿嘿

【8個月大】嘩,碎花小裙仔,lady 到呢 ~ 真係好耐冇見小 Blue 了,已經成個斯文淑女咁咯! 

【8個月大】真係好靚女喎 ~ 大伯婆錫錫錫錫

【9個月大】最新玉照!開始識得畀眼神添啦喎!呢個眼神掂!




8 則留言:

  1. 佢好可愛呀!【9個月大】最新玉照好似賣梗遙控廣告呀!

    回覆刪除
  2. 好得意好精靈丫

    回覆刪除
  3. 多謝晒大伯婆幫阿Blue BiBi整段文章介紹 BlueBlue錫啜伯婆先

    回覆刪除
  4. 好正! 第日Blue睇返一定好開心! 笑餐飽! 好感動添! 9個月大, 有點《女黑俠哪裡去?》的味道, 可以拍廣告了.

    回覆刪除
  5. 見到小朋友真係令人好開心,好在v姨已經畀三個化骨龍滿足哂帶bb嘅感受,依家有哂免疫力啫

    回覆刪除
  6. 我響e-mail話: 影樓照會燒番隻CD比我,不過就只限我楝嗰D! 楝咗相之後,佢會抽起我冇楝嗰D相, 到時Blog就可以save到D相架啦! Package$680包40張相,不過阿Blue實在影得太好啦! 所以我都忍唔住楝多咗55張, total:$1230呀! 冇計啦!鬼叫個衰Blueblue咁得意咩! 你幣啦!大伯公咁孤寒(慳家&節儉啫!)=^_^= 一定唔捨得駛咁多錢同笨B、笨C影啦! 佢會話:『等我自己縫D衫比佢哋,我自己影咪重靚! 』 呵呵呵........ p.s.:唔好同大伯公講呀!嘻嘻.....

    回覆刪除
  7. 哈! 我仲一直係你blog 度搵笨BB 呢 !
    原來笨B媽媽的笨B 仲未見得人啊 ??
    八掛一下: 點解你會叫做笨B媽媽呢 ??

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: