2006年8月10日 星期四

中國歇後語

【網頁地址】http://www.chiculture.net/0610/html/0610p/0610p_c002.shtml 

【推介原因】

大家都好熟悉一o的常用o既歇後語,例如「偷雞唔到 --- 蝕把米」、「啞子吃黃蓮 --- 有苦吃不出」等,但原來有o的冇咁常用o既,都好鬼抵死架喎!好似「結他無線 --- 無得彈」咁,以前未聽過,但睇到後又幾會心微笑 ~ 心諗「又係喎 ~!」

 


 

4 則留言:

  1. 介紹個類似網站你睇下丫 http://www.cantonese.org.cn/oncc/ 呢個網站講咗好多廣東話啲字係點寫架!!

    回覆刪除
  2. 笨 B 媽媽 : 剛啱瞓醒, 發現太太唔知係咪夜瞓得滯, 迷迷慒慒, 定係對住啲雀耐咗, 禽流感上心口; 竟然亂 o翕 一通, 攋低咗句好易惹人誤會 o既 留言. 佢瞓醒起身之後, 死罪即使能免, 活罪也難開脫, 我自會幫 你出頭, 打佢屁股, 教訓吓呢個細路女. 為乜提到嗰個網站呢 ? 唔係訕笑 你中文水平. 事緣太太近日見我中文庸劣, 白字連篇, 語焉不詳, 言不及義, 咁啱屋企又冇粵語方言辭典; 只好飄流網海, 睇吓有冇發現, 後來畀佢揾到上述網頁. 嗰部免費字典, 雖只略具規模, 但亦解答年來心中不少疑問; 所以呢幾日, 我一得閒就打開望吓, 惡補粵語. 大概太太認為 你喜歡新奇有趣事物, 所以推介瀏覽該網頁, 實無貶意惡念; 只係佢為人素來粗枝大葉, 愛 o翕 就 o翕 , 絕少考慮自己率言漫話, 會為人帶來幾許無謂困擾. 此番失言, 白紙黑字, 證據確鑿, 無從推卸, 箇中誤會怕一時三刻亦難以說清; 唯有先由本人代太太先行致歉, 他朝時機合適, 必親押太太到 你跟前, 向 你負荊請罪. 對太太冒瀆一事, 深覺慚愧, 還望 你大人大諒, 多多包涵. 誠惶誠恐.

    回覆刪除
  3. Xin 兄:哇蟹,一朝早 (sorry ... 其實已經中午) 起身見到你篇大作,即刻正襟危坐拜讀一番!查實尋晚我都未睇 crystal 個留言已經去左 ZzzZZzzzzzzzzz 啦 !不過睇左,我都唔會有 xin 兄所言o既感覺喎,唔駛驚! 明顯上 crystal 都係想推介一個有趣網站畀我而已 ! Crystal:我入左去睇呀,好得意耶!可以睇下o的廣東 colloquial o既方言正字係點寫,兼且有埋讀音 --> 不過實在睇唔明佢個拼音方式,睇完都唔識讀,哈哈 !喂喂,你相公仲係好緊張大師喎 ~ 有時見到你兩公婆各自o既留言,就會幻想到你地一齊對住個電腦唇槍舌劍個樣

    回覆刪除
  4. 笨 B 媽媽 : 失言在前, 免咎於後, 恩德無邊, 銘記心田

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: