2006年8月5日 星期六

粉紅色椅套



話說100% 巨蟹座的笨 B 媽媽最熱中於攪屋企野,成日諗下點樣可以整靚間屋,有時夜晚攤o係張牀度諗到個 idea,會興奮到訓唔著 ...

呢張係舊居照片,笨 B 媽媽同妹妹住的。因為 $$ 唔多,所以屋裏面好多小物都係自己整的 (fixture 當然係搵裝修師傅)。雖然唔係好高級的材料,但花左好多心思,所以我想寫低佢,第時畀笨 B 同笨 C 睇,其實唔駛樣樣野都走出街買架 ... DIY 仲過癮呀!

間屋 size 唔大 (489 呎),所以裝修時決定將廚房牆拆左去,變成開放式廚房。連餐枱都慳返,就咁整左個 bar 枱同兩張o係 IKEA 買番來的高櫈。

張高櫈好平,好似只係 $149@,但就好齋下,所以我就諗計整靚下佢。

因為媽媽是裁縫的關係,間唔中屋企都會出現o的布頭布尾。當中有一塊粉紅色毛毛布,好鬼可愛,咁我就度好晒櫈背同櫈面的尺寸,情商媽媽幫我車個椅套啦 ... 好在效果都幾好 (因為我成日怕我o的無聊 request 浪費左媽媽的 energy 呀)!我都要學下車衫先,等我第時可以自己玩下車野咁!

 

 


 

7 則留言:

  1. 你呢個廚房整得好靚喎~~~ 我都好中意開放式廚房, 咁樣空間感會大好多 上星期我去睇左其中一個單位, 佢都做左個開放式廚房, 佢仲做左個拉燙式ge玻璃門, 咁樣當油煙大ge時侯就可以拉埋度門, 唔怕搞到成間屋都係油煙~ 我好中意佢個設計, 第時可以的話我都想咁整

    回覆刪除
  2. 係呀!我係比較鍾意開放式廚房架 ~ 尤其是睇o的室內設計雜誌,o的開放式廚房通常都整得好靚,連間屋都靚o的架 ... !不過笨 B 爸爸話佢鍾意炒蝦拆蟹,堅決唔肯o係新屋度整開放式廚房喎! 不過無論係開放式廚房,抑或你講o個隻拉敞式玻璃門,都要 keep 得個廚房好乾淨整齊至好睇,否則弄巧反拙,一入屋就睇到個亂七八糟 哈哈哈

    回覆刪除
  3. 好有romantic feel呀! 真想去參觀一吓呀!

    回覆刪除
  4. my dream house ,好想有個開放式廚房

    回覆刪除
  5. 小 Blue 媽: 呢間唔係大伯公間屋,係我舊時同細妹住o個度o黎架 ~ 所以冇得參觀 lu 小熊子: o個時查實係間屋太細,所以先攪個開放式廚房 ~ 我都好鍾意大廚房,好似外國o個o的,可以成家人坐埋入去食飯咁大就正勒!

    回覆刪除
  6. 個絲絨套好得,您真有福, d 親人呢個就出水能游,果個就入水能跳。。。。 我都好喜歡diy, 所以全屋窗簾都係,arm心水得黎又經濟。 您快d 學車嘢啦!

    回覆刪除
  7. 唔記得問臺面顆東東是否叫“石欄”?要多水定少水?剛剛買了回家,未種過, 嘻嘻

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: