2006年8月6日 星期日

一個大洞

【日期:2006年8月9日】

哇哈哈!好開心呀!我卒之追得返o的時間啦!呢個就係今日o既 report!

今日睇到個地盤被掘左一個大窿,就係上一篇提到,用o黎打新的地基用的。不過近來天氣不佳,所以工程暫時擱置 ~


14 則留言:

  1. 笨b媽,我睇晒你呢個系列喇。不過我都好奇怪,點解住住下市區想住村屋呢?淨係想做野人好似簡單咗啲喎 呢間屋幾時可以落成?你係住三樓定二樓呀?(你之前有無提過,定係我睇漏咗呢?)

    回覆刪除
  2. 郎媽:嘩 ... 你o係百忙之中都抽時間睇晒成個系列,真係令我感動 嘻嘻!不個我暫時咁少篇文,應該都 ok o既 ~ 想當日我追晒太郎日記九十幾篇文,真係睇完即刻覺得有飛蚊出現呀 不過太郎咁 Q,實在係忍唔住唔追睇o既! 講返正題 ~ 查實,村屋即將係我同笨 B 爸o既「愛巢」,明啦 ~ 笨 B 爸係好鍾意村屋o既環境架!反而我起初聽到呢個 idea 係有o的抗拒的!但睇過咁多村屋以後,又覺得幾爽喎 ... 尤其是而家去新界西o的交通算係方便左好多,雖然出市區返工係遠o的,但都係 acceptable,唔似當年咁真係下鄉咁 起村屋好快,如果天氣好,三四個月已經大致 ok,反而係申請滿意紙都要另外再三個月。但未有滿意紙其實都可以住得,所以,我睇緊農曆新年前都入得伙架啦 ~ 另外,我係住二、三樓連天台呀。o的朋友最初聽到時個個都話乜我咁豪,但其實呢度二、三樓個價錢,o係市區可能只買得六七百尺架o乍 (仲要係講緊普通新樓,唔係所謂o個o的「豪」宅!) ~

    回覆刪除
  3. 係呀~~ 我之前都有留意新界D村屋, 有D真係好平, 成棟買返來一家大細, 兩夫妻住一層, 阿爸阿媽住一層, 老爺奶奶住一層, 平時可以互相照顧, 又有自己ge空間, 諗落都唔錯~

    回覆刪除
  4. 係呀 ... 畀我有足夠彈藥,我都好想咁架 ~ close 得來又有各自私人空間

    回覆刪除
  5. 追晒太郎日記九十幾篇文<--你仲撐得住,勁

    回覆刪除
  6. Sgt's boss:想當日我係追埋 Sgt's diary 添架,成個下晝畀晒你地兩個

    回覆刪除
  7. 嘩!二三樓連天台,你就正啦,仲係新屋添,恨都恨唔到呀,使乜要天台屋呀,夠晒住啦! 起天台屋要幾萬蚊,不過你知唔知天台屋係' 僭' 建黎架?如果有人投訴就要拆架喇,無必要都唔好亂黎,特別你係新搬入去住,都未清楚周圍住0既人係點....

    回覆刪除
  8. 郎媽:我唔係諗住遮晒成個天台的,只係諗住有少少地方「有瓦遮頭」避下雨咁o者 ... 其實係晾衫 --> 如果冇遮冇掩,o的衫會唔會好容易飛走/ 整污糟? 另外,我都聽過天台屋係僭建o既事,不過查探完一輪之後,發現左一樣野 --> 假如係完全密封 (即是o的窗有窗花,有需要時不能用作逃生用) 先至算僭建也!不過,我應該係乜都唔整住架啦,因為買村屋要畀三成首期,流動資金都乾塘晒咯

    回覆刪除
  9. 如果你個睡房或者主要活動空間係三樓嘅話,最好都係裝個頂蓬先好啲,唔係實焗到飛起啫

    回覆刪除
  10. v 仔姨姨:我都聽過好多人咁講呀,所以我都怕真係會幾熱!不過我地在簽買賣合約時已註明天台一定要加隔熱磚,雖然會令三樓樓底矮左 3 寸 (因隔熱磚好厚) 但笨 B 爸爸話唔加的話,我住落就會知大件事 ... 據知好多現樓賣的村屋都冇做呢個動作 (因係 extra cost) 所以好人都要加番個天台屋遮一遮 ~ 就等我到時睇下o的隔熱磚作用好唔好先 ~

    回覆刪除
  11. 笨B媽媽:想提一提的是... 根據屋宇署條例, 僭建物不一定是指密封式的建築物, 一切有機會影響物業結構的改動或加建, 如沒有得到批准都是視為潛建的... 就算是一塊用來遮蓋天台的帳篷或是冷氣機上面的金屬屏障, 只要是伸入了建築物本體以內, 就有機會被視為潛建的了... 因為在天台加建天台屋, 會令天台的承重量大增, 如果負荷不起, 會有機會壓垮天台的... (雖然很少發生) 要注意!

    回覆刪除
  12. 斯洛: 多謝你的提點呢 ~ 這點笨 B 爸爸已經計算在內,所以我地加了 $$$ 在天台屋仔加左鐵,增加承重力 ~

    回覆刪除
  13. 嘩! 笨b爸爸咁叻嘅? 佢做建築嘅工程師架? 老公話笨b爸爸咁叻 第日要多啲請教吓喎! (我老公成日話自己幾叻,而家終於知道天外有天了!) 哈哈!

    回覆刪除
  14. 小魚兒: 笨 B 爸爸係工程界架 ~ 不過唔係起樓!但佢對工程係好有認識的,所以呢個 project 佢都做左好多功課,計劃周詳架啦! ~ 到時做左鄰居,交流交流呀下 (最緊要冇飯開o個晚畀我過來黐餐!哇哈哈哈哈! )

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: