2006年8月5日 星期六

雀雀與笨笨

之前提到鳥鳥的出現,對我家帶來了深遠的影響 - 就係我地從此不斷地養彩鳳!鳥鳥走後,我地仲養過好幾隻彩鳳。但有兩三隻是飛走了的 (又係忘記關窗),有兩隻是病死的 (好在都係禽流感之前的事) ... 而圖中左面那隻「雀雀」可說是留在我家最耐的 - 到呢一刻依然o係度,仲好鬼精神添!佢應該係鳥鳥飛走後我立刻買番來氹番阿爸的,咁即是已經五年咁耐啦!佢經歷過 H5N1、禽流感,又同病死的彩鳳一齊住過 ... 所以我地成日話,全世界o既雀都死晒,雀雀都死唔去!

右邊o個隻叫做「笨笨」,其實係雀雀的第三任老婆。大家睇下,雀雀的鼻哥是藍色的,所以佢係男仔。我地成日幫佢搵老婆,因為好想有雀仔 BB 呀!但雀雀似乎係「天煞孤星」,五年來的三任老婆,第一任係老虎乸兼偷走,第二任因為冬天冷親死左,圖中o既係第三任「笨笨」,因為靚得滯而不安於室,最後偷偷私奔左!既然注定雀雀命中無妻,我地都唔再勉強佢咯 ... 所以雀雀而家係獨身o既!

值得一提o既係,原來雀仔界都有靚唔靚女之分架喎!之前死左o個隻,o岩o岩入門時,雀雀起初「騷」都唔「騷」佢架 ... 但呢隻「笨笨」,未放到入籠,雀雀已經牛咁眼望實佢!一入到門 ... 唔得掂,雀雀即刻黐埋去又啜又咀!呀 ... 我發現原來彩鳳係鍾意 French Kiss 添架 ...

不過,非常奇怪地,就算雀雀同老婆幾咁癡纏,我都好似未見過佢地曳曳喎 ... 我開始懷疑,查實係咪雀雀有o的問題 ... 呵呵呵 ...


 

3 則留言:

  1. 佢第三任老婆係咪細過佢好多架?

    回覆刪除
  2. 係呀 ... 因為已經係「第三任」,o個時雀雀來我家已經四年幾啦 (現在五歲幾了 ~) o的彩鳳好似得七歲命,咁雀雀生命咪危在旦夕?! ...

    回覆刪除
  3. 我見過有啲書寫可以有十幾年命......不過係外國書,唔係咪外國啲獸醫另啲呢?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: