2006年8月23日 星期三

【廟街】單眼佬涼茶

【正氣推介:春和堂 (單眼佬涼茶)】

地址:油麻地廟街 151 號 地 下
電話:2384 3744

o岩o岩o係本【忽周】度睇到個 topic,講話涼茶可以抗衰老 (可唔可以抗埋衰佬

?) 同埋防癌,而功效係來自當中o既「茶多酚」成份也!唔怪得知家下o的中式涼茶飲品賣得咁好喇!連 Swire Coca Cola 都要拿拿臨 acquire 健康工房o既樽裝涼茶 line o黎加入戰場!

不過,根據文中介紹,o係芸芸眾多涼茶牌子中,含有最高量茶多酚o既係 ... 五十年老字號、超市冇得賣o既單眼佬!咁o岩上個 weekend 咁o岩經過油麻地去左幫襯 (仲係第一次去飲添!) 果然係真材實料,回味悠長呀下 ~ 好野、好野 good

【上圖】忽周 577 期 (8月18日) 裏介紹涼茶好處o既文章

【上圖】單眼佬原來個正式店名係「春和堂」喎

【上圖】笨 B 爸爸睇完張相後更正我,佢話成吉思汗個細佬應該係「成身大汗」至o岩

【上圖】五花茶同埋廿四味涼茶都係賣 $6 一碗

【上圖】店內仲有其他產品賣,呢隻琥珀膏聽聞係用來止血治傷架喎 ...

【上圖】睇呢個 window display,簡直有時光倒流五十年o既感覺  

後記:如果想知道多o的呢間五十年老店o既資料,可參考以下網頁

http://www.loong.idv.tw/blog/archives/000467.html

5 則留言:

  1. 係...? 真係佢最多茶多酚...? ,好耐冇幫襯,得閒都要去飲返碗先

    回覆刪除
  2. v 姨:篇文章話攞晒o的 sample 去 SGS (香港通用公證行) 檢定成份架啦,應該信得過

    回覆刪除
  3. 我好少特登去飲涼茶,不過可以記低佢先....

    回覆刪除
  4. 我都0係度飲過一次呀!!!!都ok架~~~

    回覆刪除
  5. 老油....................好近我住果到,我都有

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: